°•°Wεlςöრe৳o HάķöØηãრä৳a৳ã BlØg°•°

Thursday, 19 December 2013

✿--- السفر، ودّي به وأبيه وأباه وأبغاه ---✿

    

ربّي يشفيك ويعافيك يا أغلى أخو فالكون ، ربي يعودكم لنا بالسلامة
وإن شاء الله تكون آخر عملية

× الله يشفي جميع مرضانا و مرضى المسلمين والمسلمات ×


مادري كيف بتخطف الإجازة وجيه أحس بفتقد وجودكم واايد

لو
سافرت عندكم ؟ هههه امبوني زاهبة ماشاءالله عليْ

إمّايه طِفرت مني من كثر ما أنوح
السفر هههه
كل ما أقولهم ،، يقولون يوم بتعرّسين !

وانا بتريا ليــــــــــــــــــن هاك اليوم ؟

و اذاااا اذاااااا اذااااااااا مثلًا صار .. شو يضمنلي إني
بسافر عقب ؟ هههه
عاد امايه عشان تفتك قالتلي خلاص بنشرط ع المعرس !

ودعتلي بـ ريْل
يسفّرني ومايخلي بقعة ف الكون ،
لين أصيح وأنوح وأقول توبة ، خلاص مابا
أسافر

لاْ لاْ لاْ

ليش امايه ليــش ؟!


كل شيء خلّوه يتحتم ع هاك الشخص ،، مب زين هههه
العمر يمضي
والمفروض
نستغل الفرص ، ومانقيّدها بوجود شخص أو غيره !!
حليله هالشخص .. كل الأحلام علّقوها عليه ،، وهو ولا يدري خخخ

اممم

أنا أدري إني طفّرتبها وكلت فوادها بسبة طاري
السفر .. بس والله صدقي

*تنهيدة خفيفة*

لو بن بطوطة يقربلي ؟ كنت بندسّ ف حقيبة أغراضة .. و
بسافر عنده

بجوب العالم .. وبشوف الدنيا

الدنيا نظر عين

يعني أستغفرالله صح إنها دنيا زائلة .. بس أحس حرام إني ما أشوف كل شيء فيها


آآآآ ،، أباااااا .. أبااااا أساااااافررر


أبوي مابيقول شيء .. أصلاً كل مرة أبا اقوله (
وأكون توّني ف أول كلمة من الجملة)
يقوللي: سيري الله يحفظج ، محد ميوّدنج >>>
نقمة طبعًا هههه
يعني كل شيء موجود إللا المحرم
وإخواني كل حد لاهي بإلتزاماته .. الله كريم


×××


مؤخرًا :
إمايه قالتلي نقّي المكان لي تبينه وبتسافرين عقب التخرج
إن شاء الله ، وأتمنننننى إننا كلنا
نسافر رباعة
يعني كل مرة حد
يسافر و حد لا .. هالمرة نبا كلنا ~ بيكون حلووو
وأتمنى نسير
العمرة ف هالإجازة .. يآآآرب
Free Smiley Courtesy of www.millan.net
×××


تَغَرَّبْ عَنِ الأَوْطَانِ فِيْ طَلَبِ العُلَى .. وسافِرْ ففي الأَسْفَارِ خَمْسُ فَوَائِـدِ

تَفَرُّجُ هَـمٍّ، واكتِسَـابُ
مَعِيْشَـةٍ .. وَعِلْمٌ ، وآدابٌ، وصُحْبَـةُ مَاجِـدِ

الإمام الشافعي

16 comments:

UniquenessR said...

مـــا شــاء الله .. هذا كلــه عشـــان السفــر خخخ ..
تعرفيـــن عــاد .. مع إني ريــال شكبري ،، لو قلــت بســافر امي وأبوي يقعدون بزوري.. ماشي !! زين ليش .. لا
شغلة .. عـــاد كل مـــرة تتكنســـل خططــي من وراهــم .. بس يمكن .. لو مشت أمور الجــامعة الاسبوع الياي.. بدون . إصابات .. اسافر اسبوع ..
بس شكله بيكون فيه اصابات .. بعد الايميل الي حصلته اليوم ^^

:
ضحكنـــي موضوع المعـــرس فقيـــر
والله هو يكســر الخــاطر أكثــر
:P
أســولف.. بس إن شاء الله تتحقق كل أمانيــج ..
ومدونــة حلوة .. خاصة بعد نهــاية الفصل ^^

ننتــظر يديدج .. والله يرجع أخوج .. سعيد بعافية وســلامة ..

الاء said...

بصراحة حاولت اقرأ الموضوع بس اللهجة صعبة كتير علي وما فهمت منيح :(

الله يخليلك اخوكي
والجملة الي عجبتني لوابن بطوطة بقربلك كنتي فتي لشنتايته :D

يمكن اول مرة بعلق بالعامية بس على حسب الوضع :/



اسعد بوجودكم في مدونتي
وطن
http://watanpal.blogspot.com/

أسـد أبوتايه said...

لو بن بطوطة يقربلي ؟ كنت بندسّ ف حقيبة أغراضة .. وبسافر عنده

هههههههههههههههه حلوه
الله يرزقك حج بيته عن قريب ..قل امين
بالتوفيق الكم

HάķöØnã✿რätatã said...

UniquenessR
يمكن لأننا عناصر مهمة في العايلة ،، عشان جيه مايستغنون عننا هع

إن شاء الله كللل أمانينا تتحقق .. آميــن أجمعين

وإن شاءالله اذا كانت خيرة؛ بتتيسرلكم الأمور
^.^

آميــــن يآآآرب

✿-✿-✿-✿-✿-✿-✿-✿-✿

آلاء

هههههه اسمحيلي عاد .. الموضوع كله يحوم حول محور السفر ورغبتي الشديدة في السفر ،،

والله يخليلنا كل الناس اللي نحبهم ونعزّهم .. ويخلينا لهم .. آمييين يآآرب

لي زيارة ^.^ بإذن الله

✿-✿-✿-✿-✿-✿-✿-✿-✿

أسد أبوتايه

^.^

آميــــــن يآآآآآآآرب أجمعيـــــــن
.. أتمنننننى

✿-✿-✿-✿-✿-✿-✿-✿-✿

سعيـــدة جدًا بتواجدكم في أرجاء عالمي الصغير ،، شكرً واايد
^.^

Anonymous said...

هههههههه ...
ذكرتيني بهالمقطع
http://www.youtube.com/watch?v=EhP_knfi0J4

الله يشافي سعيد، و إن شاء الله يرد البلاد معافى

شدي حيلك، خلصي الماستر، و بإذن الله تسافرين ويا عائلتك كلها.

URR8

HάķöØnã✿რätatã said...

oh! lolZz haha xD

آميــن يآآآرب ، ويشفي جميع مرضى المسلمين والمسلمات

إن شاء الله يآآرب أتمننننى والله
^.^

شكرًا جزيــلًا

صمت البوح said...

انتي بعدج هنيه وتكتبين ههههههه اخيرن حصلت حد يدون
لججججج وححححححححششششه هالكثر
شحالج وشخبارج
علوم دنياج
لاحقه ع السفر خخخخ
هيه صح مبارك عليج الشهر ومباركن عيدج وكل عام وانتي بخير خخخخ
تعويض

MJ Tabidi said...

مدونة جميلةوأنا أتابعها منذ زمن ولكن هذه أول مرة أعلق على موضوع..

شكراً جميلاً
الشاعر محمد جمال الدين التبيدي
مدونتي:http://mjtabidi.blogspot.com/

HάķöØnã✿რätatã said...

صمت البوح
ههههه هيــه بعدني صامدون صامدون
كنت على وشك إني أوقّف بس ما هان عليْ !!

الحمدلله ، يسرج الحال
وعسى حالج أحس عن حالي
:*

هههه وين لاحقه ؟!! مافيني صبر

علينا وعليج ،، وانتي بخير وبصحة ونعيم
عادي نستقبل التهاني في كل وقت و أي وقت
أهم شيء لاتقطعين هع


من كمّن يوم شفت إعلام عن مسلسل حصري
اسمه
صمت البوح
واتذكرتج ،، عسى مآيوحشج غالي
تولّهنا ع أياام قبل *-*


ربي يحفظج ، وان شاء الله الله يجمعنا ع الخير دوم :*

✿-✿-✿-✿-✿-✿-✿-✿-✿

MJ Tabidi
ووشكرًا جميلًا ،،، هذا من حسن ذوقكم ^^
ويسعدني جدًا وجودكم هنـآ

abhasoft said...

thank you

salah mahmood said...

السلام عليكم
انا مهتم بقراءة كتب عن عمان و التاريخ العماني ارجو متابعة مدونتي حارة الكتب
http://kotobkhanh.blogspot.com/

مواهب رياضية said...


thank you
مدير موقع مواهب رياضية

نوال said...

يعطيش العافية على الصور الحلوة والموضوع الأحلى

Mysurprise said...


مشكوور
مدير موقع Mysurprise

لغة الروح said...

مشكوور

مدير موقع لغة الروح

شركة تنظيف said...

thank you

مدير موقع مؤسسة التنظيف الدوليه