°•°Wεlςöრe৳o HάķöØηãრä৳a৳ã BlØg°•°

Tuesday, 31 December 2013

✿--- شجرة اللوز ---✿

من كمّن يوم حلمت شجرة اللوز
نحن نسمّيه بيذام .. وهو نوع من أنواع اللوز الهندي
شيء منه
برّي .. و شيء منه بحري
البرّي
يجننننننننننننننننننن طعمه
Free Smiley Courtesy of www.millan.net
حتى البحري ،، بس أحبّ البرّي أكثر
خاصة يوم تكون الحبّة توّها بادية تستوي حمرا .. يعني جيه لونها بين الأخضر والأحمر
ف الحلم جيه كاااااااااااااااان .. يا ليته صدق
لأنه صدق ف خاطري .. أحين كم سنة مآ كلت منه ؟
اللي ف بيتنا حاليًا بحري ،، اممم الشيرة ما كانت ثامرة وايد
وكان من نصيب اليهّال !

: : : : :

شجرة اللوز يقترن ذكرها في عائلتنا بأحداث ومواقف معيّنة من الماضي
كان أحلى بيذام من الشيرة لي ف مزرعتنا ف عمان
ما شاء الله ، كانت كبييييييييييييييييرة ، والبيذام والله لذييييييذ
Free Smiley Courtesy of www.millan.net
هو موسمه ف الصيف .. وكانو عيال الحاضره* اييون المزرعة
ويشلّون منها ويبيعونه ف الدكّان هههه
حليلهم .. أحيد كم مرة كننا نراقبهم وعقب نلحقهم ونتضارب وياهم
>> و محّد يصدق إني كنت رأس من رؤوس الشر <<


*عيال الحاضره: عيال البدو .. بدو جزيرة مصيرة
كانوا اييون ف الصيف ويترزّقون ،، وفي منهم اييون كـ تغيير جو
حد منهم عندهم بيوت ،، وحد منهم يسكنون العرشان
اللي يسكنون العرشان مسمّينهم بدو الحاضره .. يمكن لأنهم يحضرون فترة الصيف ؟
المهم ،،
ثاني أحلى بيذام كان من الشيرة اللي ف بيت عمي سلطان
وعقبهم ، اللي ف بيت عمي العود الله يرحمه
هالثنتين هن مسببات الأحداث الخطيرة هع
وكانت ضحاياها : أختي ،، سعيد ،، و أنا

~ أختي و البيذام ~
أنا ماحيد لأني كنت وايد صغيرة ،، بس لي أعرفه إنها طاحت من شيرة البيذام
اللي ف بيت عمي سلطان ع سور الزراعة ،،
وكان السور فيه حديدة و عورتها ف ريلها .. كانت حالتها خطيرة

~ سعيد والبيذام ~
كننا أنا وسعيد راكبين ع يدار المزرعة وهو يبا اييبلي البيذام اللي أحبه أخضر محمرّ
وكان هناك شيء
نفتة دبيان ((خلية نحل))
هو حليله عشان خاطري ركب الشيرة ،، وكم مرة قلتله برايه يوم انه شيء نفتة
لأنه ع أي حركة >> عادي يلدغنه
المهم ، قاللي لا بييبه ،، و يوم يا يبا ينزل ، الدبيان طارن صوبه
حليـــــــله والله فديته ، لدّغنّه الدبيان وكان متمسك ع غصن كبير عشان ينزل
Free Smiley Courtesy of www.millan.net
ضحّكني ، تم يقول
ساعدوني ساعدوني ،، وانا فوق اليدار أصرخ سعيد انزل انزل
هو كان يتراواله انه بعيد عن الأرض ، بس هو كان قريب
من صريخنا حرمة عمي سمعتنا ويت تربع من المطبخ هههه و ف ايدها ليمون
وتحايل سعيد ينزل ، وهو مصرّ ويقول ساعدوني ساعدوني هههه
المهم حرمة عمي بعد تلدّغت
وانا ما زلت فوق اليدار ،، عاد عقب ساعدتهم وفركتهم بالليمون
آح وايد يحرق الصراحة ،، الله كان ف عونهم !

~ أنا والبيذام ~

سالفتي ف الصورة المتحركة خخخ .. كننا صغار (9 - 8 سنوات)
كان ف أحد أيام الصيف والجو مغيّم ،، وكانت شيء عزيمة ف بيت عمي العود
وكلنا هناك .. كانن قوم إمايه وحريم عمومتي ف الحوش قاعدات
المهم .. أنا وأختي اللي أصغر عني ركبنا فوق
خزان الماي ،، بس عشان البيذام
هالمرة كنت بييبلها البيذام اللي تباه
كان بعيد عننا ،، عاد الذكاء اللي فيني شو ؟

تقبّضت ف طرف الغصن الصغير ،، وريولي ع حافّة الخزان
وكل شوي اتقرّب أكثر بسسس عشان أوصلله
وووو
طحت ع ويهي
كما هو موضّح ف الصورة أدناه .. أهم شيء الابتسامة شاقّه الويه طول الوقت هههه
عقبها أنا ماحيد شو صار ؟
بس أحيدني ماكنت أروم أتنفس لأني طحت ع قفصي الصدري
وانجلبت ،، وسمعت حشرة بس مب مفهوم الكلام
وعقب ؟ مادري ؟
بعدين الحمدلله يوم اني فتحت عيوني ،، شفت إمايه ويدّتي
وحريم عمومتي ع راسي ،، جنّهم كانوا يتحرونّي متّ ؟
لأنه نظرة الخوف ف عيونهم ههههه

أووه ! ياما طحت ع صدري ،، وأتمّ مآروم أتنفس .. هذا من غير سالفة الدوا !
الحمـــــــــــــــدلله ،، ع قولتهم قطوة بسبع أرواح هههه
لين أحين المواقف الخطيرة لي أعرفها 3 .. يعني باقيلي 4 أرواح ؟
أستغفرالله .. الله الحافظ ،، الحمدلله

                       اممم عاد الحلم ذكّرني بالذي مضى ،، وو كتبت !                        

18 comments:

UniR said...

من الي طاح عندكم؟ شكله كنتوا تتنططون بالقو~

HάķöØnã✿რätatã said...

haha xD
La La,
it's a different story ..!


the post has been posted :)

Samt♥AlbadoO said...

ههههههههه مقلوعه اسميج ، هيييه اكره يوم اطيح ع صدري ما اروم اتنفسسسس

ذكريات جدا جميله

حبيت الرسمه التوضيحيه صدق متفيييييقه هههههههههههههههه

HάķöØnã✿რätatã said...

ههههههههههههه
أختي ف الرسمة ثابتة ف مكانها ههههه
بس ف الصدق شردت
عشان ما يهزبونها
رغم انه مايخصها يعني

عاد لو إني متفيقه أكثر كنت بحركها من مكانها خخخ


هيــــه ذكريات حلوووة
<3

UniquenessR said...

مــــا شاء الله ،، قصص.. قصص.. ويا مكثرها ..
عيال هالجيل ما عندهم هالقصص الحلوة ~..

ذكرتيني .. أيام كان في بيتنا .. شير زيتون (جوافة) وفرصاد وتين ووو إلخ ..
عاد .. انا واختــي مثل السبلان .. فوق الشير ..
عاد الي كان يضحك .. انا كنت دببب .. فكنت اطلع فوووق اعلى من بيتنا اييب زيتون .. بس الوهقة حد ينزلني ؟
اقعد اصيح نزلوني ~
ومرة أخوي ياي يفزع ~ .. جان يطيح عراسه .. وانا فوق .. اقول له ايي أشوفك؟ وهو راسه مفتوح ~

كنت بارد من يومها شكلي ~

:
ذكرتينا والله ~..

بس مدونة حلوة على آخر 2013 ضحكتني ^.^
ننتظر جديدج في 2014
موفقة

HάķöØnã✿რätatã said...

"
عاد .. انا واختــي مثل السبلان .. فوق الشير ..
"
هههههه ،، عادي تسبّ عمرك ،، بس ليش تسبّ أختك ؟
بنخبرها !

"
وانا فوق .. اقول له ايي أشوفك؟
"
هههه تراك تشوفه أورريدي ! وع أساس اذا نزلت وشفته بتساعده يعني ؟

ههههه

الحمدلله يعني في حد غيري فاصل و منتهي !
هع
xD

UniR said...

ترا هي تسمي نفسها طرزان انا شو يخصني ..
كانت مشكلجية الفريج ماشي حد ما كفخته
:
هو انا لو كنت اقدر انزل ما كنت سألته .. قاعد اتطنز عليه وهو الفقير راسه مكسور..
بس ترا خلوني فوق وما قدرت انزل الا عقب ساعه~
وطحت بعد..
:

كلنا في الهوى سوى

فشكووول said...

جيلة قصصك يا اخى وجميل ان اجد البعض مازال مصمم على التدوين
تحياتى

عرب كول said...

مشكور
عرب كول مدير موقع

برامج دراما said...

روعة شكرا

العرب المسافرون said...

رحلة جميلة أتمنى أسوى مثلها

دليل ماليزيا said...

الرحلة الجاية تروحون ماليزيا عاد

Mysurprise said...


مشكوور
مدير موقع Mysurprise

تسويق اون لاين said...

الاستيراد من الصين
استيراد البضائع والمنتجات من الصين
شركات الشحن الصينيه
دليل المصانع الصينيه
استيراد من الصين بدون سفر
استيراد من الصين

sama said...

هههههههههههههخخخخ

لغة الروح said...


مشكوور

مدير موقع لغة الروح

مؤسسة تنظيف said...

thank you

مدير موقع مؤسسة التنظيف الدوليه

شركة القحطانى said...

تعد شركة الدكتور من افضل شركات شراء الاثاث المستعمل بمدينة الرياض

شركة الدكتور
نحن سعداء جدا بالعمل فى هذا المجال ونتمنى ان تنال الخدمات التى نقدمها لكم اعجابكم
شركة شراء اثاث مستعمل بالرياض
فتقوم الشركة بشراء جميع انواع الاثاث المستعمل كما تقوم بحقين الاثاث المستعمل لذلك تعد شركتنا من افضل شركات شراء وبيع الاثاث المستعمل بالرياض
كما تعمل الشركة فى مجال ابادة الحشرات والقضاء عليها تمام وللاستمتاع بتلك الخدمة يرجى التواصل من حلال تلك الرابط

شركة مكافحة حشرات بالدمام

واذا كنت سيدى العميل تشتكى من تسربات فى بيتك سواء تسرب ناتج عن الصرف الصحى أو تسرب ناتج عن انكسار أو ثقب فى مياه الشرب يرجى التواصل معنا من خلال هذا الرابط

شركة كشف تسربات المياه بالدمام

كلنا نتعرض احيانا لانسداد البالوعات الخاصه بمياه الصرف وهذا ينتج عنه اضرار كثيره مما يؤدى لأنزعاج من يقيم بهذا البيت او الضيوف الاتيه اليهم لذلك تقدم شركتنا لكم خدمة تسليك المجارى من خلال هذا الرابط

شركة تسليك مجارى بالدمام



شركة تخزين اثاث بالخبر
شركة كشف تسربات المياه بالدمام
شركة تنظيف بجده
شركة تنظيف خزانات بجده

شركة نقل أثاث بالرياض
شركة شراء أثاث مستعمل بالرياض
شركة تخزين أثاث بالرياض

شركة تسليك مجارى بالمدينة المنورة
شركة تنظيف بالمدينة المنورة
شركة غسيل سجاد بالمدينة المنورة
شركة غسيل سجاد بالمدينة المنورة
شركة نقل أثاث بالمدينة المنورة

شركة المذهل
شركة نقل عفش بالرياض
شركة رش مبيدات ببريدة وعنيزة

شركة كشف تسربات المياه بالدمام
شركة ركن الابداع لكافة الخدمات

شركة تخزين اثاث بالخبر

شركة تنظيف منازل بالرياض
شركة نظافه عامه بالرياض

شركة تنظيف مجالس بالرياض

شركة العربى أفضل شركة نظافة بالدمام والرياض
thanks :)