°•°Wεlςöრe৳o HάķöØηãრä৳a৳ã BlØg°•°

Sunday, 12 July 2009

✿----3bäraa৳ 9dεεQ৳e----✿

الموضوع طويل..بس في نظري يستحق القراءة..=)
نسنس..من أعز أصدقاء الاف فور..ولها مكانة عالية..هي وصديقة عمرها موني..((الله لا يفرقكن ويجمعكن ع خير)) كانن الثنائي الأول اللي ارتبط بالاف فور..ولقسوة الظروف..أحس إننا بعدنا شوي..بس مازلت الاتصالات وسب التواصل موجودة..والمغامرات الفجائية لم تنتهي بعد..الله لاا يفرقنا ويجمعنا ع خير..المهم..اليوم حبيت أحط بعض العبارات والدرر اللي تفوهت بها نسنس ف يوم من الأيام .. لاا يغركم تخلفها ههههه .. بس والله عندها مخزوون ثقافي لا يضاهى..وللا أنا ليش أحبها؟!.. أحسها غير عن البنات..عمري ماتعرفت ع حد نفسها..فيها شي يجذبني لها.. ووو أحب أطفربها>>> عاد تحمليني..=)
بداية الموضوع..إنني كتبت عن صعوبة الموت في الجات بوكس.. عقب ماعرفت..عن اللي صار لولد خالتي وربيعه..وهذي هي عباراتها وردي عليها..:

تعررفين ، اذاكان المييت علاقتج به عادية وطيبه وتعارفية فقط،، ومات فجأه يحز فخاطرج بس تكوونين مرتااحة لان الامور طيبة

بس ان كان هالشخص بينج وبينه حسااسية وعلااقتكم مب طيبه، اوقات كانت كره واوقات كانت تطنيش،،واوقات ودج اتقهريييبه وفجأه مااات ..اهنيه بس تمنينه يرد..تمنينه يرد وتقوووليه ساامحني دخيلك،، هنيه بس تكتشفين الدنياا مصغرها ومحقرهاا
اتندمييين على الوقت اللي ضااع امبينكم ،فهالوقت بس تطلع لج ايجاابياات الانسان هذا كلها عقب ماا كنتي اتشووفينه سلبياات ومجرد سلبياات

حلووة الابتساامة الصاادقة،، والاحلى الظن الزززين،، تراها دنيا والله ما تسووى انضيعها ،، فحسااسياات وبغض و كره
اربيع اخووي الرووح بالرووح توفى،، سهر وياه لين الفجر ومات الضحى،، الصدمة كاانت قوويه ..اتصدقين انه خبرني سووالفهم كلها ،، اهنيه حسيت بشي غرريب ..مب حلوو يووم تفقد الانسسسان مرة وحده،، لو ساافر ماا عليه ،،بس يرووح ولا عاد يرد،، اهنيه اضيييق النفس والعين هميله
هاكونا تقول :
كلامج صح..ونا أؤيد هالأشياء..
أول شي >> الله يرحمهم ويغمد أرواحهم الجنة✿
من طبعي إنني أحب أطفر بالناس اللي أحبهم..وهالشي ساعات يكون غير..مثلًا عيال خالاتي..دووم أطفربهم..وو سعيد اللي توفى ف حادث سيارة ويا هناد (( الله يرحمه ويقوم هناد بالسلامة)) كان من ضمن الشلة..ع أيام قبل..أيام الإعدادية..أذكر المواقف اللي استوت وسعيد فيها..صح انني ماكنت أطفر به..بالعكس..كنت أستحي منه شو >>> ع أساس..هههه وهو ماكان يحب حد يقفطه جدامي..والمواقف تكشف هالشي..✿

ماكنت أعرف اننه هو اللي كان ويا هناد..كان اللي معور قلبي اننه شاب صغير كبرنا..بس يوم أخوي خبرني..حز ف خاطري صدق..وعيوني دمعت..((أخوي كان يتريا ردة فعلي))..قلت ف خاطري سبحاان الله..والله .. سبحااان الله..بس..الله يرحمه..اممم الحمدالله ع كل حال.. وهالشي اللي لازم نسويه..اننا نصفي حساباتنا يوم بيوم..محد يعلم لين متى بيعيش؟؟
نسنس مرة أخرى =) :
يمكن انتن اكثر شلة فالجامعه واالفتهاا،،وعرفت كل وحده فيكن بروحها ،،مراات كنت احس انه في خطر ومداهمااات وحزب حمااس>>اجهل اسبااب ،، بس احس بها

اتعلمت شي ،، والله يعينه بلووقج على فلسفتبه،،مب اي حد عرفتيه بيكوون مثلج ،،لااا في منهم ماا يخاافوون الله ،،ها النااس خذيه منهم خيرهم وشردي بقشوورج عنهم

وتعلمت بعد ان مب اي حد تعرفينه بيصوونج،، عررفي انه في حد بيتعرررف عليييج ،،بس يمكن يكوون هوو سبب دمااارج ،، فالله يكاافيج شره

وعرفت انه الله سبحانه بيرزقج بمخوووة حد ،،لوو تلفيين دنيااج كلها ماا بتلقيين مثله ،، هالانسان هندسي اخرتج ويااه وصووونيه بقلبج قبل لسسسانج وحفظييه تراا مب كل مرة بتلقين مثله..

واحلى شي اذا في خاطر حد ع حد يررمس ولاا يطنشش ،، وتكبر الحساسية
وهذا رد هاكونا :✿
اممم صح..ووو النقطة اللي همتني..
واحلى شي اذا في خاطر حد ع حد يررمس ولاا يطنشش ،، وتكبر الحساسية✿ اممم..
حلو هالشي..بس لو رمست عن نفسي..انا أفتقد هالشي..أحس انه ماعندي القدرة انني أقول اللي ف خاطري..أحاول أتغاضى عن أي شي وأحسن الظن..ماحس اننه من حقي أنني أحاسب الناس ع اللي يسوونه واللي مايسوونه تحت إطار الأشياء اللي ترضيني..كل واحد حر..بس لو غلط .. أو شي جي ..واجب علينا اننا ننصحه..هذا من منظوري..ووهذي أنا ..!
الله يكافيني شر الأشرار..والله يحفظلنا كل الطيبين والأخيار>>>فديتني...
بعد النظر في الموضوع..
قالت نسنس:
زين هكوونا زين ييتي ع العووق،، هالشي فيج لا وتعترفييين بعد اممم قوااة عين خخخ... مب لازم انج اتعااملين الناس كلهم بنفس المستوى ،،

لاا حد طبيه لانج لوو رمستيه من اليوووم لين بااجر ماا بينفع ويااهم وحد بتااخذين اثم بس من رمسته وحد بيقلبهاا عليييج ،، بس في ناس الا ما يكوونوون لج اقرب من حد،، هنيه من حقهم عليييج انج ترمسيينهم واتصاافينهم
،،


لانج بدوون ماا اتحسسين ردوود فعلج بيكوون فيهاا شي بدوون ماا تقصدين ،، فا لا ما تخترب العلاقة بهم واضيييع اوو تفتر،، فذمتج كم مرة رمسستج انا وكم مرة صاافيييتج ادريبه واايد ياا فخاطررج بس غربلتيني ماا يظهر منج شي ،،

مب لازم حسن الظن يكوون كبير لحد السذااجة الا ماا يتعب الانسان ،، صاافي اللي تشووفينه يستااهل ،، وصاافي اللي تودين علاقتج به ادووم ،، والا البقية الصااالحااات ،، يصطفلن شعليييج منهن طبيهن ..
و هاكونا قالت:
اممم .. قد يكون جي .. و قد لا يكون .. اممم .. بس .. ماعرف .. انا جي أحس أحسن .. تعرفين انني لو قلت.. ماحس انه الكلمات تسعفني.. وطولة اللسان تختفي فجأة.. وعااد هاللحظة أكرهه عمري.. ساعات خاطري أقول..بس مااعرف..
وو قد يكون الشخص يستاهل المصارحة..بس يمكن أحس إنه مايساعد ع هالشي.. أو ماباه يتحسس مني..نفس ماقلت..مابحاسب الناس تحت إطار بالأشياء اللي ترضيني.. وان شاءالله بحاول أحافظ ع اتزان العلاقة بيننا.. والله أبا أغير هالشي.. وفنفس الوقت..أحس جي أحسن..