°•°Wεlςöრe৳o HάķöØηãრä৳a৳ã BlØg°•°

Saturday 13 June 2015

✿----Surprise!----✿

بعض الأشياء يجب أن نتشبّث بها قدْر المستطاع
حتى تُصبح ملْكًا لنا ونمتلكها

والبعض الآخر ، يُفترض أن نطلق سراحها

كيْ تندفع نحوْنا بقوّة إن كانت لنا قدرًا ، و يومًا ما (بمشيئة الله) ستصبح ملكًا لنا !
تعرفون متى نتشبّث بها ؟ ومتى نطلق سراحها ؟

. . . .

أنا وايد ف خاطري أسافر ، ماتتخيلون شكثر ف خاطري !؟

ووو مب مجرد سفر وبس \ لا ، خاطري أجوب العالم كله

لأني أحس إنه ... اممم ، يعني الدنيا نظر عين

وأحس حرام إني أكون ف مكان وما أكتشفه كله هههه

عسى الله يرزقني وإياكم جميع مانتمنّى
Free Smiley Courtesy of www.millan.net

* * * *

البارحة كنت أقول حق إمّايه إني خلاص الحمدلله

جهّزت عمري وثيابي حق أول يوم رمضان ، وبتحنى قبل رمضان

طالعتني وقالتلي ليش ماخبرتيني ؟ عشان أنا بعد أجهّز



قلتلها اممم مب مشكلة ، خبريني شو تبين وبنقّيلج

عاد إمّايه تحب اللون الأخضر ، وقالتلي خذيلي قطعة سادة

بس اممم قلتلها باخذلج شيء أخضر و ف نفس الوقت يكون حلو

اليوم الضحى مالحقت أطلع آخذ القطعة ، لأني كنت مشغولة ويا بنت أخوي

والظهر خذت بريك ، وطلعت ويا أختي وبنت أخوي ع السريع

وخذنا القطع ، ونحن نازلين من محلات القطع شفت "
هشام" سيكيوريتي الجامعة
حليله يذكرنا من أيام الجامعة ، من 3 سنين تقريبًا شافني وسلّم عليْ

وسإلني عن أحوالي وإذا تخرجت أو لا ؟

قلتله الحمدلله تخرجت وأحين أكمل ماجستير في بوظبي

ومن عقبها .. كل ما أسير هالمول الصغيرون ما أشوفه لأنه مايكون وقت دوامه

واليوم شفته ، أول ما شافني ابتسم وسلّم عليْ

وسإلني ؛ تخرجتوا وللا بعدكم ؟

قلتله الحمدلله تخرجنا و تخرجنا !

Free Smiley Courtesy of www.millan.net

وايد
أستانس يوم أشوف حد أعرفه ويذكرني ،
عسى الله يرزقنا الذكر الطيب في السماوات السبع وكل الأرض

وعسى الله يفتح عليه ويرزقه من واسع فضله ويسعده ويبارك فيه

. . . .

المهم ، ونحن رادين أختي شافت تيلفوني وقالتلي ليش جيه تيلفونج ؟

شو ياه ؟ قلتلها يوم الحفل كنت حاطتنه ع الجرج ووو أتوقع في حد داسه

وانكسر شوي وو انقطع الواير!

على طول قلتلها ؛ خذيلي تيلفون هدية التخرج ، مثلًا هههه

تمّت تغايضني عاد



ونحن داخلين .. شفت انه الوضع ف البيت غير ، وقلتلهم شو صاير ؟

يوْ اخواني قالولي امايه تبانا مسويه اجتماع !

أنا طبعًا .... الموضوعين اللي أتوقع إنهم يرمسون فيهن:

الموضوع الخطير + الدراسة في الخارج ههه

واخوي يقوللي ياويلج ، شو مسويّه ؟ امَايه معصّبه

المهم قلت حق امي .. أنا تراني يوعانة ، يعني بليز لاتخلوني أتكلم وايد

قالتلي ماعليه ولايهمج ،

ويوم دخلت الميلس شفت الألوان والكيك والنفاخات والهدايا

((كان من ضمنها آي فون 6))



حلو الشعور وكلهم يقولون مبروك ،، وعقب ماقصّينا الكيكة

قالوا يللا المفاجأة الثانية ؛ وشغّلوا
Happy Birthday to you!

ونااااسة

Free Smiley Courtesy of www.millan.net

2 في 1

مفاجأة تخرّج ، و حفل يوم ميلادي "مقدمًا"

وااايد حلوو كان الحمدلله ،

عسى الله لا يحرمني منهم ويخليني لهم

وهذي كانت ثالث مفاجأة من مفاجأة التخرج

(بخبركم لاحقًا عن الأولى والثانية)

فديتـــــكم
والله كلكم كللكم كلللكم

Free Smiley Courtesy of www.millan.net

7 comments:

HάķöØnã✿რätatã said...

و مازلت يوووعاااانه ههه >.<

المــسافـر said...

هههههه ..
بعدك يووعانه . . يا عين امك .. ما لوومك ..ب اسباب المفاجاه ..
بس الكيكه .. قطعتيها دون ما تجرحي مشاعرها و الا من العذاب اعترفت ب كل شيء .. ههههههه

الف مبرووووك .. والله يحفظك ل اهلك و يخليهم الك ..
وو اذا بعد ك يوووعانه .. دونك الثلاجه ههههه
دمتم بود

المــسافـر said...

كل عااام و انت بخير و عقبال مية عاام
كلها ايام و تطوين صفحة ستة و عشرين و عساها مقدم سعد سنة سبعه و عشرين ..

صحيح قبل ما انسى .. ع طاري السفر .. انا دوووم
مسافر اذا تبين تهجين ويااي ..
ههههههه


*مسافر فكريا و معنويا .. مقيد الاغلال ب واقع الفكاك منه اقرب للمحال هع

daloo3a said...

و الله سوالف آنسه " عبد العزيز " يا المطبخ السعودي ههههههه

HάķöØnã✿რätatã said...

المسافر
عرفت سبب اليوع > لأني مب متغدية ومب ماكله عيش ههه
الله يبارك فيكم ويرزقكم السعادة في الدنيا والآخرة ويحفظكم لكل عزيز وغالي

وانتوا بخير وبصحة وسلامة ، عسى الله يطوّل أعمارنا للي فيه الخير

هههه ،، خلاص انا اجتزت مراحل كثييييرة من السفر الفكري والمعنوي \ أحين لازم أسافر سفر فعلي وحقيقي هههه

"مقيد الأغلال ب واقع الفكاك منه أقرب للمحال"
هالجملة أليمة الصراحة >.<
إن شاء الله الواقع يكون جميل ورائع لدرجة إنكم لا ترغبون الفكاك منه
^.^

Enjoy your life ;D

✿~✿~✿~✿~✿~✿~✿~✿~✿~✿~✿~✿~✿~✿

daloo3a
ههههههه >.>
أوكي يا آنسة محمود ، بنسويلج خصم ف مطبخنا الوهمي

Unknown said...

Not anonymous this time hehe..

مبرووك على التخرج وتستاهلين أكبر حفلة في العالم
عمّرتي بالجامعه بسج اهههه
عقبال الدوام والوظيفة والسفر الي ما بيصير شكله >>>> شر
😜

ويوم ميلاد سعيد مثل ما يقولون
وعسى الباقي من العمر يكون كله فرحة وسعادة ووناسة وووو وكل شي اههههه

وشئ طبيعي تكوني يوعانه أصلا
الغريب لو ما كنتي يوعانه ولا ؟ خخخ

وكل عام وانتي عيوز 😜

HάķöØnã✿რätatã said...

Uniqueness R
الله يبارك فيكم وفي حياتكم ويسعدكم دنيا وآخرة
ويرزقكم من واسع فضله

شكرًا ^^