✿----söრe of რy რεრöriεs----✿

I was a student in raw'9at um 7abiba ((pre-school))....
I studied only KG2 [ ثاني روضة \ أ ] ..
My teacher was; .. Mariam 6arish..she was very kind.. helpful..I love her..and she loves me =) .. ((romantic film)).. She is my first teacher..
emmm I'm wondering now..where is she?..what does she do? If I meet her, will we know each other??!...

أذكر الصف واللوكرات اللي فيها أغراضنا..أذكر موزة
(( صديقتي)) و هبة ((اللي مرة نصالحها ومرة نخاصمها)) ع كيفنا..!!!
..أذكر هالة .. بنت وحده من المدرسات .. حبوبه هالبنت..
أذكر مريم ((حياتها مقرونة = حواجبها متلاقية))
... ماكنت أحبها والسبب شو؟؟ ههههههه حليلها..
السبب انه حواجبها متلاقية..وهي حليلها فتاة مسالمة .. أحين يوم أتذكر..أتذكر
ابتسامتها.. وعيونها الصغيرة..
اممم .. أذكر وحدة مستقوية نصرة ,,
كانت المرعبة .. مشهورة ف الروضة
... ووو أذكر أشكال الإداريات بس ماذكر بالضبط أسمائهن..
أذكر أبلة الموسيقى >> دووم تضرب واحد
من اليهال((لأسباب يجهلها مخي)) وسبحان الله ..
يوم تبا تضربه .. جزء من الضربة ايي ع ايدها..
((لمعرفة تفاصيل الضرب contact me=) ))
.. أبلة الفن اللي ماعندها شغلة غير إنها تقرص ف الأذن ..
يعور (( ماجربت )) بس كل حد جي يقول >> والقول في ذمة الراوي..!

الفزعة

ف يوم من الأيام.. كانت البطلة فيه هاكونا ماتاتا >>>
كنت أجسد دور الخير...
والشر >>> ((نصرة الفتاة المرعبة)) ...
ف الفرصة .. ضربتني بوكس ف بطني قوو ..
((وأنا الغبية مادافعت عن عمري))
بس من حقي .. شدراني بقدراتها الخارقة ..؟ .. المهم ..
شافوني اليهال اللي ف صفي واللي أعرفهم..وسألوني وخبرتهم ((كنت أصيح)) ..
وتيمعوا كلــــــهم .. كننا وااايد .. وسرنالها..
((وباختصار >> أدبوها))
... حليلها .. ههههههههه .. والله أيام..

الشردة

صف أول ابتدائي..طبعًا البيئة يديدة علي..
لذلك .. شي طبيعي
يكون اهتمام ماماتي أكثر شوي..كانت اتيي المدرسة تسأل عني.. ونا الحبيبة
وين أكوون ؟؟؟ ... كانت دووم كل ماتيي تسأل عني .. يلقوني شاردة من المدرسة
((حليلي ماسير بعيد)) بس ورا المدرسة..
لاااا وبعد شاله الكرسي مالي..! هههههههه ..
عسبت أقعد وأرتاح .. هههههه
شردة مريحة
خخخخ..

أجواء مطيرة

((بعدني صف أول)) أبله عائشة موسى .. ((الله يذكرها بالخير)) .. حليلي.. كنت أقعد أول شي..
ويوم الأبلة ترمس >>> يستوي الجو ممطر ..
وتتطاير حبات الرذاذ ((التفال)) ههههههه سوري ع الكلمة .. بس هو جي
((انا شو ذنبي ..!)) كلله ف ويهي .. و ف كتابي؟؟؟... وأقعد أمش .. وأمش ..
والغريبة انها ماتلاحظ ..؟!! >>> والضحية ((هاكونا ماتاتا))..!

these pictures are some of my stuff when I was KG2.. My mother kept them and now I will keep them to show next genrations loOl