✿---New News---✿

مآدري ليش رتّبت الشبريّـه مع إنني برقد بعد شوي ؟
يمكن عشآن أحلم حلم مرتب خخخ ؟
صرت أحلم أحلآم نوعهآ مآدري كيف

. . . . .

تحيدون يوم أقولكم : بخبركم خبر حلوو ؟!
الخبر : إن شآآآءالله بكمّل درآسة المآجستير في معهد مصدر
وبعون الله وتوفيقه بحآول كثر مآآقدر إنني أخلصه في سنتين

. . . . .

قرآبة الـ 6 شهور ،، وأنآ بين مد وجزر
أموآجي تحملني تآرةً لِـ بر الأمآن ،،
ثم تهيج بي موجة أخرى فتُزعزع صمودي ،، لتلقي بي بين البينين
إمّـآ هذآ ،، أو ذآك

لن أعيرهآ أي إهتمآم إن كآنت مجرد خُزعبلات فكرية نفسية

ولكنهآ كآنت تحمل معهآ مستقبلي
{ وظيفة .. درآسة .. زوآج }
هي الحيآة فرص .. تعوّدت أن أغتنمهآ ، ومآآ أفرط فيهآ
{ إللآ ثآلث شي هههه وآيد فرطت ،، لأنه يبدو لي اممم مآعرف ، مآبرمس ! }
أتتني فرص توظيف رآئعة .. وو كآن كل شي أووكي
بس في لحظة مآ ،، وو عشآن أبوي ~ تنآزلت
قلت إن كآنت خيرتي : لآبد إنه الله بييسرلي كل شي
الحمدلله على كل حآل

في تلك الفترة تنآزلت عن الوظيفة .. وو أيضًا كآبرت بالنسبة لموضوع الدرآسة
اعتقدت بأن هنآك شيئًا أفضل يستحق الانتظآر
عآدت لي نفس الفرص بطريقة مغرية أكثر .. في نفس الوقت
وكأنني في نفس الدوآمة
بس كآن لآزم أختآر : إمآ هذآ أو ذآك !

كل فرصة لهآ مميزآتهآ .. ولو ينفع كنت بآخذهن هن الثنتين هع
{ طمآعة ترآني }
سبحآن الله .. كل شيء خيره .. وكل حد مآبيآخذ غير نصيبه

كنت بخبركم فعآليآت أول أسبوع في المعهد .. بس أتوقع بخبركم عقب إن شآآءالله هع

وفقنآ الله وإيآآكم و سدد خطآنآآ وو خطآآكم
ولآ تنسووون تنووون إنه هالسنة تكون في سبيل الله

✿---رمضآني في سطور---✿

نيّــالي بنت أختي تقول حق السلآحف : مبآآآآآع
ههههه

وصلنآ 28 من رمضآن ! خطفت الأيآم بسررررعة سريعة جدًا
الله يعوووده علينآآ و عليييكم ونحن بصحة وسلآمة
قولوآ آمييييين

هالتدوينة هي فقط عشآن أسوي أبديت
وعن خآآآآطري  .. صدق اشتقت أكون هنيه وأعبّر عن مكنونآتي الدآخليّـة
بس كلّه كلّه مشغولة .. أيآم رمضآن ولحظآته مآتتفوّت ولآ تتعوّض
في النص الأول من شهر الخير
انشغلت في الدرآسة لامتحآن الـ GRE والحمدللهكنت أوآصل لين وقت السحور ،،
وأنش عند صلآة الظهر
نخطط ونفكّر شو نسوّي حق الفطور ؟!
وتبدأ العمليآت المطبخيّــة .. ونفطر كلنآ ربآعة
عقب الفطور والترآويح أقعد أرآجع شوي .. وأقعد ويآ خوآتي
و غآلبًا كننآ نسير نمشي لمدة سآعة في هالجو المنعش ههههه

كآنت تتخلخل تلك الأحدآث بعض الفعآليآت الفرديّـة الدينية
وبعض التجمعآت العآئلية والزيآرآت

الحمدلله ،، حلوو الرمضآن .. أحبّــه ، أحبّـــه وآآآآيد جدًا أبدًا

هالفترة طبعًا فترة مصنع التّمور هههه
يعني صرنآ إنّش من وقت أكثر عشآن انّنقي السّح
ونغسله وو بعديييين نكنزه ،، ويكون جآهز حق الشتآ

باختصار عنيف جدًا : هكذآ كآنت أيّـآمي في رمضآن ،،

كنت نآوية أخلّص السيرة النبوية لإبن هشآم

بس صدق الجدول اليومي مزحوم بالأعمآل الأخرى
إن شآآءالله بقرآه كآمل خلآل الأيآم القآدمة

كل رمضآن له طعم مميز وو طآبَع فريد .. االلهم لك الحمد والشكر
وعسى الله يتقبّل صيآمنآ و قيآمنآ ويرزقنآ جنّـآته


I have some new / good news ,, I'll share them with you all after Eid ISA

✿---Raრädaη რubärak---✿

وهآآآآ نَحنُ مِن جَديـــد نَستقْبل الشّهر الفضَيل بفضل مِن المَولى جلّ جلآله

{الحمـدلله}

رمضآن دآيمًا غير عن بقيّـة الأشهر
وصدق صدق أتمنى إنه نحن نتغيير فيه للأفضل و الأحسن

فرصة لآ تعوّض
لِرسم استرآتيجية جديدة صآلحة لمآ تبقّى من العمر
لِتجديد نوآيآنآ .. أنفسنآ
لِتأديب النّفس الأمّـآرة بالسوء
لِلمُضيّ قُدُمًا في سبيل الهدآية
لِضمآن رحمة الله .. مغفرته .. والعتق من نآر جهنّم
بإذن الله
فرصة ليست لنآ فقط .. فهي لموتآنآ و موتى المسلمين والمسلمآت أيضًا
فلآ تحرموهم من دعآئكم و صدقآتكم .. هم في أمسّ الحآجة لذلك

{الله يرزقني وإيآكم صيآمه وقيآمه آنآء الليل وأطرآف النّهآر}

اللهم اهدني إلى سوآء السّبيل

اللهم إنّي عفوتُ عن عبآدك فاعفُ عنّي

اللهم انصر الإسلآم والمُسلميـن في شتّى بِقآع الأرض

اللهم اشفنآ و اشفِ جميع مرضى المسلمين والمسلمآت وعآفنآ واعفُ عنّـ

آاللهم ارحمنآ وارحم جميع موتآنآ و موتى المسلمين والمسلمآتوأسكنهم فسيح جنّاتك

✿---Ћâppў 24th---✿

سَنَـة حِلْوة يآ جَمِيـــل

احم .. مُنذ 23 عامًا .. كُنتُ أبدو كذلك !

تقريبًا كذلك .. لأنه في كل صورة أبدو مختلفة .. هي فقط مجرد انعكآس جزئي للوآقع
{ تشبهني ؟! }
هههههه .. أنآ مآآحس إنني أشبه عمري هع

 ~ 18 June ~

سُبحآن الله .. أحين أنآ عشت 24 عآمًا على وجه الأرض
و 9 شهور في أحشآء جنّتي

يآآرب بآرك لنآ فيمآ تبقى من عُمرنآ .. وإن شآءالله يكون في طآعة الرّب
عسى الله يطوّل في عمري لمآ هو خيرٌ لي
و عسى ربّي يحفظني لكل غآلي

جعلني الله وإيآكم من سعدآء الدنيآ والآخرة
{ كُل عآم وأنآ إلى الله أقرب }

نهآية العآم هي بدآية عآم جديد
تعوّدنآ دآئمًا أن نبدأ بكل مآ هو خير إن شآءالله
لذلك .. أودّ أن أبتدي شيخوختي هع بـ تصفيَة حسآبآتي مع البشر
وأن أصلِح نفسي كثر مآآأقدر لأُرْضِي خآلقي عزّ وَ جلّ
وأحقق جميييع أمنيآتي \ رغبآتي \ أحلآمي \ طموحآتي \ وكل شي في خآطري

السُّمووحة منكم ~ هآي مسّاحتي : تقدرون تمسحون فيهآ أي شي في خآطركم عليْ هع

موآضيع مُشآبهه : { 2010 ... 2011 } 

~ 18 June ~

هو فآصلتي الزمنيّـة، اللي أودّ أن تكون جميع الجُمل من بعدهآ:
{رائعة}
رائعة
رائعة
رائعة
إن شآء الله

✿---Recycled Fashions Competition---✿

STOP

will show you my recent craftng

colored Invitation cubes

we did it for my sister workplace farewell ceremony

I LOVE crafting thingy

 عـ قولة أحد أسآتذتي: إنتي من أهل الفنون خخخ

:

:

إنزيــن أحين شوفوآ .. برآويكم الديزآين والفستآن

اللي سوويته حق بنت أختي

بمسآعدة ثنتين من خوآتي اللي أصغر عنني .. وشمآ طبعًا خخخ

حلووة كآنت أجوآء التنفيــذ

كله منآقر و مغآيض و ضحك هع

والنتيجة كآنت :

أختي سوّت اكسسوآر الشعر \ اكسسوآر الإيد .. وكآن رآآئع

اللبس مكوّن من :

يونيّه (خيشه) .. أكيآس .. ورق .. جرآيد .. خوآشيق بلآستيكية .. سيديهآت

فـ يوم العرض والمسآبقة
بعد مووووت وحيلة وآفقت إنني أحضر العرض
حضرته بس عشآن خآطر شمّا بنت أختي

كآنت أجوآء الحفل حلووووة .. إضآءة .. ستيج .. ومعرض خيري

لجنة تحكيـم .. شخصيآت إدآرية من خآرج المدرسة

بعد مآخلصن البنآت عرض الأزيآء (مُعآدة التدوير والتصنيع) .. تم إعلآن المرآكز الأولى

ضمن معآيير معينة

ووو من بين مآيقآرب الـ25 عآرضة ، فآزت شمّا بالمركز الأول

حلووووو كآآآآآآآآن .. كنت أتمنى الحفل يكون على نطآق أوسع

:

:

:

بسألكم .. شو علآج الشوق ؟!

مآفي شي تعبّني كثر شوقي

أحآول أتغآضى وأتجآهل .. أحآول أتشوّق للمستقبل وأنسى المآضي

هيــه صح ، وجيه بتعآلج إن شآآآءالله هع

البآرحة أثنآء حديثي مع إحدى صديقآتي السيتآويآت

فجأة حسيت كلآمهآ جرفني بعنف لـ مآضي لطآلمآ وددت العودة إليه

بس شو تعودت أقول ؟! ~ كل شي له وقته

لين مآيقتنع عقلي البآطني .. وقلبي الحقيقي .. والله يصبرنآ

✿---ربطة عُنق---✿

في بعض الأحيآن تبدو لنآ الأشياء وكأنهآ ربطة عُنق
في بآدئ الأمر لآ نجيد ربطهآ بسهولة .. فـ تخنقنآ تآرة من شدة إحكآمهآ
و ترتخي تآرةً أخرى بسبب تمرّدهآ
وفي كل التآرآت تبدو أنيـــقة جدًا
مُنذ فترة كآن في خآآآآطري جدًا أن أمتلك ربطة عُنق
لآ أدري لمَ ؟! أصبحت رغبتي فيهآ كـ رغبتي في اقتنآء حذآءٍ جديد أو إكسسوآرٍ فريد
أو ربمآ أشدّ .. و لآ أدري لِمَ ؟!
::::::::::
بدآ لي يومي وكأنه طويــل جدًا .. لكنه مر بسرعه مآدري كيف ؟!
بدأ بموقف أحدآثه تشبه المآضي الوآقعي .. والحلمي خخخ
مع اختلآف الأشخآص .. و ردة الفعل .. فهي دآئمًا [ لآ ]
لآ أدري لٍمَ ؟! أو قد أكون أدري .. بس درآيتي لآ تُستَوْعب بسهولة هع
تصدقون؟! مآدري أحس من كثر مآكآن اليوم طويل في نآظري
حسيت إنه يتني حمّـى ههههه .. مآعرف كيف أشرحلكم، بس المهم هو جيه !

أحدآث اليوم تتنآسب مع عنوآن تدوينتي
وانتهى يومي بـ هالموقف:
كنت في حجرة أخوي يبآني أكحله بالكحآل الطبيعي
ولأنه أطول عنني بوآيد شوي [ و حآليًا مآكآن في شي أركب عليه ]
+
كآن مستعيل خذ عنني المرود وتكحّل بروحه
شفت العقآل وحطيته عـ رآسي .. وتذكرت موضوع ربطة العُنق
سألته إذآ كآن يملك وآحده؟! ومن بين كلل الأغرآض والعفسه ايدي يت عليهآ هع
لبستهآ والعقآل مآزآل عـ رآسي ههههههه فديتني كآشخة
كنت أبآه يرآويني كيف يربطونهآ .. بس أونه يبآ يعدّلهآ وخنقني عمدًا \ غيآظًا
وسرعآن مآ أرخى الربطة
الصدق : مآكآنت تخنقني بس أستهبل عليه ههههه
ومآزآلت في خآطري ربطة عُنق جديدة مميزة
{ تعوّدت مآآخلّي شي في خآطري هع }