رمضان..
يالله ماصدق إنك خلصت بهالسرعة
حليلنا .. يللا إن شاءالله بنعيد ذكراك ف الــ6 شوال
والله يبلغنا رمضان السنوات اليــــايــه .. آميـــــن يـارب
••••••••••••
تمر علينا الأعياد .. وتحمل في طياتها ذكريات رائعة
وكل شخص له ذكريات خاصة .. و ذكريات عامة
وفي كل عيد..تتجدد الذاكرة بذكريات يديدة.
.وتنشّط الذكريات السابقة
وفي لحظات استقبال العيــد .. حد يتذكر وهو ساكت ويبتسم .. و حد يتذكر ويشارك الغيــر بحصيلة الذكريات اللي عنده
وحد يحاول يتذكر .. بس ذاكرته مختله جزئيًا وماخزنت شي يستاهل التذكر..!!!
يالله ماصدق إنك خلصت بهالسرعةحليلنا .. يللا إن شاءالله بنعيد ذكراك ف الــ6 شوال
والله يبلغنا رمضان السنوات اليــــايــه .. آميـــــن يـارب
••••••••••••
تمر علينا الأعياد .. وتحمل في طياتها ذكريات رائعة
وكل شخص له ذكريات خاصة .. و ذكريات عامة
وفي كل عيد..تتجدد الذاكرة بذكريات يديدة.
.وتنشّط الذكريات السابقةوفي لحظات استقبال العيــد .. حد يتذكر وهو ساكت ويبتسم .. و حد يتذكر ويشارك الغيــر بحصيلة الذكريات اللي عنده
وحد يحاول يتذكر .. بس ذاكرته مختله جزئيًا وماخزنت شي يستاهل التذكر..!!!
منذ سنة 2006-2007{ أول سنة لي ف الجامعة }
وذكرى الفراشه .. أصبحت تلازمني كل عيد
وأفراد العايلة دووم يتذكرون هالشي .. وماقصروو .. مخبرين كل حد
الله يسلمكم الفراشه هي نوع من أنواع الشلق >> المفرقعات
وفي تلك السنة .. كننا نلعب بالشلق .. ونا أحب الفراشة
وكل شوي ألعب بوحده..وكننا انا واخواني الصغار .. وأخوي العود
اخوي العود >> المنظم لعملية اللعب بالشلق >> ع أساس
{ القدوة } خخخخالمهم .. هاكونا قالت حق اخوانها .. يللا بنشوف منو اللي فراشته اّطير أعلى شي
وكل مرة هاكونا تفوز ف التحدي>> بالغش
لا لا لا .. صدق كنت أفوز
وآخر مرة .. كانت الفراشه معوايه .. ويوم طارت ماطارت ع فوق
طارت أفقي وباتجاهي .. ونا كنت قريب وايد منها ..
هاكونا بسرعه شردت .. وتصارخ .. وتصارخ .. وتصارخ .. ومازالت تصارخ
{ انا حسيت انها وراي .. وحسيت اني بحترق }
>> وايد ماخذه مقلب ف عمري خخخخ
المهم .. ربعت بعيد عنهم .. ورديت نكس .. وأستصرخ .. وأستنجد بأخوي العود
وأشوفهم كلهم عاااااادي
و ف خاطري .. لهالدرجه عادي عندهم أحترق
لهالدرجه عادي..!!!!.. وعقب شوي ..
كل حد يضحك علي .. ونا بعدني ماطلعت من الصدمه
كنت مستغربه .. طلعت أمايه متروعه .. وتقوللي سلامات شو السالفه..؟واخواني خبروها .. وف هاييج اللحظه
حسيت بمدى غبائي .. يعني صح إنه الفراشه طارت أفقي .. بس ماكانت وراي وتلحقني "كما زعمت"
>> يمكن كنت أتوهم..!!!
ضحكت ع عمري .. وضحكت ع مدى غبائي .. و ع مخي اللي يتوهم .. و ع إني وايد ماخذه مقلب ف عمري
بس صــدق .. من حقي .
. والواحد ياخذ الحيطة والحذرأحين كل مايابو طاري الشلق .. لازم اييبون طاري هاكونا والفراشه
{ طبعًا مب إللا أفراد العايلة تعرف .. كل حد يعرف..!! }
عيــــــــــــــــدكمــ مــبـــــــــــاركــــــ
وعـــســاكــــمـ مــن العــايديـــــنــــ تحــملو ع عماركم .. وعيــد سعيـــد بعـيـــد عــن H1N1
بعيـــد عن حوادث الألعاب النارية والمفرقعات
وبعيــد عن حوادث السير والمرور
وملــــــــئ بكل معاني الســـعــــــاده
عاد ماوصيكم .. كشخو آخر كشخه .. وشاركونا بفعالياتكم ف العيــد
24 comments:
كل عام و أنتِ بخير هاكونا
ينعاد علينا وعليكم كل سنه
=)
وتقبل الله منا ومنكم صالح الأعمال
،
أضحكني موقفك مع الفراشه
بس ماتنلامين الروعه تعمل عمايل
ا ا
~
وإنتي بألـــــــــف خيــــــــــر
آميـــــــــن يارب
=)
ههههههه..عاد ونا مصدقه عمري
×_×
أريـــج .. أسعــدنــي تواجدج هنيه
=)
ههههههههه
كل عام وأنتِ بخير وصحة
و الله يتقبل منا ومنكم صالح الأعمال
آميـــــــن يارب
وانتي بألف ألف خير
Thaaanks 3al-comment.. nice to c u here =)
مباركن عيدكم .. وكل عام أنتم بخير .. وتقبل الله منا ومنكم صالح الأعمال .. وعساكم من عوادة
عيدج مبارك أختي
..
أما سالفة الفراشة كخخخخ تضحك
..
كل عام وانتي بخيير ياربي
ينعاد عليج و علينا بصحه و سلاامه
و كل سنه وانتي سالمه غانمه لكنج هاكونا
خخخخخخخخخخخخخخخخخ
اتذكر هالسالفه واااااااااكك
عجيبه
كل ما اشوف الفراشه اتذكر هالسالفه
ههههههههههههههههه
اما الصراحه كيف كنتي عجيييبه
هههههههههههههههههههههههههههههههههههههههههههههههه اتخيلتج تربعين >> اذكرتج يوم كنآ نلعب كروك وبسبتج انسدحت من الضحك عليج حتى انه نسنس مسكتني كله من ربعآنج وصريخج
حليلهم خوآنج الصغآر
بس والله حلوووووووووووووووووووووووووووووووو طمآآآآآآآآآآآآآآآآآآشه
يعطيج العـآفيه
وعييييييييييييدج مبـآرك ^^
حاجوني .. ديزاير
وعساااكم من العايديــــن
وشوووكرن ع المرور الحلوو
الله يتقبل منا صالح أعمالنا
ديزاير .. هههههه .. وماخفي كان أعظم
..!!!!
=)
دلوعة
هههههه..وانتي بألف خيـــــر أووختي
خخخخ .. مابقى حد مايتذكرها
البارحه ولد أخوي "عمور" يقول حق اليهال إنني أتروع من الشلق
وعقب يا .. وسإلني انتي تخافين صح..؟ وتحيدين يوم الفراشه..؟
انا بطلت عيونيO_O .. قلتله لا انت كنت محد أصلًا
قاللي لااا كنت هناك . وأحيدج بعد
O_o
سمت البدو
لااااااااااااا .. لاتتخيلين
O_o
هههههههه هيــه .. صدق انه طماشه .. وخبالنا كان ع الآخر
=)
بس كانت أيـــام .. ونتمنى انها تنعااد
وعساااج من العايدين
=)
>> كم مرة باركنا حق بعض..O_o
كل عام وأنت بخير وسلامة
عيدج مبـــارك =)
المعاني حروف
وانت بألـــف خيــــر =)
وينعاد علينا وعليكم بصحة وسلامة
scribble
علينا وعليج ياارب..وعســـاج من العايــدين
=)
--------------------
مروركم أســعدنـي
=)
مرحبا مرحبا
خشمج خشمج >>>اووه صح موصينا ما نخاشم حد عن تيينا الانفلونزا لووول
مباركن عيدج هاكونا
وعساج من العايدين والديتول قصدي من
العايدين والسالمين^^
هههههههههه كل وحده لها موقف ويا الشلق
انا تبت اني انقع شلق..لاني قبل 4 سنين ..مخلية عمري ام العريف وعاد اوني انا البوس اللي تنقع الشلق جان تعرفين شلق البطريق
عاد وانا انقعها.. نقعت عدال اذني..تمت اذني يومين وهيه تزن(زززززززز)اونه هذا الصوت طاااخ طييخ ..ومن ذاك اليوم وانا اتروع من شي اسمه شلق
السموحه تراني وااايد اهذر لووول
سوري انقطعت عن المدونة ..من زحمة العيد لوول^^.. لج وحشه خيتو
هههههههههههههههه
لا لا .. عادي نحن بنخاشم عناد فيهم خخخ
هههههههههههههههههه.. حد فراشه .. وحد بطريق
>> جي كان الصوت..؟؟ خخخخخ
انا بعدني ماتأدبت عن الشلق .. بس أحاول آخذ الحيطة والحذر
=)
عاااااادي فديتج .. قرقري كثر
ماتبين .. أفا عليــج بس
مسموحه والله.. بس لا تكثرين من هالانقطاع.. ونتلاقى ع خيــر إن شاءالله
=)
أسعدني وجودج والله كثيــــر
>> بسير أشوف البطاقة
مشكـــــــــــــورة كثيـــــــــر
واللـــه
تسلميــن =)
كل عام و انتي بخييييير هاكونا
7amad.... =)
Oo ent b2alf 2alf 5air bro...
&
hope u enjoy ur eid there.... =)
NICE to c ur comment walla^^
3eedch mubarek
have FUN in 3eed honey :P
تقبلي مروري الأول :)
Faith..
u 2 sweetie...Oo kel 3aaaaaam Oo ente b2alf 5air..
Thaaaanks a lot 3al-mroor el-7loO
u r welcome any time swetie
Thaanks =).. & hope u enjoy ur 3eed in london..=)
كل عام وانتي بخير هاكونا
وتعيشي وتأكلي مقالب من الفراشه :D
هههههههههههههه
ع الاقل تركت ذكرىى حلوه مرتبطه بالعيد
محبتي
متهورة بلطف
هههههههههه.. آكل غيرها ها..؟؟
O_o
حلوة هالحركات..وذكراها تكون أحلى
^^
وانتي بألـــــ^^ـــــــف خيـر
شوووكرن ع المروور اللي أسعدني =)
Post a Comment