°•°Wεlςöრe৳o HάķöØηãრä৳a৳ã BlØg°•°

Sunday, 23 December 2012

✿---مصدريّـات---✿

خلف كوآليس الوآقع
البآرحة : حلمت إنه أبوي رد من اسبآنيآ .. وو كل العآيلة ملتمّـة
يآآآآرب يعُود بآلسلآآآآمَـة .. البيت من دونه فآآآضي جدًا
{اشتقتله .. وو اشتقتلهم كلهم لي هنآك}
 Free Smiley Courtesy of www.millan.net
ووو على خشبة مسرح الوآقع
أنآ مُجآآزه من 20 ديسمبر ليــــن 20 ينآير
يعني إجآزتنآ شهر هع
 
مرّت أيآم أول فصل من فصول المآستر بسرعة
مآدرينآ إللآ بالنهآية .. ووو أحسسن هع عشآن أخلّص بسرعة
إن شآآآء الله يعني

وَ كـ عآدة الأيآم .. تجمعنآ بأشخآص جدد
و تربطنآ بأحدآث تبقى في ذآكرتنآ فيمآ بعد

الأيآم في مصدر .. كآنت تشبه بعضهآ بشكل عآم
و بشكل خآص .. كنت أحآول في كل يوم أسوّي شي غير
عشآن أكسر النمط المعتاد
كآنت فترة الصبح كلآسآت .. وو المسآ مرآجعة وو وآجبآت
مرآت أرآجع في حجرتي .. وو مرآت في المكتبة .. وو مرآت في اللآبآت
ووو جيه عقب المغرب أسير أتمشى في الممر اللي ورآ الفيلآ

وو مرآت أقعد أكتب مذكرآتي في القعدة الشفافة هع
سآعآت تييني أفكآر جهنميّـة ههههه وو خآآطري أجرب وو أسوي
بس . . . . . . المكان \ الوضع تمآمًا مختلف وو يمكن مآيسمح
Free Smiley Courtesy of www.millan.net
امممم تحت عنوآن مصدريّــآت : وآآآيد أشياء
بس مآبلحق أقول كل شي هنيه ههههه .. بقول شوي بس

{حفلة يوم الاتحاد - الخميس 29 نوفمبر ،  2012}
كآآآآن يوووووم يجنن .. حلوووو كآآآآآن
صح إنني مآآرمت أصوّر .. بس حلووه كآنت الأجواء الفعلية وو المنآخيّـة
نزل مطر هآك اليوم .. أنآ تشققت ههههه أول مرة أشوف مطر مصدر هع
يَ الله .. أسميني استآنست
هآك اليوم .. كآن عندنآ تسليم البروبوزآل (first draft)
أنآ امبوني سلّمتـه ،، بس "كيوي" كآنت بعدهآ
وو مآكآنت بتحضر الايفنت .. بس حمّستهآ وو قلتلهآ بتكمّل البروبوزآل في لآب توبّي
عآد لأنّــآ مآرمنآ نتم برآ .. وو عشآن تقدر تكتب قعدنآ فـ مكآن استرآتيجي

صدق استرآتيجي .. كننآ نشوف كل شي وو محد يشوفنآ
كآن خآطري أصوّر .. بس مآرمت .. المهم استمتعنآ الحمدلله

في اليوم اللي عقبه ~ يوم اليمعة
نشيت من ووووقت .. وو شفت من الدريشة انه مطرررر
بسرعة بسرعة تلبّست وو نزلت أتمشى
Free Smiley Courtesy of www.millan.net
كآن المكآن فآآآآضي .. وو يوم شافتني السيكيوريتي
قالتلي اليوم ماشي دوام ليش وآعية من الصبح ؟!
قلتلهآ عشآن المطر
قآلت الحمدلله وو الشكر !!

قلتلهآ صدقي .. ترآه المطر مب دووم
عآد تمّت تخبرني عن فرحة النآس اللي ف حآرتهم وو اللي شافتهم ف الشآرع

عقب .. جنّه لآفني برد ،، البرد وصل لين بطني هههه
مآرمت .. حطيت رآسي ،، وو نشيت عـ رنّة التيلفون
وو إنه اختي متصله تقوللي يالله جهزي بمر عليج وو بنتغدى وو عقب بنرد العين
نسييييت البرد وو بطني وو نشيت بسرعة زهّبت أغرآضي
امايه اتصلتبي .. قآلت : اتصلت أبآ أشوفج
أكيد تخبلتي عـ المطر ههههه .. قلتلهآآ هيه من الفير ناشه أتمشى
آآه كآآآن يووووم رآآآآآآئع جدًا
 Free Smiley Courtesy of www.millan.net
امممم ووو شو ممكن أقول بعد . . . .  ؟!
هيـــه
^
{12:12 مسآءً في يوم 12\12\2012}
كلآسنآ كآن يبدآ 11 ووو نص .. وقبله بريــك
في البريك كننآ في الفيلآ
تريقن البنآت .. وو أنآ كنت أبآ أخلص شي عـ اللآب توب
وو امبوني من أمس مجهّزة البيض الذهبي ههههه
حلآوة فيريروروشيه وو صآفّتنهآ في سلّة فيهآ نفس القش من تحت
يوم طلعت من الحجرة .. البنآت يسإلنني
هآه ؟! شو المنآسبة ؟!
قلتلهن عقب بخبركن فـ الكلآس .. وو وحده منهن تمّت إللآ تعرف
قآلتلي حرآم عليج .. مآبركّز .. قلتلهآ شي سخيف .. مآينفع أحين أقول
 
بدآ الكلآس .. وو يوم يت 12 وو 12 دقيقة
رفعت ايدي .. قلت حق الدكتورة .. دكتورة بقول شي
بس لحّد يكرهني .. كل حد لف ويهه وو مستغربين أو مآدري يترييوون الشي الخطير
قلتلهم .. أحين 12 وو 12 دقيقة .. وو اليوم التآريخ 12\12\12
وو عشآن تكون هاللحظة حلوة كلنآ بنآكل حلآوة هههههه
Free Smiley Courtesy of www.millan.net
تمّوآ يضحكوون واستآنسوآ ع الحركة العبيطة وو عآد تمّوا يعلّقون عـ التآريخ وو البلبلة اللي صارت
ههههه ضحكّني البنآت .. قآلن حبينآج والله غيرتي جو الكلآس خخخ
{الله يحلّي أيآمنآ كلنآ إن شآآءالله}

مرّت الأيآم .. وو كل مآتكون النهآية قريبة ~ كل مآ كآن الضغط أكثر
امتحآنآت .. بريزينتيشنز .. تقآرير .. بروبوزآل .. وو وآجبآت لين الرمق الأخير

{يوم الأربعآء ، 19\12\2012}
كآن اليوم المخصص حق البريزينتيشن بالنسبة لطلآب الكمبيوتر الـ CIS
نعرض بوستر .. وو نعرض بريزنتيشن
البوستر عن موضوع يخص الطاقة المتجددة وو المستدامة
عآد يبون فيه كل المعلومآت
وو نكتب تقرير في حدود 2500 - 3000 كلمة عن الموضوع نفسه
كآن موضوعي:
How Green "Green cities" will be
 

البريزنتيشن عن فكرة بحث تخص مجال درآستنآ
وو نكتب بروبوزآل في حدود 1800 - 2000 - 2500 كلمة
كآن موضوع بحثي:
Green Wireless Sensor Network for agriculture fields
 
الكتآبة الحمدلله كنت أورريدي كآتبة .. بس كآن يبآله شوية تعديل
وو إعآدة ترتيب في الفقرآت
يوم الثلآثآء بديت أسوّي ديزآينآت البوستر وو البريزنتيشن
وو لآزم أطفّر بـحد وو أشآوره هههههه
لأنني كل مرة أقول .. بستخدم بس اللون الفلآني أو اللونين
وو عقب ،، مآروم ،، يعني جيه لآ إرآدي أدخّل ألوآن زيآدة هههههه
اممم كـ العآدة ... وو من أيآآآم الجآمعة
كننآ أنآ وو "الطبع الحشيم" أكثر شي ~ نخطط وو نتشآور في تصميم البوسترآت
امتدادًا لمآ سبق ههههه طفرت بـ "الطبع" وو كنت كل شوي أرآويهآ
رغم إنه تقريبًا أذوآقنآ نفس الشي .. بس أحب أشآور
ووو شكرآآآآآآآآآآ وآآآيد

ووو يوم الأربعآء .. كآن البريزنتيشن
حلووو كآآآن .. الحممممدلله
 Free Smiley Courtesy of www.millan.net
العصر .. أختي مرّت عليْ .. كنت أبآ شوية أشيآء
طلعت وو لآقيتهآ .. وو رديــت
طبعًا وسيلة النقل في مصدر : الـ PRT
وو شي السيارات اللي بالبطآرية

عآد أنآ أحب اللي كرآسيهآ بنيّــة
هي حق الـ VIP
هع
يوم رديت الفيلآ .. عـ حظي ركبت اللي كرآسيهآ بنيّـة
وو قبل لآآ أوصل .. وقققفت
أول شي ترييت .. قلت يمكن شي سيآرة ثآنية بتظهر
يعني لين مآ تظهر عقب بتكمّـل مسآرهآ
تأخرت .. وو الشاشة انكتب فيهآ انه مآشي كوننيكشن
حآولت أبطّل البآب .. بس مقفول !
for my safety

عقب اتصلت من فص الطوارئ .. ردّوآ عليْ بس كآن يقطّع
حآولت أتصل من تيلفوني .. بس محد رد
تميــت أتريآ .. وو أتريآ .. وو عقب شفت سيآرة غولف
يآيه من بعيد .. قلت الحمدلله أحين بيشوفونني وو بيبطلون البآب
بس وقّفوآ عند السيآرآت اللي هنآآآآآك
كآنوآ جنّهم يدوّرون السيآرة اللي فيهآ حد
قلت أحين كيف بيشوفون رويسي من بعيد ههههه

جربت أتصل مرة ثآنية
ووو شوي سمعت الريآل يزقر ربيعه بصوت عالي
وو يوو مسرعييييين .. بسرعه بسرعه
يآ وو بطّل البآب بسرعه .. وتم يعتذر ،، وانه السيستم كلّـه وقّف
قلتله عآدي .. قاللي ركبي في سيارة الغولف
قلتله لآ برآيه بمشي .. وانا كآن ف خآطري امشي فـ هآك المكآن هع
خبّر ربيعه عشآن يسآيرلي وو يبطّلي البآب الثآني
تم الثآني يعتذر .. قلتله عآدي .. مآحب يوم جيه وايد يعتذرون

المهم الحمدلله .. أنآ كآن عآدي عندي .. بس كنت أحآتي الأكسجين ههههه

أدري وآيد كتبت ... بس شسمه يعني
ووو مآ خفِيَ كآن أعظم وو أكثر
يمكن عقب بخبركم .... يمكن !
Free Smiley Courtesy of www.millan.net

أشوفكووو عـ خير وو سعآآدة


16 comments:

HάķöØnã✿რätatã said...

هيـــــه والله
وآآيد كتبت
-.-


any ways ..!

Samt♥AlbadoO said...

و لو كتبتي أكثر أحسن
لانه البوست ممتع و مآ ينمل، يعني بسرعه خلصته ههههه


بالتوفيق فـ ايامج المصدريه
و المآستر و ان شاء الله بتخلصين و بتستريحين =***


من أكثر من شهر ما حطيتي بوست
ادري انشغلتي، عند هالاجازه كل مره نزلي شي تعويض هههه


Luv'ch

مدوّنة الزمن الجميل said...

الزّمن الجميل تحيّيك وتدعوك الى تصفّحها و الاشتراك فيها

الشريف جمال محمد said...

5otoshare.blogspot.com lurecar.blogspot.com sohag2day.blogspot.com tune2day.blogspot.com fonekatt.blogspot.com mzmztbanat.com akhbar2day.com 2dayshow.info sohag2day.com

HάķöØnã✿რätatã said...

Samt♥AlbadoO

هههههههههه ترآني زآهبه بكتب
بس شسمه يعني قلت حق عقب أحسن


ان شااااءالله يآآآآرب أخلص وو أفتك
الله يسمع منج هع
:*

والله ودّي أكتب .. وو عندي وآيد أشيآء أبآ أخبركم اياهآ .. بس عآمل الوقت لآ يسعفني

وش شوي ؟!

وني عدني أكثر عنش
:*

منجي بـــــــــــــاكير said...

مدوّنة الزّمن الجميل يسعدها أن تتقدّم لك بأحلى التهاني بالعام الجديد 2013

Hotels said...

Are you seeking for hot deals on your up-coming holiday in Kuta Bali Hotels ? Then kutabaliresorts is the right choice for you. Here, we gather some popular resorts, hotels, inns, guest houses and many more that offer a great price. You can find up to 75% discount from hotels’ walk-in rate. Book with kutabaliresorts.com and enjoy huge saving at hotels and resorts around Kuta Bali.

منجي بـــــــــــــاكير said...

/ نكت حريمي بسمات ورديّة
http://zaman-jamil.blogspot.com/

أســد أبوتايه said...

يرد بالسلامه ان شاء الله ... ممتعه كتااااباتكـ ...

نوال said...

كتاباتك حلوة وممتعة ...الله يوفقك في الماستر ويوفق بنت أختي ...تدرس ماستر هي بعد !

hamo ahlawy said...

WelcomE TO CaR WorlD

Anonymous said...

Hi there all, here every one is sharing these kinds of knowledge, thus it's pleasant to read this website, and I used to visit this web site all the time.

My blog ... cashadvance

Unknown Girl !! said...

بهنيكي على المدونة الملونة دي

جامدة ولزيزة

ahmed fathy said...



مدونة رائعة اتمني زيارة موقعي

اخبار الكويت

أخبار مصر و الشرق الأوسط و العالم مع تغطيات سياسية و رياضية واقتصادية
ت مجلة , كويتية مجلة , عالمية مجلات مجلات , كويتية مجلات , عالمية اخبار , محلية منتدى , وصفات , طبخ زفاف امومه

love nadimlove said...

انشر موقع مدونة القران الكريم
التي تقدم القران الكريم بكل سهوله ولايوجد اي استغلال فيها اكسب الاجر وانشرها
http://al-korankareem.blogspot.com/

BRLND said...

ياعمري انتي
ربي يرده لكم سالم

ونستين وانا طفشانه ربي يسعدك