°•°Wεlςöრe৳o HάķöØηãრä৳a৳ã BlØg°•°

Friday, 11 September 2009

✿----ur view----✿

تغير محتوى الموضوع .. بعد أن كان محجوزًا لشي آخر .. استوى أحين حق شي ثاني
وبعبر بلغتي الأم

العصر .. ملأت الغيوم أحضان السماء .. وليست أي غيوم
إنما تلك الغيوم .. التي لطالما لفتت انتباهي
وحثتني للنظر لها بكل إعجاب .. الغيوم التي تُشعر من يراها بجمال الطبيعة
"واللــــه إنها حلــــــــوة .. صدق"

غيوم ركامية .. تراكمت لنراها بأجمل حلتها
>> قلت ف خاطري .. يارب يصب مطر
وقريب المغرب
بدا الجو الأصفر .. وبدت أصوات الريح
بدا الغبار .. وبدا صوت الرعد المريع
"اللي يروع يعني"
مع إنني أحـــب الرعد .. أحس غيـــر يوم أسمعه .. أستانس
المهم
مع هالجو .. لازم تكون شي اضاءة .. وجو سينمائي ..
فتكلل المشهد المريع .. بوجود برق
" أحب الرعد أكثر عن البرق"
فجأة
زادت الريح .. واشتد الأمر العسير
"أول مرة أتروع من الريح"
{قريت الدعاء .. الحمدالله}
و ع طـــول .. قعدت أتذكر أنا شو سويت اليوم
ههههههه .. أستغفرالله .. صدق إنني إنسان
حاسبت عمري ع السريع

وعقب حسيت بغبائي
"لنني فكرت بأشياء غبيه .. وكنت بتهور وبسوي أشياء أغبى"
وعقب خفت الريـــح .. وفجأة .. وكأن شيئًا لم يكن
عقب الفطور
ونا ف نص الحوش
مددت ذراعيّ للسماء
وكأني أنتظر المطر
وبالفعل .. بس كان نفاف
تميت واقفه .. وابتسامه عريــــضه
>> حليلي .. وهو بس نفاف
عقب الصلاة
نزلت تحت .. وتوجهت للحوش
وراسي باتجاه السماء
" من بعيد راسي يبين جننه مفلطح خخخ "
وأطالع .. وأقول يارب يكون شي مطر .. يارب
" أطالع فوق .. بس ماشي غيوم نفس قبل .. شي بس شوي .. ومتفرقات "
سمعت صوت ع أوراق الشجر
صوت تساقط حبات المطر
Happy Dance>> زادت الابتسامه
تميت واقفه .. وحسيت بحبات المطر على وجنتيّ
يـــااااااي
يعني رغم إننه الغيوم الصغيرة والمتفرقه اللي كنت أشوفها .. كان شي نفاف
قد يكون اختلاف المستويات
هو الذي جعلني أرى تفرق الغيوم وبعدها عن مكان تساقط المطر
يعني غالبًا جي .. يصب مطر .. والسحابه ماتكون فوقنا .. تكون بعيد شوي
سبــحان اللــه

ناس عندهم نفاف .. وناس عندهم برد .. ناس تكسر شيرهم .. وناس تدهورت حالتهم
بس دايمًا أحسه حلوو .. والله .. يعني الحمدالله يااارب ..وعسى أن تكون رحمة من المولى عز وجل

Glasses
بؤرة الموضوع
••••••
حاسب نفسك دومًا
ليس في وقت الشدائد فقط

••••••
تفاءل
فعدم وجود الغيوم فوقك .. لا يعني عدم وجود المطر
••••••
انظر للأمور بكل أمل .. واحمد ربك على كل شي
النفاف غير البَرَد .. ولكن أول الغيث قطرة
>> والحمدالله .. يعني هذا يعطينا أمل إننه الأيام الياية .Happy Dance. يصب مطر أكثر غزارة إن شاااءالله
{ اسمحولي ع الإطالة .. ماروم أيود عمري .. لازم أكتب واايد .. خخخ }

5 comments:

daloo3a said...

ما تكونيين هاكونا إذا ما تكلمتي وايد

خخخخخ ان شاء الله بينزل مطر أكثر عن اليوم
و بيكون شي سحاب وااااايد

و بنفرح و بنلعب ^^

said...

hahaha
daloo3a.. I write too much .. bass I don't talk too much like u ..

inshaallaaaaah yaa raab..
waiting el-strong rain yaay =)

Thanks sisO 3al-ur comment=)

صمت البوح said...

ياااحيكم يااكم نفاف
نحن مايا شي صوبنا
انا بس سمعت رعد ..والدنيا مغبره

انا قلت اكيد بتي رشة مطر ع صوت هالرعد وعلى هالمهب القوية
بس نقول حمدالله ع كل حااال


يسلموو هاكوناا ع الموضوع

said...

9amt-elboO7..
heeee .. 7leelkoom .. ya3nee fe 7ad a5ass 3anna hahahaha
yalla .. el-7emdella 3a-kel 7aal
Oo inshallah next time m6r gweeeee
3al-2aa5er..

O y36eeg el-3afyaah 3al-ur comment
Thaanks sweetie .. =)

freefun0616 said...

酒店經紀人,
菲梵酒店經紀,
酒店經紀,
禮服酒店上班,
酒店小姐兼職,
便服酒店經紀,
酒店打工經紀,
制服酒店工作,
專業酒店經紀,
合法酒店經紀,
酒店暑假打工,
酒店寒假打工,
酒店經紀人,
菲梵酒店經紀,
酒店經紀,
禮服酒店上班,
酒店經紀人,
菲梵酒店經紀,
酒店經紀,
禮服酒店上班,
酒店小姐兼職,
便服酒店工作,
酒店打工經紀,
制服酒店經紀,
專業酒店經紀,
合法酒店經紀,
酒店暑假打工,
酒店寒假打工,
酒店經紀人,
菲梵酒店經紀,
酒店經紀,
禮服酒店上班,
酒店小姐兼職,
便服酒店工作,
酒店打工經紀,
制服酒店經紀,
酒店經紀,

,