✿---IT Marathon 2012---✿

اليوم دخلت الخيمة قلت بشييك عـ نظآفتهآ وترتيبهآ
والصرآآحة تفآجأت ههههههه كنت متوقعه ألقآهآ معتفسه
كـالعآدة بعد أي تجمّع للشبآب ((إخوآني وربعهم))
كآنوآ متيمّعين ويتآبعون مبآرآة العين والجزيــرة
ومبروووووووووووووووك الفوز والدوري عـ الأمة العينآوية

والله صدق هالمرة استآآآنست
هههههه يعني مآدري غريبه تكون الخيمة نظيفة مرتبة وكل شي بعد لمّة شبآب
رفعت عيني فوق ~ ولقيت الليت طآيح

كيف؟ مآدري!....ليش؟ الله يعلم!
بس زين .. المهم الخيمة نظيفة ومرتبة هع

:
منذ سنة تقريبًا تقريبًا
أخبرتكم عن تجربتي فـ الآي تي مآرآثون على مدآر 4 أعوآم
في هالبوست: http://ohakonamatatao.blogspot.com/2011/05/it-marathon.html

واحين بخبركم عن تجربتي الخآمسة
IT Marathon 2012
كل سنة لهآ طعم مميز .. كل مرة نعيش موآقف يديدة تضيف نكهة خآصة
هههههه نكهة هالمرة هي عبآرة عن شي اممم عقب بقوله هع

رغم إنّه ..... إللآ إنه بس عشآن خآطر حد .. و .. حد
قلت حق إمآيه إنني بسير بسآعد البنآت فـ الترتيب لهالفعآلية
إمآيه مآطآعت أول شي :خلآص تخرجتي وليش تردين الجآمعة مرة ثآنية
وبسّج منهآ .. ورتبي حق حفلتج أبرك .. وين فيج حيل تسيرين؟ .. ومن هالرمسه
أنآ : ( قلت كلمات سريه ههههه ) ... ووو طآآآعت إنني أسير هع

المهم سرنآآآ والحمدلله خلصنآ من وقت .. على عكس العآم تمينآ لين 12 وشي فليل
والله كآن يجننننننننن .. أنآ لين أحين مب مستوعبة إنني تميت لين هالوقت فـ الجآمعة
هههههه لآ ومقعّده البنآت عتدي بعد !
مغرووومه

يوم كنت فـ أوفيس السيتآ يآنآ د-عبدالمطلب
يوم شآفني ابتسم وقآللي انتي هنيـــه؟ حنيتي للسيتآ صح؟
عقب سألني عن أحوآلي وعن وضعي الحآلي خخخ
وعقب وأنآ خآطفه قآللي إنه "زهير" ولده يسلّم عليْ .. صديقي اللي خبرتكم عنه قبل هع
حليـــله ههههه حبّوووب هالصبي
كآن بيي يسآعدنآ وسإل أبوه عنني بس يوم قآلله إنني محد وإنني تخرجت
غيّر رآيه ومآيآآ .. ليته يآآآ كآن بيسويلنآ جووو
وووالحممممدلله استآآآآنست بشووووفة البنآت وبسوآلفهن

فـ يوم الحدث .. كآنت نسبة عدم حضوري عظيمة
بس هيهآت أطوف الافتتآح وأجوآء هالفعآلية ههههه

فـ تقرر الآتي: إنني بحضر الافتتآح اذا خفّت الحمّى ، وعقب بسير العيآدة ويآ بنت أخوي
وعققققب يمكن أرد الجآمعة يمكن لآ ... كآن عـ أسآس لآ أكثر شي

:
كشخت عـ الخفيف خخخ وسرت الجآمعة ولحقت عـ الإفتتآح
بدوآ النآس بالإنتشآر في أرجآء الكلية
سلّمت عـ ربيعآتي .. وكآنت أول وحده فيتووو
وسلمت عـ بنآت السيتآ .. وكننآ بنآخذ جولة حول المشآريع المعروضة
بس سرت أوفيس السيتآ وقعدت عند وحده من البنآت كآنت تجهز حق الحفل الختآمي
حليلهآ بروحهآ قآعده .. حسيت فيهآ ~ لأننآ مرينآ بهاللحظآت قبل

قبل 11 اتصلوآ فيني وإنه الدريول برآ يتريآني
عـ اسآس ينسير العيآدة أنآ وروّآضي بنت أخوي .. وشمآ بنت منصور ولد عمي
مآلحقت أخبر ربيعآتي .. خبرت أخت كيوي إنني بسير
عشآن اذا حد سإل عنني مبدئيًا .. تيلفوني كآن معلّق
المهم سرت .. حليلي في سبيل الله
ليـــن صآر الشي اللي هو نكهة اليوم !!!

يوم أتذكر ~ أكسر خآطر عمري .. وأضحك شوي
بس شوفوآ شو صآر !
أول أول أول مرة في تآريخ حيآتي الجآمعية استوآلي جيه
صدق .. مآدري ليش اليوم ليش؟! اهيء اهيء

كنت أمشي عآدي .. ومآدريت بعمري إللآ وأنآ طآيحه
طحت عـ الخفيف اممم .. مب فـ أي مكآن !
فـ مكآن جدًا استرآتيجي ههههه حرآآآآآآم لآآآآآآآآآآآآ
آآآآآآآآآآه يآآآآآويهي ههههه

والله أحآول أتذكر .. بس جيه المشهد كله سريع
يوم رفعت رآسي شفت وآحد من الدكآترة أو المسؤولين فـ الجآمعة مآدري هو موآطن
كآن خآطف .. وصد صوبي جننه يبآ يسآعدني هههه بس بسرعة أشحت بوجهي
وو خليت عمري عآدي .. يمّعت أغرآضي اللي طآحت من حقيبتي

وييت بوقف مآرمت .. حسيت ريولي منتهيه خخخ .. وإيدي محمّره
تعرفون؟ هههههه والله صدق جيه الوآحد يوم يستويله جيه
يحسس كلللل الكون شآفه .. ويحسسسس بحرآرة الدنيآ
حآولت أقنع عمري إنه محد شآفني .. وإنه عآدي

بس هالموظف شآفني ! وكآنن بنآت ورآي .. وهندي يمشي فـ الصوب الثآني
والمشرفآت يوم ييت بظهر من الجآمعة تمن يسإلنني شو فيج؟
شو يآج؟ انتي بخير؟
مآكآن عندي جوآب إللآ إنني ابتسمت وقلتلهن مآشي وظهرت
كنت أمشي وفيني خليط من المشآعر:
خآيفه أطيح مرة ثآنية .. وفيني ضحكة الدنيآ كلهآ
وفيني حزن على نفسي .. حليلي، كسرت خآطر عمري

تميت أستفكر فـ أسباب الطيحه .. بس والله مآعرفت شو ممكن يكون السبب
سرنآ العيآدة .. هههههههههههه المُضحك:
كننآ نتريآ يزقروننآ عسب ندخل عند الدكتورة
أثنآء الإنتظآر .. وفجأة ضححححكت وضححححححكت
الحريم كآنن يطآلعنني .. روآضي وشمآ مستغربآت

عقب يودت بآقي الضحكة وعدّلت قعدتي .. وفجأة ملآمحي صآرت جدية

مآرمت أسكت .. طرشت برودكآست حق كل حد هههههه
وهآي بعض الردود اللي لحقت أصورهآ خخخ


خلصنآ علآج اممم وصآر شي خوفني ... تميت أقرآ عـ عمري وعـ الصغيرونآت خخخ
المهم .. بعد هالموقف .. حسيت مآله حآيه أرد الجآمعة
ورديت البيت .. وأنآ فـ خآآآآآآآطري أحضر بآقي الفعآلية وأحضر الحفل الختآمي
رديت البيت صليت .. ورديت الجآمعة .. مآرمت ههههه مآآآآصبر عنهآ

خطفنآ عـ المشآريع .. منهآ مشآريع رآئعة .. ومنهآ عآدية
وقعدنآ لين وقت الختآم ... هالمرة سووه فـ المبنى الهلآلي
والله لو فـ الآي تي أحلى بيكوووون .. أدري إنني وآيد متعصبه لكليتنآ
بس هو جيه خخخ .. المهم ، حلو كآن يعني عآدي ههههه
وتمنيـــت وآآآآيد بالصدق لو إنني حضرت ختآم الآي تي مآرآثون العآم المآضي

الحمـــدلله بشكل عآم كآن حلوو .. وبنآت السيتآ مآآآآقصرن
أدري إنه في أشياء مآصآرت نفس مآهن يبن
بس مآزآل الإيفينت حلووو .. ربي يعطيــــهن العآآآآآفية
والشكر موصول للجميـــع ~ السيتآ بويز .. الدكآترة .. والمسؤولين

ردينآ البيت على أمل إننآ نتلآقى من جديد إن شآآآآءالله
أتمنى يكون شي تغيير فـ هالايفنت .. تكون فيه حركة يديدة
لأنه يكآد يكآد يصبح شي روتيني اعتاد عليه النآس بنفس تفاصيله!

✿---Tedx Al Ain---✿

أحين كل حد رآقد، ونآ أحآول أكتب هالبوست اللي من متى أبآ أكتبه ولآ كتبته خخخ

من أجمل الأشياء اللي صآرت فـ الآونة الأخيرة: تيدكس العين
وعسبت تعرفون أكثر عن هالفعالية: http://www.tedxalain.com/
فـ البداية، خبرتني الطبع الحشيم عن قروب المآركيتينق التآبع لـ تيدكس وإنهم يبون متطوعين للمشآركة في تنسيق المطبوعات ، الشعارات ، الفيديوهات ، ....إلخ
أشياء نحبهآ يعني .. بس أنآ مآطلت شوي
وعقب رفضت ، اممم مآدري السبب أو يمكن أدري ، بس المهم إني مآبآ هع
وبعد فترة وجيزة  اقترحوآ يدخلون فـ الفيديو بعض الرسومآت ، واقترحوآ إنني أرسملهم
بس سرعآن مآتغيرت الفكرة ، ونآ مآكنت متحمسه أوي أوي هع
فرصة رآئعة .. بس طوفتهآ ، كله بسبت عنآدي وو شوية أسباب ثآنية
هناك فرصة أخرى : إننآ نشآرك في تنظيم الفعالية نفسهآ
ههههه الطبع الحشيم كآنت شآكّه فيني ،
تتحرآني بس أسآيرلهآ وإنني في أي لحظة ممكن أقول لآ
بس حليلي لآ كنت متحمسه ههههه بس مب مبيّن وآيد لأنني هآييج الفترة كنت
وآيد مفهيّـه ولآ فـ الدنيآ .. كآن شعور جميل ههههه
:
في سبيل تأكيد عملية التنظيم سوولنآ إجتمآع سريع
كآن أسرع إجتمآع أحضره ههههه .. كآنوآ حآطينني من ضمن فريق التصوير
مع إنني أفضل التنظيم والتصميم أكثر ، بس مازآل التصوير حلوو
اتفقنآ نكون موجودين قبل 9 صبآحًا .. كآن عآدي عندي أيي 6 ونص وأصور المكان بالتدريج:
يعني كيف يوم المكآن فآضي .. كيف يوم تبدأ الزحمة .. كيف يوم الزحمة الصدقية

:
وفي صبآح يوم السبت الممطرررررر، كنت توني نآشه
يت أختي تقوللي سعيد يسألني اذا بنسير عنده الرمله
توهآ مخلصه جملتهآ ~ قلتلهآ أكيـــــــــــد بنسير هع
قآلتلي و تيدكس؟؟!! مب لآزم نكون من وقت هنآك؟؟!!
قلتلهآ هيه لآزم .. بس بنلحق .. مب دوووم بيصب مطررر .. مب دووم حد بيودينآ هههه

:
وسرنآآآ رملة المطآر لأنهآ الأقرب .. والله حلوووو كآن يجننن .. جيه شعور بالنقاء والانتعاش
وتمينآ نستهبل شوي .. والوقت يخطف .. والعمر يمضي
كل حد سآر تيدكس العين ونحن بعدنآ ننتعش فـ الجو اللذيذ ههههه

بعض الصور هع
ردينآ البيت وسرنآ نزهّب عمآرنآ عـ السريع السريع
وتوجهنا لـ تيدكس .. كآن تقريبًا كل حد هنآك والفرقة العسكرية بدت تعزف معزوفاتهآ
بدينآ نشكشك ~ يعني نصوّر هع
سلمنآ عـ ربيعآتنآ .. بدينآ ننخرط فـ الجوو .. والله السنة حلووو كآن .. الحممممدلله يعني
حسيت إنني مندمجة فـ الحدث .. و جننه بيتنآ
+
الشخصيات اللي رمست كآنت وآآآآآيد أحسن عن السنة المآضية

هآي فقط بعععععععض الصور .. شيكوآ عـ بآقي الصور فـ موقعهم و فـ صفحة الفيسبوك

من وجهة نظري .. استمتعت صدق فـ هالتيدكس
يمكن لأنه العآم كنت حآضره وبآلي مشغول بـ مشروع التخرج؟
يمكن لأنني مآحضرته كآمل؟
يمكن لأنه هالمرة نحن من المنظمين؟
المهم والخلآصة إننه كآن رآآآآآآآآآآآآآآآآآآآآآآئع هع

جميع المتحدثين كآنوآ رآئعين .. في اشياء تلآمس وآقعنآ .. وأشيآء من أصول تفكيرنآ
بس صدق صدق استآنست عـ اثنينه أكثر شي
كييل جونسون >> شوفوآ صفحته والفيديوات هنيه : http://www.kieljohnson.com/

و يوسف طوقآن كآن حمآسي
حلوووو يوم كل شخص يرمس عن تجربته الوآقعية ومثآل من وآقعه
هالشي كآن يدشّن حديثه ويجذب الجمهور للإنصات هع

:
:أقولكم .. أنآ لآبد إنني أرقد .. عقب بوآفيكم ببعض الأشياء والتعليقات والصور والألوآآآآآن هع
بآجر .. لآ لآ خلآص نحن أحين دخلنآ يوم اليمعة ~ يوم اليمعة بنسير ان شااءالله الفجيرة وبنرجع السبت
أتمنآآآآآآآآآآآآآآآآلكم أيآآآآآم سعيـــــدة .. وأحلآآآآآآآآآآآآآآم هنيــــــــئة
إلى اللقآء
{ سويت أبديت .. وصح نحن مآسرنآ، لأنه وصلنآ خبر وفآة حد من نسآبة أبوي .. الله يرحمهم بوآسع رحمته }

✿---لمآذآ عيوني ملوّنة ؟---✿

الحمـدلله الذي خلقنآ في أحسن تقويـم
لحظة بقولكم : مسآآآآكم الله بكل أنوآع الخيـر

في هذا البوست سأجيب عن تساؤلات متكررة قد وآجهتهآ مُسبقًا
ومرآت حسيت فيهآ بس تركتهآ بدون جواب
أو تركت الجواب كـ المُتوقّع بأنهآ مجرد عدسات لآصقة
خخخخ
عيوني .. ليست عدسات لآصقة .. هذآ لونهآ
اللي مآدري شو اسمه

ليست خضراء ولآ عسليّة .. صفرآ عـ قولة اليهّال ههههه
اممم شي جيه يعني .. فآتحه
من بين إخوآني كلهم نحن 4 بس جيه عيوننآ ملوّنة
أخوي .. أنآ .. أختي .. أختي الصغيرة
بس كل وآحد فينآ لون عيونه غير
أخوي مثلًا عـ رمآدي .. أختي عـ الأخضر .. أختي الصغيرة عـ الأخضر العسلي
أمآ البآقيين .. حد بني غآآآآآآمج جنّه أسود .. حد بني فآتح .. وحد عسلي

بعض الأشياء نتعوّد عليهآ لأننآ نعيشهآ
ومآنتوقع حد يسأل عنهآ أو يستغرب منهآ .. لأننآ نتحرآ النآس تعوّدوا نفسنآ

ههههه ربيعآت بنت عمتي يتحرن أمّي فرنسية !!
وآحد من ربع أبوي يوم شآف صورة أختي الصغيرة فـ الجواز .. قآلله مآخذ أمريكية؟ هههه
وحده من ربيعآتي كآنت تقوللي فيج جمآل هندي !!
يوم كننآ في ألمآنيآ .. وبعد مرور أيآم اكتشفن بعض البنات إنه عيوني ليست عدسات لآصقه
وكآن البعض يسأل صديقاتي المقربآت، أمهآ من وين؟!
من وين تتوقعون؟
هههههه
ليست فرنسية .. ولآ أمريكية .. ولآ هنديه .. ولآ مصريه .. ولآ جزائرية .. ولآ مآدري من وين
أمي من هنيـه .. وتعود أصولهآ إلى بدو عمان وبالتحديد بدو الشرقيّـه

نحن مآشآبهنآ إمآيه .. نحن مشآبهيـن يدّي الله يرحمه
يوم توفّى كآنت أمي تبلغ من العمر مآ ينآزه الـ عآمين
ومآتذكر شكله .. و أول مآيآبت أخوي سعيد خوآلي قآلولهآ إنتي الوحيده
اللي يبتي حد يشبه أبونآ فـ العيون
الله يرحمه ويسكنه فسيح الجنآن
أخوي سعيد مآشآءالله مآآشآبههم فـ العيون وبس وحتى فـ البنية الجسديّـة

يدّي مآكآنت عيونه خضر .. ولكنهآ فآتحه تميل للرمآدي تقريبًا
هآي صورة يدّي الله يرحمه

أنآ أسميهن عيون البدو خخخ لأنه شريحة كبيرة منهم جيه عيونهم
عآد اختلطت الجينات على مر الزمن
وعطتنآ ألوآن غير .. بس كلهآ متقآربة هع
ومن غير لون العيون .. لون الشعر اللي يكون عـ أشقر شوي أو كستنائي
ولون البشرة بعد
سآعآت أحس لون عيوني و ويهي نفس الشي خخخ

دآيمًا أتمنى تكون عيوني سود .. لأني أحب العيون السود
وآيد يقولوللي إنتي عكس النآس ... الناس تلبس عدسات ملوّنة
وانتي تلبسين عدسات غآمجة خخخ
الحمـــدلله دآيمًا وأبدًا .. بس حليلي حتى يوم ألبس عدسات غامجة
لون عيوني يفتّحهآ وتبقى فاتحه !!
كل العيون جميــلة .. خآصة جدًا اذا تعرفون لغتهآ هع

هذا شبه سرر .. وشي سرررر ثآني بس مآبقوله .. لأنه سرر صدقي
الله يحفظنآ جميعًا من كل سوء
والله يشفي عيووني من عووقهآ