°•°Wεlςöრe৳o HάķöØηãრä৳a৳ã BlØg°•°

Friday, 14 February 2014

✿---عمان \ الشرقيّة---✿


كانت رحلة سريعة ، لمدة ليلتان
المغزى منها صلة رحم
عناصرها : سالم أخوي ، و خواتي الثلاث وأنا *وأعوذ بالله من كلمة أنا*
من متتتتتى ونحن نرتب حق هالشّومه ، وما فِسْرَت إللا مع بداية 2014
وكل حد هناك يتريانا ، ويرتّب حق عزايم و رحلات و و و . . .
وياليتنا تمّينا أكثر ، عشان نستمتع أكثر هع
بس الوقت ضيّق جدًا !
الحمدلله عَ الأقل سرنا وسلّمنا عليهم وو استانسنا
Free Smiley Courtesy of www.millan.net
ووكما وعدت سابقًا ، سأشارككم بعض الصور مع بعض الذكريات خخخ

لازم أرمس وأكتب وايد هههه

المهم ،، هالمنطقة بالتحديد اسمها سناو
*منطقة عريقة وُجد فيها آثار تعود لسنوات 4500 قبل الميلاد*
و منذ مئات السنين  ،، كانت المنطقة لإحدى القبائل
ونظرًا لخصوبتها و وفرة خيراتها ، تحاربت عدّة قبائل لامتلاكها وتملّكها
قبيلتنا كانت إحداها !
يعني أساس القبيلة هو منطقة السّليف\عبري ،
إللا إنه بعض فخائذ القبيلة ارتحلوا إلى سناو
من السّليف لين سناو في وقتنا الحالي تقريبًا 3 ساعات
يعني ف هاك الزّمن و عَ البوش ؛ كم يوم لين وصلوْا ؟!
ولهالدرجة سناو خصبة وتستاهل الترحال والحرب ؟!

قبيلتنا فازت بجزء منها 
، وشاركتها قبيلة الرواشد
*الراوشد لِي هناك غير عن الرواشد لِي هنيه*
حاليًا كثير من القبائل تقطن هناك
المهم .. الآثار السكنيّة موجودة إلى الآن ،، وهي قيْد الترميم
بيوت طين .. وكل أفراد القبيلة يعيشون في نفس المساحة
كانوا يسمّونها حجرة .. بس هي طبعًا كبيــــرة ،، جنّها مدينة
كل شخص وبيته الخاص ، حتى كانت طوابق ، مب بس طابق واحد !
وفيها أسواق وكل شيءومسوّرة بسور ،، وفيها بوابة كبيــرة
يعني نفس مانقول أحين مجمع سكني
وهاي مزرعتنا .. كانوْا يسمّونها الغرقانة
لأنه ما شاء الله (في الزمن القديم) كان فيها ماي وايد
فليل مارمت أرقد لين أشوف سماهم ونجومها !
اللّـــــه ، والله ما شاء الله وااااااااايد حلووووة السماء
مرصّعة بمختلف الأحجام من النجوم
Free Smiley Courtesy of www.millan.net
 ****

في ثاني يوم ،، كانت إحدى خالاتي مرتّبتلنا رحلة في أحد السّيوح
اممم إمّايه حَد من ’هَلها بدو ، وحَد حضر .. مخلّطة يعني
*فوق ماتتوقعون هع*
وتقريبًا أغلبهم في جوار منطقة سناو .. والبعض في مناطق بعيدة
عاد نحن سرنا حق الأقارب القريبين ، قلبيًا وفعليًا هع
والمنطقة اسمها العينين .. أنا وااااايد أحبهاا
أحب العين والعينين هههه
Free Smiley Courtesy of www.millan.net
بس صدق ، ناسها حببّوني فيها ، وذكرياتنا هناك كثيرة وفيرة

*إن شاء الله بخبركم عقب عن مغامراتنا أيام الطفولة*
سرنا الصصصبح سلّمنا ع حرمة عمّ إمّايه
*ياويلنا لو درت إنّا صوّرناها !*
عقققب قالولنا انه خالتي والبنات يتريونّا قرب الوادي
المكان وايد حلو ما شاء الله
وأحلى شيء لمّتنا وسوالفنا
Free Smiley Courtesy of www.millan.net

كانت وضحى تخبّرني سالفة ، وف السالفة وصفت مكان فيه حصاه عووودة وناااعمة
وعادةَ يلعبون فيها .. يتزحلقون ههههه
يوم خلصنا غدا ،، قلتلهم ودّونا أبا أشوووف كيف ؟
سرنا صوبها .. الصراحة ما كنت مستوعبة كيف يتزحلقون !
يوم وصلنا ؛ قلتلهم بجرب ،، 
وكل حد متحمّس واللي ميوّد تيلفونه\كيمرته يصوّر !
Free Smiley Courtesy of www.millan.net
وخالتي خايفه عليْ ؛ لأنه تحتها شيء حصى صغييييير يزحلق 

وتحته ماي من بقايا المطر
يعني اذا طحت من الحصاه العووودة وانزلقت بالحصى الصغير ، 
بطيح ف الماي وصعب أظهرالماي مكانه وايد منخش خخخ
المهم ركبت فوق عند رقم 1 خخخ ،، وتزحلقت
حلووو كان ،، ويوم أشوف الفيديو والصور أنقع من الضحك

وبعدين خواتي يَن وبنات خالاتي وتمّينا نلعب ، بسمّيها حديقة البدو
وضحى دايمًا تحرّضني ،، تعرفني عادي أتهوّر !
قالتلي انه المكان لِي فوق (*) أنعم بوايد عن اللي كننا فيها ،، وشيء هناك آثار
قلتلها أبا أشوف انزين ،، قالتلي ماترومين تصعدين فوق صعب
عاد أنا لحّد يقوللي ماترومين

الصراحة والصدق ،، المكان خطير وضيّق ويزحلق
بس ليش تقوللي ماترومين !
المهم يوم بديت أصعد ،، كانن بنات خالاتي كلهن قاعدات يتريّني
يبن يشوفن ~ بقدر وللا لا ؟ جمهور ماشاءالله
عقب ما وصلت تقريبًا بعد معاناة ، أختي صعدت
أنا وصلت فوق ،، بس عشان أوصل المكان اللي فيه الآثار واللي يزحلق
لازم أنقز .. نشبت ف هالمكان ! مب رايمه أنزل ولا رايمه أكمل

اذا نقزت بنزلق ويمكن أطيح ف هالفتحة ،، و الله أعلم شو هناك ؟!
عاد شو سويت ؟ ههههههه والله كلهم تمّوا يضحكون ع الحركة
بس المهم وصلت ،، وتمّوا يصفقون ،، ههههه وأختي الثانية تصوّر فيديو

وخالتي وأختي العودة ف الصوب الثاني متغيّضات ومتروّعات علينا ف نفس الوقت

والله حلوووو كان ،، يوم تزحلقت خفت أتحمّس بزيادة وأطيح من فوق جيه مرّة وحدة
وأخشّ ف السِّمرة هههه آآيْ وأتشمّخ ؟!

يخوّف المكان بس والله مممممتع وحلوووو كان

هاليوم كنت لابسة بريسم *حرير* وكاشخة

وعقب هالشيء كلّه ~ اختربت الكندورة
بس عادي كل شيء يهوووون في سبيل المتعة
Fiesta
اممم المسا .. سرنا عزبة عمّي سلطان ،،وتعشّينا هناك .. أحلى شيء يوم كان يخبّرنا
سوالف الأوّليين

رغم إنه كننا تعبانين ،، بس اللّمة الحلوة ماتتعوّض
اممم للأسف ،، مارمت أصوّرسالم ولد عمّي قِفل تيلفوني ومارمت أفتحه
إللّا يوم ردّينا البيت

ووو هذا كان باختصار بسيط ،، كانت رحلة جدًا رائعة
الحمدلله ، وان شاء الله المرّة الياية نقعد فترة أطول
وأراويكم صور أكثر
Free Smiley Courtesy of www.millan.net
{ ربّي يسعدنا في الدّنيا والآخرة ، ويجمعنا بمن نحبّ دائمًا }

8 comments:

UniquenessR said...

مــــا شـــاء الله .. بوست طويـــل ،، وحلـــو ..
وعلـــى القــول
(أخيـــــــــــــرا)
:P

:

مـــا قــد رحــت عمـــان ،،
للأســـف الأهل ما يطلعـــون .. ووقــت ربعــي يروحون أكون منشغـــل ~
بس .ما شـــاء الله وايــــد حلـــوة ..

:

*البوست معــدل توني أشوف المعلومات ورقم 4500*
بس منطقــة جـــدا قديــمة ،، وتعيبنـــي ســوالف اول ،، وكيف النـــاس كانت تدور على أحسن مكـــان تعيش فيه .. وكيف كانت الدنيـــا غير ..
وكيــف الحيـــن ،،

والله إننـــا بنعمـــة .. بس وايد ما يحسّـــون . .

:

ســـالفة الحصــى ضحكـــتني صراحة .. زحلاقية مب حصا ؟
بس صج شكلـــها وايد ناعم ..
والأثار الي عليها شو ؟؟

أهههههههه عاد "ما ترومين" هذي شكـــلها مب بس عنـــدج ~
أنـــا لأن أنا لو حد قال لي ما تروم .. بعد تييني نفس الحالة .. حتى لو كان شي فيه 80% وفاة مؤكدة XD

الحمدلله للحين عايش ~..

(مرة نازل ركض من فوق الجبــل .. لدرجة اني ما قدرت اضرب بريك .. ودخلت في السمرة ~ .. )

لا تخبري حد XD

:

فيه شي يخوف اكثر من الجزيرة الحمرة؟ >:)

:

المرة الياية شلي وياج مسجل. عسب نبي نسمع سوالف الاوليين !! .. ضيعتيها علينا ~

:

شكــلي أنا الي اسولف وايد ..
السموحة ..

ولا تحرمونـــا من جديدكم ^^

HάķöØnã✿რätatã said...

هيه وايد طويل جدًا
خلاص بحاول أخفف المرات الياية >.<"
إن شاء الله .. بعدين محد بيقرا بوستاتي من ضخامتهن ههههه


حلوة هيه ، وإن شاء الله تسيرون وتشوفون بعينكم .. دايمًا شوفة العين غير ^^

هيه الحمدلله


ههههه \ عيل لو حطيت الفيديو وباقي الصور ؟ ههههه
أنا ع كثر ماأشوفهن ~ في كل مرة أستشعر اللحظات وأضححك
xD


هاي جنّها كتابات .. مادري كتابات شو ؟
وفوق شيء أثر قّدم كبيرة
*-*

لوول .. الحمدلله \ أحسن محّد قاللك
xP


الجزيرة الحمرا نوعها غير ،، الخوف الأحمر هههه
بسم الله منهم .. بسم الله
e.e'

بالعكس .. هذا من دواعي سروري
شكرًا على مروركم الكريم
أسعدني ذلك
^^

UniquenessR said...

إن شــــاء الله يارب ..
ودّي أروح هنــاك وبعد اروح صلالة كشتة عقب الرحلة التراثية ..

أحب الجبـــال ~

:

أههههههههههههههههههههههههههههه لا دخيلج .. انا من القصة والسرد ضحكت .. صور وفيديو .. أظن بموت ضحك :P

بس مغامرات حلوة ~

:

الجزيـــرة ..
وحليلهـــا ما فيها شي أههههههه

.~> نذالة

Jumana iai said...

ماشاء الله.. تدوينات الرحلات تكون جميلة
لما تكون عفوية و بسيطة حتى لو كانت طويلة..
عُمان مكان خلاب وأتمنى أقدر ازوره.

برامج دراما said...

صور روعة يسلمو

HάķöØnã✿რätatã said...

تسلمين ، هذا من ذوقج
^.^

هههه من ناحية طويلة ؟ أنا تجاوزت الطول المعقول خخخ ^^"

إن شاء الله تقدرين وتستمتعين بالزيارة


يسعدني وجودج في أرجاء عالمي الصغير المتواضع
*-*

شركة تنظيف said...


thx

شركة نقل عفش بالرياض


سعودي اوتو said...


thank you

سعودي اوتو