✿---مصدريّـات---✿

خلف كوآليس الوآقع

البآرحة : حلمت إنه أبوي رد من اسبآنيآ .. وو كل العآيلة ملتمّـة
يآآآآرب يعُود بآلسلآآآآمَـة .. البيت من دونه فآآآضي جدًا
{اشتقتله .. وو اشتقتلهم كلهم لي هنآك}
 
ووو على خشبة مسرح الوآقع
أنآ مُجآآزه من 20 ديسمبر ليــــن 20 ينآير
يعني إجآزتنآ شهر هع
 
مرّت أيآم أول فصل من فصول المآستر بسرعة
مآدرينآ إللآ بالنهآية .. ووو أحسسن هع عشآن أخلّص بسرعة
إن شآآآء الله يعني

وَ كـ عآدة الأيآم .. تجمعنآ بأشخآص جدد
و تربطنآ بأحدآث تبقى في ذآكرتنآ فيمآ بعد

الأيآم في مصدر .. كآنت تشبه بعضهآ بشكل عآم
و بشكل خآص .. كنت أحآول في كل يوم أسوّي شي غير
عشآن أكسر النمط المعتاد
كآنت فترة الصبح كلآسآت .. وو المسآ مرآجعة وو وآجبآت
مرآت أرآجع في حجرتي .. وو مرآت في المكتبة .. وو مرآت في اللآبآت
ووو جيه عقب المغرب أسير أتمشى في الممر اللي ورآ الفيلآ

وو مرآت أقعد أكتب مذكرآتي في القعدة الشفافة هع
سآعآت تييني أفكآر جهنميّـة ههههه وو خآآطري أجرب وو أسوي
بس . . . . . . المكان \ الوضع تمآمًا مختلف وو يمكن مآيسمح

امممم تحت عنوآن مصدريّــآت : وآآآيد أشياء
بس مآبلحق أقول كل شي هنيه ههههه .. بقول شوي بس

{حفلة يوم الاتحاد - الخميس 29 نوفمبر ،  2012}
كآآآآن يوووووم يجنن .. حلوووو كآآآآآن
صح إنني مآآرمت أصوّر .. بس حلووه كآنت الأجواء الفعلية وو المنآخيّـة
نزل مطر هآك اليوم .. أنآ تشققت ههههه أول مرة أشوف مطر مصدر هع
يَ الله .. أسميني استآنست
هآك اليوم .. كآن عندنآ تسليم البروبوزآل (first draft)
أنآ امبوني سلّمتـه ،، بس "كيوي" كآنت بعدهآ
وو مآكآنت بتحضر الايفنت .. بس حمّستهآ وو قلتلهآ بتكمّل البروبوزآل في لآب توبّي
عآد لأنّــآ مآرمنآ نتم برآ .. وو عشآن تقدر تكتب قعدنآ فـ مكآن استرآتيجي

صدق استرآتيجي .. كننآ نشوف كل شي وو محد يشوفنآ
كآن خآطري أصوّر .. بس مآرمت .. المهم استمتعنآ الحمدلله

في اليوم اللي عقبه ~ يوم اليمعة
نشيت من ووووقت .. وو شفت من الدريشة انه مطرررر
بسرعة بسرعة تلبّست وو نزلت أتمشى

كآن المكآن فآآآآضي .. وو يوم شافتني السيكيوريتي
قالتلي اليوم ماشي دوام ليش وآعية من الصبح ؟!
قلتلهآ عشآن المطر
قآلت الحمدلله وو الشكر !!

قلتلهآ صدقي .. ترآه المطر مب دووم
عآد تمّت تخبرني عن فرحة النآس اللي ف حآرتهم وو اللي شافتهم ف الشآرع

عقب .. جنّه لآفني برد ،، البرد وصل لين بطني هههه
مآرمت .. حطيت رآسي ،، وو نشيت عـ رنّة التيلفون
وو إنه اختي متصله تقوللي يالله جهزي بمر عليج وو بنتغدى وو عقب بنرد العين
نسييييت البرد وو بطني وو نشيت بسرعة زهّبت أغرآضي
امايه اتصلتبي .. قآلت : اتصلت أبآ أشوفج
أكيد تخبلتي عـ المطر ههههه .. قلتلهآآ هيه من الفير ناشه أتمشى
آآه كآآآن يووووم رآآآآآآئع جدًا
 
امممم ووو شو ممكن أقول بعد . . . .  ؟!
هيـــه
^
{12:12 مسآءً في يوم 12\12\2012}
كلآسنآ كآن يبدآ 11 ووو نص .. وقبله بريــك
في البريك كننآ في الفيلآ
تريقن البنآت .. وو أنآ كنت أبآ أخلص شي عـ اللآب توب
وو امبوني من أمس مجهّزة البيض الذهبي ههههه
حلآوة فيريروروشيه وو صآفّتنهآ في سلّة فيهآ نفس القش من تحت
يوم طلعت من الحجرة .. البنآت يسإلنني
هآه ؟! شو المنآسبة ؟!
قلتلهن عقب بخبركن فـ الكلآس .. وو وحده منهن تمّت إللآ تعرف
قآلتلي حرآم عليج .. مآبركّز .. قلتلهآ شي سخيف .. مآينفع أحين أقول
 
بدآ الكلآس .. وو يوم يت 12 وو 12 دقيقة
رفعت ايدي .. قلت حق الدكتورة .. دكتورة بقول شي
بس لحّد يكرهني .. كل حد لف ويهه وو مستغربين أو مآدري يترييوون الشي الخطير
قلتلهم .. أحين 12 وو 12 دقيقة .. وو اليوم التآريخ 12\12\12
وو عشآن تكون هاللحظة حلوة كلنآ بنآكل حلآوة هههههه

تمّوآ يضحكوون واستآنسوآ ع الحركة العبيطة وو عآد تمّوا يعلّقون عـ التآريخ وو البلبلة اللي صارت
ههههه ضحكّني البنآت .. قآلن حبينآج والله غيرتي جو الكلآس خخخ
{الله يحلّي أيآمنآ كلنآ إن شآآءالله}

مرّت الأيآم .. وو كل مآتكون النهآية قريبة ~ كل مآ كآن الضغط أكثر
امتحآنآت .. بريزينتيشنز .. تقآرير .. بروبوزآل .. وو وآجبآت لين الرمق الأخير

{يوم الأربعآء ، 19\12\2012}
كآن اليوم المخصص حق البريزينتيشن بالنسبة لطلآب الكمبيوتر الـ CIS
نعرض بوستر .. وو نعرض بريزنتيشن
البوستر عن موضوع يخص الطاقة المتجددة وو المستدامة
عآد يبون فيه كل المعلومآت
وو نكتب تقرير في حدود 2500 - 3000 كلمة عن الموضوع نفسه
كآن موضوعي:
How Green "Green cities" will be
 

البريزنتيشن عن فكرة بحث تخص مجال درآستنآ
وو نكتب بروبوزآل في حدود 1800 - 2000 - 2500 كلمة
كآن موضوع بحثي:
Green Wireless Sensor Network for agriculture fields
 
الكتآبة الحمدلله كنت أورريدي كآتبة .. بس كآن يبآله شوية تعديل
وو إعآدة ترتيب في الفقرآت
يوم الثلآثآء بديت أسوّي ديزآينآت البوستر وو البريزنتيشن
وو لآزم أطفّر بـحد وو أشآوره هههههه
لأنني كل مرة أقول .. بستخدم بس اللون الفلآني أو اللونين
وو عقب ،، مآروم ،، يعني جيه لآ إرآدي أدخّل ألوآن زيآدة هههههه
اممم كـ العآدة ... وو من أيآآآم الجآمعة
كننآ أنآ وو "الطبع الحشيم" أكثر شي ~ نخطط وو نتشآور في تصميم البوسترآت
امتدادًا لمآ سبق ههههه طفرت بـ "الطبع" وو كنت كل شوي أرآويهآ
رغم إنه تقريبًا أذوآقنآ نفس الشي .. بس أحب أشآور
ووو شكرآآآآآآآآآآ وآآآيد

ووو يوم الأربعآء .. كآن البريزنتيشن
حلووو كآآآن .. الحممممدلله
 
العصر .. أختي مرّت عليْ .. كنت أبآ شوية أشيآء
طلعت وو لآقيتهآ .. وو رديــت
طبعًا وسيلة النقل في مصدر : الـ PRT
وو شي السيارات اللي بالبطآرية

عآد أنآ أحب اللي كرآسيهآ بنيّــة
هي حق الـ VIP
هع
يوم رديت الفيلآ .. عـ حظي ركبت اللي كرآسيهآ بنيّـة
وو قبل لآآ أوصل .. وقققفت
أول شي ترييت .. قلت يمكن شي سيآرة ثآنية بتظهر
يعني لين مآ تظهر عقب بتكمّـل مسآرهآ
تأخرت .. وو الشاشة انكتب فيهآ انه مآشي كوننيكشن
حآولت أبطّل البآب .. بس مقفول !
for my safety

عقب اتصلت من فص الطوارئ .. ردّوآ عليْ بس كآن يقطّع
حآولت أتصل من تيلفوني .. بس محد رد
تميــت أتريآ .. وو أتريآ .. وو عقب شفت سيآرة غولف
يآيه من بعيد .. قلت الحمدلله أحين بيشوفونني وو بيبطلون البآب
بس وقّفوآ عند السيآرآت اللي هنآآآآآك
كآنوآ جنّهم يدوّرون السيآرة اللي فيهآ حد
قلت أحين كيف بيشوفون رويسي من بعيد ههههه

جربت أتصل مرة ثآنية
ووو شوي سمعت الريآل يزقر ربيعه بصوت عالي
وو يوو مسرعييييين .. بسرعه بسرعه
يآ وو بطّل البآب بسرعه .. وتم يعتذر ،، وانه السيستم كلّـه وقّف
قلتله عآدي .. قاللي ركبي في سيارة الغولف
قلتله لآ برآيه بمشي .. وانا كآن ف خآطري امشي فـ هآك المكآن هع
خبّر ربيعه عشآن يسآيرلي وو يبطّلي البآب الثآني
تم الثآني يعتذر .. قلتله عآدي .. مآحب يوم جيه وايد يعتذرون

المهم الحمدلله .. أنآ كآن عآدي عندي .. بس كنت أحآتي الأكسجين ههههه

أدري وآيد كتبت ... بس شسمه يعني
ووو مآ خفِيَ كآن أعظم وو أكثر
يمكن عقب بخبركم .... يمكن !

أشوفكووو عـ خير وو سعآآدة


✿---3eednaa 7loo---✿

هالمرة هي ثآني مرة أتم أسبوعين في بوظبي
بوظبي حلووة .. بس العين وآآيد أحلى
 
أحلى شعوور يوم كل حححد يشتآآآقلك

بس مرآت يتعّب الشعور

مآعرف كيف أشرحلكم بس هو جيه هع

المهم .. مبروووووكـ عليكم العيد

ووو ينعآآآآد علينآآ وعليكووو  بالخيـر والسروور

******** 
عيدنآ عيدين بردّة إخوآني وو ولد أخوي من لندن

الحمدلله عـ سلآآآآآآآآآمتهم

 البآرحة .. يوم الأربعآء كآن آخر يوم دوآم في مصدر

وو إجازة العيد بتمتد لين الأحد اليآي

يعني إجآزتنآ أكثر عن البآقيين هع

{ خآرج النص }

أحين أكتبلكم وو ذيآب ولد أخوي [7 شهور] مستآنس عـ اللآب توب

ههههه قآعد يلعب بالكيبورد .. فديته محلآه

وو لأنه أول عيد وو أنآ في مصدر .. قلت بنسوي توزيعآت بسيطة

كآآآنت بسيطة ووو سريعة جدًا

تميت سهرآنة هاك اليوم وو أنآ أقصقص وو ألصّق

بس النتيجة كآنت حلوووة

وو أحلى شي يوم اللي حوولك يستآنسوون
 

 سرنآ نوزّع عـ كل اللي نشوفهم (( موظفين .. عمّال .. طلآب ))

يوم سرنآ الإدآرة استآنسوآ علينآ خخخ وو دخّلونآ عند المدير

حليله طيّب .. وو استآنست إنه وقف لنآ "احترآمًا"

لأنه مب كل حد جيه !

وو طبعًا لآزم وو لآآآبد من الأكشنآت وو الموآقف المحرجة

ههههههه

يوم أتذكر الموقف اللي عـ الدريْ أقول حليلي حق عمري

وو ربيعتي يبست من الضحك عليْ .. عـ قولتهآ جنّج بآئعة الورد !!

حلوو كآن الحمدلله .. حسيت جنّه أول مرة حد يسويلهم سآلفة

وو اتذكرت أيآم الجآمعة .. كننآ كل فترة نخطف عـ الدكآترة وو الإدآرة وو نوزّع

ذكريآت الـ F4

لآ تعد وو لآ تحصى .. يبآلي أخبركم عن علومنآ وو مغآمرآتنآ ههههه

الحمدلله .. ربي يسعدنآ وو يسعد كلل اللي حولنآآآ دنيآ و آخرة

✿---a month & 1/2 at Masdar---✿

خطف شهر ونص .. وأنآ أتحيّن الحين المنآسب لأكتب
و أعبّر عمّا يجول في دآخلي
عـ الأقل أكتب مذكرآتي
بس لم يمنحني وقتي تلك الفرصة .. للأسف

اشتقت للبلوق .. و للكتآبة الحرة هع

****

طبعًا هنيه مآبقدر أسرد كل اللحظات اللي عشتهآ خلال شهر ونصف
بس بقول كمّن شي وو بحط كمّن صورة من تيلفوني
للتكبير ~ اضغط على الصورة

اممم أحين أنآ أكتبلكم هالبوست وو أفكر بالكم الهآئل من الأشيآء
اللي لآزم أنجزهآ خلآل هاليومين إن شآآءالله

أجوآء جديدة .. لكنهآ لم تعد كذلك الآن

أشعر بأنّي أصبحت أكثر شرآسةً ، يمكن لأني وحيدة ؟!

وو أشعر بعدم رغبتي في تلك الأشيآء التي كآنت تسلب إنتبآهي !!

يمكن لأن المحيط مختلف ؟!

أو يمكن لأني أحب أجرّب الأشيآء مرة وحدة فقط ؟!

****

وآآآيد أشيآء أبآ أقوللكم إيآهآ .. بس مآبيسدني الوقت

كيف كآنت البدآية ؟! ... وو كيف هي الأمور الآن ؟!

وو كيف أضيع بين اعتيادي على سريري هنآك .. والتأقلم على هذا السرير ؟!

هههههه ترآه مهم ، صح إنني مآحب أرقد وآيد

بس أحب الرقآد لأنه بوآبتي لأحلآمي اللي مآتخلص هع

وفقنآ الله وو إيآكم وو سدد خطآنآ وو خطآكم

لي عودة إن شآءالله لأسرد بعض مآ بدآخلي

✿---New News---✿

مآدري ليش رتّبت الشبريّـه مع إنني برقد بعد شوي ؟
يمكن عشآن أحلم حلم مرتب خخخ ؟
صرت أحلم أحلآم نوعهآ مآدري كيف

. . . . .

تحيدون يوم أقولكم : بخبركم خبر حلوو ؟!
الخبر : إن شآآآءالله بكمّل درآسة المآجستير في معهد مصدر
وبعون الله وتوفيقه بحآول كثر مآآقدر إنني أخلصه في سنتين

. . . . .

قرآبة الـ 6 شهور ،، وأنآ بين مد وجزر
أموآجي تحملني تآرةً لِـ بر الأمآن ،،
ثم تهيج بي موجة أخرى فتُزعزع صمودي ،، لتلقي بي بين البينين
إمّـآ هذآ ،، أو ذآك

لن أعيرهآ أي إهتمآم إن كآنت مجرد خُزعبلات فكرية نفسية

ولكنهآ كآنت تحمل معهآ مستقبلي
{ وظيفة .. درآسة .. زوآج }
هي الحيآة فرص .. تعوّدت أن أغتنمهآ ، ومآآ أفرط فيهآ
{ إللآ ثآلث شي هههه وآيد فرطت ،، لأنه يبدو لي اممم مآعرف ، مآبرمس ! }
أتتني فرص توظيف رآئعة .. وو كآن كل شي أووكي
بس في لحظة مآ ،، وو عشآن أبوي ~ تنآزلت
قلت إن كآنت خيرتي : لآبد إنه الله بييسرلي كل شي
الحمدلله على كل حآل

في تلك الفترة تنآزلت عن الوظيفة .. وو أيضًا كآبرت بالنسبة لموضوع الدرآسة
اعتقدت بأن هنآك شيئًا أفضل يستحق الانتظآر
عآدت لي نفس الفرص بطريقة مغرية أكثر .. في نفس الوقت
وكأنني في نفس الدوآمة
بس كآن لآزم أختآر : إمآ هذآ أو ذآك !

كل فرصة لهآ مميزآتهآ .. ولو ينفع كنت بآخذهن هن الثنتين هع
{ طمآعة ترآني }
سبحآن الله .. كل شيء خيره .. وكل حد مآبيآخذ غير نصيبه

كنت بخبركم فعآليآت أول أسبوع في المعهد .. بس أتوقع بخبركم عقب إن شآآءالله هع

وفقنآ الله وإيآآكم و سدد خطآنآآ وو خطآآكم
ولآ تنسووون تنووون إنه هالسنة تكون في سبيل الله

✿---رمضآني في سطور---✿

نيّــالي بنت أختي تقول حق السلآحف : مبآآآآآع
ههههه

وصلنآ 28 من رمضآن ! خطفت الأيآم بسررررعة سريعة جدًا
الله يعوووده علينآآ و عليييكم ونحن بصحة وسلآمة
قولوآ آمييييين

هالتدوينة هي فقط عشآن أسوي أبديت
وعن خآآآآطري  .. صدق اشتقت أكون هنيه وأعبّر عن مكنونآتي الدآخليّـة
بس كلّه كلّه مشغولة .. أيآم رمضآن ولحظآته مآتتفوّت ولآ تتعوّض
في النص الأول من شهر الخير
انشغلت في الدرآسة لامتحآن الـ GRE والحمدللهكنت أوآصل لين وقت السحور ،،
وأنش عند صلآة الظهر
نخطط ونفكّر شو نسوّي حق الفطور ؟!
وتبدأ العمليآت المطبخيّــة .. ونفطر كلنآ ربآعة
عقب الفطور والترآويح أقعد أرآجع شوي .. وأقعد ويآ خوآتي
و غآلبًا كننآ نسير نمشي لمدة سآعة في هالجو المنعش ههههه

كآنت تتخلخل تلك الأحدآث بعض الفعآليآت الفرديّـة الدينية
وبعض التجمعآت العآئلية والزيآرآت

الحمدلله ،، حلوو الرمضآن .. أحبّــه ، أحبّـــه وآآآآيد جدًا أبدًا

هالفترة طبعًا فترة مصنع التّمور هههه
يعني صرنآ إنّش من وقت أكثر عشآن انّنقي السّح
ونغسله وو بعديييين نكنزه ،، ويكون جآهز حق الشتآ

باختصار عنيف جدًا : هكذآ كآنت أيّـآمي في رمضآن ،،

كنت نآوية أخلّص السيرة النبوية لإبن هشآم

بس صدق الجدول اليومي مزحوم بالأعمآل الأخرى
إن شآآءالله بقرآه كآمل خلآل الأيآم القآدمة

كل رمضآن له طعم مميز وو طآبَع فريد .. االلهم لك الحمد والشكر
وعسى الله يتقبّل صيآمنآ و قيآمنآ ويرزقنآ جنّـآته


I have some new / good news ,, I'll share them with you all after Eid ISA

✿---Raრädaη რubärak---✿

وهآآآآ نَحنُ مِن جَديـــد نَستقْبل الشّهر الفضَيل بفضل مِن المَولى جلّ جلآله

{الحمـدلله}

رمضآن دآيمًا غير عن بقيّـة الأشهر
وصدق صدق أتمنى إنه نحن نتغيير فيه للأفضل و الأحسن

فرصة لآ تعوّض
لِرسم استرآتيجية جديدة صآلحة لمآ تبقّى من العمر
لِتجديد نوآيآنآ .. أنفسنآ
لِتأديب النّفس الأمّـآرة بالسوء
لِلمُضيّ قُدُمًا في سبيل الهدآية
لِضمآن رحمة الله .. مغفرته .. والعتق من نآر جهنّم
بإذن الله
فرصة ليست لنآ فقط .. فهي لموتآنآ و موتى المسلمين والمسلمآت أيضًا
فلآ تحرموهم من دعآئكم و صدقآتكم .. هم في أمسّ الحآجة لذلك

{الله يرزقني وإيآكم صيآمه وقيآمه آنآء الليل وأطرآف النّهآر}

اللهم اهدني إلى سوآء السّبيل

اللهم إنّي عفوتُ عن عبآدك فاعفُ عنّي

اللهم انصر الإسلآم والمُسلميـن في شتّى بِقآع الأرض

اللهم اشفنآ و اشفِ جميع مرضى المسلمين والمسلمآت وعآفنآ واعفُ عنّـ

آاللهم ارحمنآ وارحم جميع موتآنآ و موتى المسلمين والمسلمآتوأسكنهم فسيح جنّاتك