✿---GiTeX---✿

It was woOw… we really had fun there..
9a7 ennah most of things there are related to business and these things,
but being with friends and with new friends is the most exciting thing..
laugh,, talk,, play,, take pics,, eat,, esthbaal,, 3aba6,, gaf6aat>> this is ml7 el-life..!!
I would like to share with you this memory.. hope you enjoy reading it..
are u ready to read my LONG post..?
here we go..
at the beginning.. emmm I'll write bel-3arabic..!!

ع الساعة 7 وربع أنا ف الجامعة >>> لو دراسة وللا كلاس مابسير ف هالوقت ..بس لأنه رحلة سرت خخخخ
توجهت نحو مكان التجمع .. ونا سايرة .. التفت نحو كليتنا وحسيت إني أبا أسير هناك .. ماشي شغله .. سرت .. وقعدت شوي .. وعقب ظهرت من الكلية وسرت صوب مكان التجمع .. وتلاقيت ويا نورة وسرنا ..
ونحن قريب محطة التجمع .. أسمع حد يزقرني.. والتفت وشفت كيوت كيوي .. وسرنا ..
وصلنا .. الجو كان حررر .. وزحمة بنات وحالة يرثى لها ..
بما إني عضو من أعضاء السيتا
حبيت أساعد ف عملية التنظيم .. بس يعني تقريبًا تمت تغطية عملية التنظيم ..
هيــــــه .. تلاقينا ويا بنات كليتنا اللي ف التدريــب حاليًا حليــلهن من زمان ماشفناهن .. والله لهن وحشه .. ميآو + كوين سان .. وافتقد العنصر الرابع من الإف فور ..!!
استوت مواقف محرجه .. مضحكه .. وردة فعل فيها شوي مكر واحتيال .. بس في سبيل إرضاء غروري
انطلقت 3 باصات من الجامعة .. باصيــن لطالبات الآي تي ..
والثالث لطالبات الهندسة والآي تي .. كان مصيرنا نركب الباص الثالث ..
الوضع ماكان مريح .. يعني يمكن لو ويا بنات الآي تي بنسوي أشياء .. وبيكون الجو عآدي لأننا كلنا كــ عايلة وحده ..
أما ف هالباص الوضع كان غير شوي ..
ف البداية ..كانت تعابير ويهي متأثره ببقايا الموقف المحرج .. و بوجودنا ف باص نحن ماكننا نبا نكون فيه ..
كننا نفكر نسوي مسابقات .. ونلعب .. وأشياء .. وهاكونا مزهبه الأسئلة كالعادة ..
قررنا نسوي مسابقة بين الهندسه والآي تي .. أسئلة منوعة ..

بدينا بالهندسه .. وبعدين الآي تي .. واستخدمت المآيك اللي ف الباص ..
أستاذ الهندسة ضبطلنا المآيك .. وقال رمسن بس لا تصدعنا ..
وهاكونا كانت واقفة قريب نسبيًا من الأستاذ .. لأنه الواير قصير .. عآد محدق الله يسير عندنا خخخخ
تفاوتت الأسئلة بين الصعب والسهل .. ونا ماقصرت .. كنت أحاول اساعد الآي تي بس المساعده كانت علنًا ..
وبنات الهندسة محتشرات .. خخخخ ..
وقالن بنات الآي تي .. ليش أسئلتنا صعبة وأسئلتهم سهلة ..؟
وكان أحلى جواب من لسان هاكونا .. لكل مقامٍ مقال .. والكل يصفق ههههههههه ..
حليلهن بنات الهندسه وايد طفرنابهن .. مع انه الباص باصهم بس نحن كننا مسيطيرين ع الوضع ..
كان فريق الآي تي على وشك الفوز .. بس ف اللحظات الأخيرة انتهت المسابقة بالتعادل ..
وسوينا مناظرة شعرية .. ووو لعبة الإشارات ((نفس البرنامج الكويتي "ولا كلمة"))
وأوشكنا على الوصول .. عاد كل وحده سارت ترتب أمورها .. وتتهيأ للارتجال من على الباص ..
..بخليكم مع بعض الصور اللي صورتها ((مب كلها)) .. وبعض التعليقات ..

شاشة أسرت قلبي .. كبيــــــرة.. وفوق هذا .. كانت تعرض مناظر طبيعية رووووعة و تجنــــنسقف المعرض .. تم التقاطها من منتصفه

دآخل المصلى

عقب ماخلصنا صلاة .. خخخخ .. ماخلينا شي ماصورناه

سيديهات أشكال وألوان . لفتت انتباهي

هذا السوبر كمبيوتر .. يعني تقريبًا مال العصر الحجري .. والأشياء اللي عداله هي الهارد ديسك

اللي ع اليسار.. يوم شافنا نصور السوبر كمبيوتر .. قالنا بسألكن سؤال واذا جاوبتن بعطيكن شي
سألنا أول شي عن البروسيسورز وجاوبنا عادي .. وعرف اننا نحن طالبات آي تي
عقب سألنا عن IC

نحن حاولنا نخمن من هنيه من هناك .. وكلله غلط
وهو خبرنا .. طبعًا ضحك علينا

integrated circuits

وتم يخبرنا .. وفجأة سمعنا حشرة وموسيقى .. وف المقابل شفنا الروبوت .. ياااي روعه
حاولت أصوره .. بس لننه زحمه كانت .. وعقب هو سار بسرعة .. وهذا اللي طلع بايدي

e-blocks,, which is used for children to teach them the spelling of words and the order of the wrods in a small sentences
I liked the device and its software
if u need more information
you can visit this link
http://www.projectionhouse.ae/

هيــــــــه .. ابن سينا .. روبوت كليتنا.. حليله ابن سينا لو يدري عن هذا ماعرف شو بتكون ردة فعله..!!؟

لوح فنية كانت معلقة .. الأولى >> تمينا واقفين عندها يمكن10 دقايق عسبت نفهم بعض معالم الرسمة .. والناس سايره راده جدامنا ونحن طأف .. كننا مندمجين خخخخ..!!

والمحطة الأخيرة .. كانت هنيه .. عسبت نآخذ عيشه ونتغدى ف الباص .. لأنه ماكان شي وقت
hope you enjoy this long post
and you can see other pic in my friend's blog
Al-6ab3 el-7shim