✿----ηεighböurs----✿

أفراد .. تبقى أسمائهم في ذاكرتي..كننا نعيش أيامنا..لعب..ضحك..شقاوة..إزعاج..براءة..

وهذي أسماء أشخاص تجمعني فيهم الذكرى (( لعلي لن أذكرهم كلهم )) بس هاي الأسماء اللي ف بالي حاليًا ..
••----------------------------------••

علوه (( علي )) + طروق (( طارق )) وأخوه محمد اللي كان وجوده جانبي.. ماكان يلعب ويانا واايد.. (( يحافظ ع جمال وبياض بشرته هههههه .. الله يذكره بالخير)) وأختهم منار..أصغر عني.. .. كننا نلعب .. نغني .. نناقز.. نتضارب ع الخفيف..

طلال وأخته دلال >> كانت شخصيات يديدة ع الحارة .. طلال يحب شي اسمه كورة .. أكثر عن الباقي..ودلال تحب الجمال..

* ماتخيل عمري وحده من هؤلاء .. ولا شكل يركبلي ^^

▫▪₪ ✿موقف ₪▪▫✿
••----------------------------------••

كل ماسير الدكان .. أشوف طلال يلعب بالكورة..(( بروحه )) أكيد صار محترف أحين لووول..اللي ابا أعرفه .. انا شوسويتله؟؟؟>> يلعب بالكورة .. ونا سايره صوب الدكان >> يشوتني بالكورة .. ليش انزين ؟؟ .. أول مرة قلنا بالغلط.. بس بعدين؟؟ .. طبعًا أنا شوبقول؟؟ ..ماقول شي بس أعطيه هاييج النظرة .. وهو أونه يعتذر .. بس الابتسامة امبينه ف معالم ويهه..هههههه .. والله أيام..

نرجع >>> دلال تحب الجمال..

كانت .. فتاة حالمة (( على حد علمي )) ... العصر .. تحط روج أحمر .. تفل شعرها.. وتسير فوق السطح .. واطالع.. تتأمل .. كانت دووم محتشره ع أمها تبا تضعف .. هي دبدوبة .. (( الله يذكرها بالخير )) .. أكيد أحين كبرت وعقلت .. هههههههه .. خاطري أشوفها أحين كيف صارت ؟؟..
••----------------------------------••

وأشخاص آخرون..وينهم أحين؟؟ .. افترقنا .. وما يجمعنا سوى الذكرى الطيبة.. بس مازالت علاقة أولياء الأمور قوية..ولو إنه كل حد ف صوب...بس متواصلون دايمًا..

لنا حقٌ على جيراننا..ولهم حقٌ علينا..

أوصانا إسلامنا..قراءننا..نبينا.. بالجار..بس وين هو الجار هالأيام..؟ يمكن حد .. ويمكن محد..وإن كان حد..تراهم قلة قليلة..
الله يكثر من أمثالهم..

••----------------------------------••

* ماأتخيل إيي اليوم اللي أذكر فيه مغامرتنا وأحن لها.. بالعكس أبا أيامنا كلها مغامرات..بحيث إننا نشتاق لمغامرات باجر..مب نحنّ ((نشتاق)) لمغامراتنا الأولية..

الله لا يفرقنا>>> أو أحسن أقول الله يجمعنا دووم ع خير .. ويديم صداقتنا لأبد الآبدين..ياااارب