✿---wheels---✿

أول أمس خلآل رحلتنآ شفنآ خيــل

وأخوي زقرني و قآل : اللّـــــه خيــل .. أبآآآآآ .. أبآآآآ أركب الخيــــل
مع تخفيف اللآم في لفظ الجلآلة .. وتخفيف البآء في كلمة أبآآ
ههههه .. أوننه يحآكيني .. بس أنآ مآ أرمس جيه خخخ

يآآآآآللــه .. متى بيكون عندي الخيـــل الأشقر .. متى ؟!

wheels - العجلآت
أحبببب أغلب الأشيآء اللي فيهآ عجلآت

سيكل .. سكوتر .. سيآرة .. طيّارة .. عربآنة ... إلخ
اممم حتى الحيآة لهآ عجلآت .. وعجلآتهآ سريـــعة
لآزم نستغلهآ قبل لآتفوتنآ .. ونكون نحن محور دوآرنهآ ونوجههآ للطريق الصوآب
{ إن شآءالله }

في الطفولة السحيقة .. كننآ نسوق السيكل بو 3 توآيير
ليضمن لنآ التوآزن .. حين كبرت قليلًا
اقتصر مفهوم السيكل للصبيآن .. ونحن كآن موضوعنآ شيء آخر خخخ

في فترة الإعدآدية
وفي ظهر أحد الأيآم .. كآن أخوي + ولد عمي يلعبون بآلسيآكل فـ الحوش
وكآآآآن خآآآآآطري أتعلم أسوق سيكل بو تآييرين
ولد عمي زقرني وعلمني كيف .. كيف أبدآ .. وكيف أحآفظ على إتزآني
ومن أول محآولة سقت بدون إصآبآت هع

صرت كل يوم الظهر .. أسوق السيكل وو أتشمس ههههه
بعد فترة .. أخوي كآن يرآوينآ الحركآت اللي يسويهآ و هو فـ السيكل
يوم يتم وآقف وهو يسوق .. يوم يخلي السكّان ويقعد عـ ينب ..... ومآحيد شو بعد
وأنآ مآدري شو يخصني .. بس قلتله يعلمني .. حآول يعلمني ههههه
إممم أحيد إنني جربت أسوق وأنآ وآقفة .. ولين أحين أحب أسويهآ خخخ

كبرنآ شوي .. و صآر عيب أكثر إنني أسوق السيكل !! مآدري كيف .. بس هو جيه التفكير خخخ
ولم يعد كذلك تقريبًا خخخ .. لأنني أحين أسوق عآدي فـ حوش البيت يوم العمّال محد

بؤرة موضوع هالبوست .. السيآرة وو الليسن
ههههه ونآ رمست عن العجلآت وو السيكل

أنآ في حيرة من أمري .. أبآآآ وو مآآبآآآآ
أبآآآ أسوق سيآرة .. بس مآبآآ الليسن
أبآآآ الليسن .. بس مآبآآآه

الليسن و العآئلة
منذ مآدري كم سنة .. كآن مجرد التفكير في الليسن شيء صعب وخطير وعيب
شيء شين .. و التفكير فيه جُرم

إحدى شخصيآت العآئلة .. ترملّت، واضطرت لذلك واتخذت القرآر
كآن أول تمرد في نظر الآخرين .. و كآن الحديث عنهآ في كل بيت !!
ثم شخصية أخرى من فئة الشبآب .. ظروفهآ أجبرتهآ على اقتنآء الليسن
فـ أصبحت هنآك قصة تمرد أخرى ههههه .. ولكنهآ أخف !

تكررت تلك القصص على الصعيد العآم .. وفي نهآية المطآف وصلت بيتنآ
حآليًا خوآتي الكبآر عندهن ليسن .. و حريم إخوآني كذلك
تبدو الحيآة هكذا أسهل .. أسرع !

النآس بين تلك القصص .. وأنآ وأخوي سآلم (أصغر عنني) في عآلم ثآني
هههههه كننآ نآخذ السيآرة بالدّس الظهر ونتعلم السوآقة بروحنآ
في شوآرع الحآرة أو في شآرع سوق إكسترآ الخلفي

اممم احين ولأنني على وشك التخرج والتوظف، كل حد يسألني حتى اليهّال .. هآه، متى بتطلعين الليسن؟!
أمآيه مآتبآني أطلع الليسن ههههه قآلتلي بيطوولن حبآلج .. ومتى بتردين البيت عآد؟
كنآية عن التمرد وو التهور

هههههه حليلي .. يعني هو صح يمكن، بس مش لهالدرجة هههههه
وبعدين قآلتلي .. الحرمة أزهى يوم حد يسوقبهآ .. لهآ هيبه
وهذآ مآيروق لي فعلًا .. بس وو لكن

ضرورات الحيآة تخلي الوآحد في أمسّ الحآجة للليسن
وفي نفس الوقت .. لآ تروق لي فكرة إنني أنآ (وبالتحديد أنآ) أقتني الليسن
أنآ مآبآآآ الليسن كثر مآآآ أبآآآآ الشعور بمغآمرة السوآقه

يوم أقولكم أحبببببب التوآيير ههههههههههه

إمممممم مآزلت في حيرة من أمري .. بصلي إستخآرة إن شاءالله

مآ خآب من استخآر .. ولآ ندم من استشآر

✿---نفسي وَ حآلي---✿

نفسي تمرّدت بعض الشيء وَ قد حآن ترويضهآ
حآلي تغيّر نوعًا مآ و مآعآد يحلآلي

البآرحة بحثت عن تلك الأسبآب وعرفت الإجآبة الحمممدالله
فآتخذت قرآر ترويض نفسي من جديد
والله حـزّ في خآطري مآ آل إليه حآلي في جآنب من جوآنب الحيآة

ربي أعنّي على ترويض نفسي .. ربي اهدني إلى سواء السبيل
{قد يكون التمرد بسيطًا .. لكن يؤلمني هذا النوع من التمرد .. لأنني أشعر بأنّ أنآ ليست أنآ}

✿---روح الاتحآد---✿

منذ فترة .. حشرتهم بـ سؤآلي .. أبآآآ أحضر حفل عظيــم
شي كبيــــر .. شي حلوووو
ويـــــن أسيــــر ؟؟ ويــــــن بلقى هالشي ؟؟
البآرحة لقيت الجوآآآآب .. وو تحقق .. هيـــــــــه تحقق .. يسس يسسس
أنآ كنت هنآك .. فـ مدينة زآيد الريآضية .. حضرت الحفل العظيـم
♥ روح الاتحآد ♥

هنآ .. تصوير الحفل كآمل من قنآة بوظبي الأولى
(طبعًا غيـــر اللي يكونون فـ قلب الحدث هع)

هنآ .. مذكرة هآك اليوم من غير تفآصيــل دقيقة خخخ
(بتم تلك التفآصيل في ذآكرتي إن شآءالله)

وو هنآ .. كنت نآوية أحط صور .. وآآآآآيد صور يبآلهن عبآله
(إن شآءالله إذآ تفيقت بحطهن عقب)

اللّـه .. الوطــن .. خليــــفة
ليست مجرد شعآر .. وإنمآ هي معآني حقيقية لآبد من أنهآ تصل وتتأصل في أعمآقنآ السحيقة
ونترجمهآ معًا بفعلنآ و سلوكنآ .. وبكل مآنستطيــــع ومآآآ نملك
اللّـه .. الوطــن .. خليــــفة
اللّـه .. الوطــن .. خليــــفة
اللّـه .. الوطــن .. خليــــفة
اللّـه .. الوطــن .. خليــــفة

✿---ADSF (2)---✿

يوم السبت
19 - 11 - 2011

سرنآ بوظبي قرب 12 الظهر تقريبًا ويآ أختي
وونزّلنآ الطبع الحشيم فـ أرض المعآرض
ودآيركت توجهنآ إلى الكورنيش

سرنآ عند المسؤولة جوزيـل .. مآحيد عن شو كنت أرمسهآ
وكآنت تتأمل عيوني هههه وقآلتلي حلووة عيونج وحلوو كحآلج
*مآكنت أعرف إنه عيوني أحلى وهي حزينة*
من الصبح وعيوني حزينة خخخ .. ومآآآدآآآني هالحآلة
حتى ونحن سآيرين بوظبي الجو هآدي .. كلّه بسبة عيوني
يمكن لأنني كنت هآديه .. فـ صآر الجو هآدي
يمكن وو ربمآ
حآولت أفرّح عيوني .. بس مآدري .. شي كآن فيهآ
أو يمكن أدري .. بس مآعرف .. المهم
سرنآ خيمتنآ .. خيمة المنآطيــد كمآ ذكرت سآبقًا فـ البوست اللي تحت
وشيّكوآ عـ توآجدنآ .. وكنت أتسآءل كيف اليهآل بيعرفون عننآ؟
لأنه خيمتنآ شوي بعيده .. بس قريبه من المسرح
بالإضآفة إلى أنه النآس ممكن تتحمس يوم بتشوفنآ
نفر المنآطيد من فوووووق هع

في بآدئء الأمر كآن الجو هآآآدي
وعقب دخل أول قروب .. فآرس وو أخوه يوسف
تولّيــتهم .. وتمينآ نشتغل عـ المنطآد
يوسف الصغيـر مآكآن يسآعدنآ .. كآن أغلب الوقت يطآلعني
أعتقد عيوني هي السبب خخخ .. وعشآن أشغله خليته يقصقص عندنآ
قبل لآ إنخلص يآ أخوهم .. أبوهم .. عمهم .. خآلهم
مآدري المهم يآآ وهو جننه تعب من كثر مآيدور عليهم
ههههه وقآللهم يللآ بنسير
>_<"
قلتله حرآم .. بآقي شوي وبيخلصون .. قآل أوكي
تم يتريآآ .. شوي شفته متحمس ويآآ يبآ يسآعدنآآ خخخ
شآف شعآر الجآمعة وسألني .. إنتي من الجآمعة؟
قلتله هيـه .. قآل مآشآآءالله وتشتغلون هنيه؟
قلتله إنه نحن متطوعيـن .. وخليته يكمل ويآهم وبس كنت أعطيهم مقترحآت
عقب مآخلصوآ .. وديتهم عند الإستيـج مآلنآ عسبت يفرّون المنطآد
ويجربون مدى قدرته على الحفآظ على البيضه
اضطريت أطلع فوق ويآ فآرس وو يوسف
وهآك الشخص قآللي بتريآكم تحت
فرينآ المنطآد وكآن نآجح طبعًا هع هع
ونزلنآ تحت وهم مستآنسين
سألني هآك الشخص عن اسمي .. وعن عمري
>_<"
يتحرآني سنة أولى أو سنة ثآنية .. قآل مآشآآآآءالله مب مبين عليج شكلج صغيرونه
!!!
كآلعآدة .. ابتسمت وو غيرت الموضوع ودخلت خيمتنآ خخخ
فـ نفس الوقت كآنوآ اليهآل يدخلون
وكآنت كل بنت من المتطوعآت تتولّى أمور قروب

دخل شآب .. مآدري بس بسمّيه رآشد عـ كيفي خخخ
وكآنت إحدى المتطوعآت تشرحله الموضوع وبدت تسآعده
شكله مآيوحي بـ شي أبدًا أبدّا أبدّا
حسيت إنه حد
. . . . . . . . . . . . وللحديث بقيّه خخخ
المهـــــــــم .. لن أنسى ذلك .. ولن أنسى تلك الأخوآت: مريم \ نورة \ يآسمين
وو الإخوة: نجيب \ نوآف \ إبرآهيم
وحركة توزيـع الحلآوة اللي استآنسوآ عليهآ
وبعض التفآصيل الأخرى التي لآ يٌسمح لي بذكرهآ هنآ

امممم العصر .. كآن عرض الرجل الطآئر بآلصدق
يآآ ديفيد وقآللي قولي حق البنآت اذا تبون تشوفونه سيرن عآدي
ونآ بتم فـ الخيمة .. نحن مآصدقنآ خبر خخخ
وقبل ذلك .. يت جوزيـل تقوللي إنهم يبون وحده مننآ ترمس الشيخ يوم بيي
وكآنت إحتمآلية زيآرته لخيمتنآ جدّا ضئيــــــلة
مع ذلك البنآت رشحنني خخخ

خ ي ب ه
العصر كيف استوت الزززززحححححممممممه
والله حتى مآلحقت أصوّر كل الشخصيآت
والوآحد مآيعرف وين يودّي ويهه وللآ منو يسآعد وللآ مآدري خخخ
عـ السآعة 6 خلّص شفت البنآت وبدأ شفت الشبآب
حآولنآ نظهر من الخيمة .. بس حليلهم الشبآب 2 بس
مآدري كم بيوبلووون خخخ
وزعت الحلآوة كلهآآآآ عـ كل حد .. هههههههههه والله يضحكون اليهآل
وحتى الكبآر يضحكون

احم حآن موعد الرحيــل والعودة للعين
وهنيه معآنآة ثآنية هههههه بس الحمدالله عدّت عـ خيــر
ردينآ ويآ دريول الطبع الحشيم
أمهآ .. أختي .. كيوي > جدّام
أنآ .. الطبع الحشيم .. البشكآرة > ورآ
وطوووول الدرب أنآ والطبع نرمس ونضحك .. والبآقيين أعتقد رقدوآ
أو دخلوآ فـ لحظة غفوة إللآ نحن ههههههههه

الحمممممدالله .. حلوووووو كآآآآن
ههههههه ويمّعت ذكريآت حلوة وو تضحك

✿---ADSF (1)---✿

مشآركتنآ فـ مهرجآن أبوظبي للعوم كآنت مشآركة تطوّعيـة
وتم إختيآر مجموعة من الطآلبآت والطلآب للتطوع في تنظيم هذآ الحدث الكبيــر
ويسمّووننآ مرشد علمي

بعد ورشة العمل التدريبية اللي سوينآهآ فـ جآمعتنآ بعض الطآلبآت زآد حمآسهن
والبعض هونن .. مع إنه حلووو كآآن
قسّمونآ .. حد فـ أرض المعآرض .. وو حد فـ الكورنيش
أنآ كنت فـ الكورنيـش
و عقب العيــد .. إستغربت من أحآسيسي هع
مآكنت وآآيد متحمسه مع إنه شي حلوو وأنآ أحبه
وليــن اللحظآت الأخيــرة كآن في مجآل كبيــر إنني أهوّن
والله مب متخيّله عمري فـ الكورنيش .. اممم مآدري
بس .. لآآآآآ .. قررت أسير وو أشوف .. وأكذّب أحآسيس اللي مآدري كيف خخخ
يوم الجمعة
18 - 11 - 2011
قررنآ نسيــر من وقت نظرًا لأننآ فوتنآ فترة التدريب اللي كآنت يوم الأربعآء
قلنآ بنسير وو بنشوف الوضع قبل لآآآييون النآس وو الزوآر
ظهرنآ من العيــن قبل 10 .. تلآقينآ ويآآ الطبع الحشيم
وخطفنآ عـ كيوي
كآنت الرحلة بقيآدة أختي العودة
والركآب .. أنآ .. أختي .. الطبع الحشيم .. كيوي
ههههههه أكثر شي أذكره فـ السوآلف
الحلم اللي كآن بعنوآن "نوبآت نفسيّــة" .. ومشروع التخرج
حليلي حلمي كآن غيـر ولّد أحآسيس غريبة
بس مجرد إنني قلته .. حسيت بـ مدى غبآءه ههههه
فديـــت مخّــي
وصلنآ بوظبي .. سرنآ أول شي أرض المعآرض
الطبع الحشيم هنآك مكآنهآ .. نزلنآ عندهآ
وشفنآ كيف الأوضآع .. اممم كآنت شوي متدهورة هع
لآقينآ "بآترينآ " المسؤولة وقآلت ترييوآ ليـن مآآين بنآت جآمعتكم وبنوزعلكم السترة
خلينآ الطبع وحيــده هههه حليلهآآآ .. واضطرينآ نسيـر عسبت نلحق عـ مآلنآ
ونحن ظآهريـن .. أسمع حد يزقرني .. صدّيــت وو إنهآ ربيعتي سآرة
سلمت وو سولفنآ عـ السريـع .. ووصيتهآ عـ الطبع .. كسرت خآطري جيه بروحهآ كآنت هع
توجهنآ إلى الكورنيـش .. والشمس سآطعة وو حآآرقة
المكآن مب مترتب .. ونآس بعدهآ تركب وتصبّغ .. ومحد من المسؤولين موجود
قعدنآ نستكشف الأشيآء الموجودة .. ونتوقع أمآكن الورش مآلنآ هع
أنآ .. أختي .. كيوي

صآدفنآ وآحد لبنآني .. مسؤول شركة
Vibes
وو مضيّع نفسنآ .. يتريآ حد من المسؤولين
وسألنآ نحن من ويــن ويبآنآ نشتغل عنده .. وعطآنآ البيزنس كآرد مآله
تــــــم يسووولف .. أنآ الشمس صقعتني ومآرمت
قعدت عـ الكرسي .. و الريآآل حط أغرآضه عـ الكرسي وو قعد
>_<"
اتصلت بآلطبع عسبت تسأل بآترينآ وين بآقي المجموعة
وقررنآ نسير الخيمة اللي قريبة من القبة البيضآ
قلتله يآلله نحن بنسيـر .. شفته شل شنطته ويآ عندنآ ههههه حليله
أنآ كنت أبآ أشرد عنه .. سوووووري .. بس مب رآيمه أسمع رمسه لأنه رآسي أورريدي محترق
حليــــله .. سوري والله مآآقصد شي هع
المهم حد اتصلبه .. وعقب قآلنآ يآلله لقيتهم، بآآآآي .. وسآر عند ربعه

سرنآ إحترقنآ ولقينآ المكآن فآضي .. ردينآ وإحترقنآ
عقب قررنآ ندخل الخيمة العوودة
"خيمة 1001 إخترآع"
المكآن مظلم .. وحآطين موفي فـ الشآشة العودة .. يعني جننه سينمآ صغيره
والقسم الثآني حآطين عن الشخصيآت العربية الإسلآمية المشهورة
وآآآآآيد حلوووة الخيمة .. هآي أحلى مكآن فـ الكورنيش

تعبنآ من الوقفة .. وقعدنآ فـ كرآسي السينمآ الصغيـرة
تمينآ إنطآلع الموفي .. وكل 5 دقآيق ينعآد .. يعني بنحفظه اليوم ههههه
(نسيــت أقول إنه هالمكآن بعده مب جآهز .. كل شي مقرطس .. وكآنوآ يشطّبون)

يووو شبآب .. وبندوآ الشآشة .. وقآلولنآ سوووري .. بس لأنهم يبون يعدلون شي
قلنآلهم لآ عآدي مب مشكله .. خذنآ لفة ثآنية فـ الخيمة
ويآنآ وآحد من الشبآب .. سألنآ نحن من ويـن .. وليـش هنيــه ....إلخ
وودآنآ خيمة الجآمعة .. نقطة التجمع .. الحمممممدالله يعني لقينآ شي هع
هههههه عـ فكرة هالريآل مآدريبه عربي وللآ إنجليزي .. بس قآل شي
أنآ مآآسمعت بس أختي وو كيوي عقب خبرني وتميت أضحك هههه
فـ نفس الوقت مآعيبني .. وقررنآ نسوي شي كـ رد للي قآله
المهم
تمينآ نتريآ .. وعقب شوي وصلن بنآت الجآمعة .. كآن المفروض يتغدن وو عقب الغدآ نبدأ
نحن كآن همّنآ وو إهتمآمنآ نلقى مكآن نصلي فيه
ليـــــن مآيردوون علينآ .. سرنآ ودخلنآ خيمة فآضية وو غطينآ عـ بعض وو صلينآ
الحممممدالله
ردينآآآ .. وقآلتلنآ جوزلين المسؤولة سوري مآلقيت مكآن حق الصلآة .. قلنآلهآ خلآص
وأحيـــــن بدت عملية توزيـــع السترة
آآه .. يوم لبست كيوي تقوللي خيــبه وسيع عليــج
ههههه كنت متوقعه .. سألت إذآ شي إكس سمول .. بس مآشي خخخ

كآنت خطة اليوم .. إننآ نتدرب كلنآ .. طلآب وو طآلبآت .. والإفتتآح يكون يوم السبت
بدينآ نتدرب عـ السآعة 2 تقريبًا
كل قروب يتدرب عـ أكثر عن وورك شوب .. عسبت نتسآعد في حآلآت النقص الطآرئة

نحن إدربنآ عـ ورشة فقآعآت الصآبون .. الأوركسترآ .. وو ورشتنآ الحلووووة مآرس لآندر
حلوووة الفقآعآت .. منهآ العآدي .. ومنهآ عـ الدخآن البآآآآرد .. وتدخلوون فـ فقآعة كبيــــرة بروحكم تسوونهآ
الأوركسترآ ههههه أدوآت عآدية منزلية وو غيرهآ تُستخدم بإيقآعآت مختلفة
حتى الزنّوبــة يعزفونـ ـبهآ هههههه .. وبعض الأدوآت أصوآتهآ اتضحـــك خخخ

هنيــــه .. خلآآآآص نحن كننآ منتهيين .. أنآ .. وأختي .. وكيوي .. يووع وو تعب وو شمس
اتصلنآ بأختي عسبت تييبلنآ غدآ .. عقب مآطلبنآ حسيت بـ النشآط من جديد هع
ومآكآن بآقي إللآ ورشتي الحبيـــبة .. هي آخر شي وو خلآص

قبل لآآنسيــر .. سألتنآ وحده من الأمهآت عن الفعآليآت وو وقتهآ
وخبرنآهآ .. وسولفنآ شوي .. سألتنآ من ويـن .. وإنصدمت يوم عرفت إننآ من الجآمعة
قآلت عـ بآلي بتقولون فـ الثآنوية .. شكلكن صغيرونآت هع هع >> خقّيـــت

قلنآ بنسير بسرعة ورشة المريخ .. وبنخلص عسبت نرتآح عقب وو نتغدى
فكرة الورشة .. إننآ نصنع مركبة "منطآد" يوفر الحمآية للركآب "البيضة" وويوفر حركة لتسهيل عملية الهبوط
أول شي قلت مآبسوي .. مآفيني حيل خخخ .. وعقب تحمست بسرعة
حتى مآكنت أبآ أسمع رمسه زيآدة وتفآصيل مآلهآ دآعي .. كنت أبآ الأغرآض وو نبآ نبدأ
سوينآ نحن الثلآث المنطآد .. وطبعًا لآآآآآزم ديكوريشن ههههه .. بس عقب قصينآ منه
عشآن مآيعرقل حركة الهبوط

كننآ 3 قروبآت بنآت .. وو أعتقد 3 قروبآت شبآب
نحن خلصنآ أول حد .. طبعًا عقب مآنخلص .. لآزم نركب المدرج
ونفرّ المنطآد من فوق .. والجمهور يكون تحت .. وحد يشيّك اذا البيضة إنكسرت وللآ لأه

قبل لآ إنسيــر .. قآلنآ ديفيد
our team leader
جربوآ بالبيضة الخشبية هنيــه دآخل الخيمة
وو عقب بنسوي مسآبقة بيننآ كلنآ
يوم يينآ نجرب .. كل الأنظآر علينآ ههههه كل حد يبآ يشوف
و ديفيد يقول مآلنآ أحلى وآحد
المهم .. صديت صوب يدآر الخيمة وجربت .. مآخليت حد يشوف هع هع

سرنآ برآ .. صوب المدرج .. وكآنوآ ينآقشون منو أول حد
ومآدري ليــش يبوننآ نحن .. قلتلهم مآنبآ أول حد .. نحن آخر فريق بنفر مآلنآ هع
تمّوا يتعآزمون .. بدينآآآ .. وكآن الجو حمآسي .. حد يصآرخ وو يصفقون وو يعدّون العد التنآزلي
المهم .. يآ دورنآ آخر شي .. سرت فوق أفر المنطآد
ونآ أدعي ههههه مآنبآ نقفط .. خآصة إنه كل حد تحت يتريآآآ
حد كآن يعد تحت .. 5 .. 4 .. 3 .. 2 .. 1 .. يللآآآآآ
ونآ بعدني أرتب شكل المنطآد عسبت يهبط وو هو مرتب خخخخ
وعقب نزلت ايدي ليــــن كثر مآآأقدر وو فريت المنطآد
يآآآ وآحد منهم يبآ يشيّك عـ البيضة .. قلتلهم ونآ فووق
"يسسسسس مآآآنكسرت صفقووولنآآآ"
ههههه صفقن البنآآآت وو تمّوا يضحكون .. وو طآلعني بنظرة وو عقب قآل : هيــــه مآآآنكسرت
نزلنآآآ وتصورنآآآ عند منطآدنآ العجيــب هع

حلوووو كآن .. والأحلى إنه الغدا وصل .. سرنآ يبنآ غدآنآ
وتغدينآ فـ خيمة التجمع .. الحممممدالله .. وردت الرووح ههههه

عقب مآخلصنآ .. زقرونآ لأنهم مسويـــن إجتمآع حقنآ كلنآ
نظرًا لأنه بآجر بيكون الإفتتآح .. فـ لآزم يوصوووننآ ويأكدون علينآ
موضوع الصلآة وو النقآش فيهآ كآن أهم شي فـ الإجتمآع
واختبصت الرمسه فـ هالموضوع هههههه أستغفرالله يآآآرب

اليوم كآن حآفل بالتعب .. وبالموآقف المضحكة .. والشمس الحآرقة
ردينآآآ دآر الحسن وو الزيــن .. العين
وفـ الدرب كننآ نخبّر بعض الأحدآث اللي صآرت
وو حممممدالله عـ سلآمتنآآآ

✿---3eed's week---✿

الحمممممدالله .. اليوووم كآآآن حلوووو
يوم جمعة .. واستوت فيه أحلى جمعة
الله يجمعنآآآ دوووم عـ خيـــر
: : : : :
هالعيـــد بشكل عآم .. مآدري كآن فيه فرآآآآآغ

وحسيته فآآآآآآآضي .. لأنه بعض الشخصيآت المهمة كآنت مفقودة
المعآريس: حمد وو حرمته » أمريكآ
بو هزآع » مدآوم
أختي وو ريلهآ » الحج
وتمّوآ عيآلهم عندنآ فـ البيـــت لمدة أسبوع تقريبًا
::::::::::::::::::::::::::::
أول أيآم العيـد
::::::::::::::::::::::::::::
كنت رآقدة متأخر .. ومآفيني أنش
بس لجل العيد ولحظآته نشيت .. وسلمت عـ الكل
بدينآ نرتب وو تسآعدنآ فـ تجهيز اليهّال
أول مآنزلت .. نزلت بـ جلآبية ديزآينهآ جننه مآل مدآرس أو شي جيه
رآفعة القصّة .. ومب متكحلة
تمن يعلقن حفيدآت العآيلة » أوننه حلوو شكلج جننج فـ الثآنوية خخخ

أنآ كنت نآزلة عسبت أسأل أبوي أي كندورة أحلى
وبآخذ بـ رأيه ووألبسهآ .. بس أبوي كآن فـ الميلس .. سرت وو زقرت أخوي سعيد
سألته وو قآللي رآيه هع

هالمرة تأخرت لأنني بديت متأخر .. يـن الحريم وو سآرن
ومآلحقت عـ حد
عقب تيمّعنآ أنآ وو خوآتي وسوينآ إتصآلآتنآ حق أفرآد العآيلة
المفقودين وو حق صديقآتنآ

الظهر .. ر ق د ت .. كنت تعبآنه حيـــــل
وقررنآ العصر نسوي جولة زيآرآت عآئلية
حلووو كآآآآن .. مآطولنآآ وآآآيد .. بس إستآنسنآآآ الحممممدالله

::::::::::::::::::::::::::::
ثآني أيآم العيـد
::::::::::::::::::::::::::::
نشيــنآ من الصبح .. ذآبحيـــن مآدري كم ذبيحة
وعـ أسآس بنسوي
traditional BBQ h3
يعني نحن اللي نقطع اللحم .. ونرتب .. ونشوي .. وكلل شي خخخ
كل حد عـ حسب .. يعني الشبآب يشوون
ونحن نجهز بمسآعدة الشبآب
كآن فريق العمل اللي أنآ فيه:
شوّآخ .. سآلم .. هزآع ولد أخوي
أنآ أكبر وحده فيهم .. يعني أنآ اللي أتحكم هع

شغلنآ كآن صدق مرتب .. تميـــت أتمدددح » مآروووم مآآ أتمدح خخخ
الجو كآآآن طررررر الطرآآآآآآطر ههههه
فـ حرضت اليهال عسبت يشنّون حملة ضد السلطآت العليآ
ويطآلبون بـ رحلة سريعة إلى الرملة اللي قريبه مننآ
الأغلبية متعآييز يسيير .. بس جهزنآ أنآ وو الأحفآد معدآت الرحلة
تحمسنآآآ وو سرنآآآآ
الحممممدالله حلوووو كآآآآن

المسآآ يــن حريــم .. مآكنت أعرف
سمعت صوت فـ الميلس ووشفت سوآده وو دخلت رويسي أول شي للتأكد

خخخ .. إنحرجت وسلّمت وو طلعت بسرعة
مآتميت عندهن .. يـن قووم إمآيه وو حريـم إخوآني وقعدن عندهن
عقب مآسآرن شآفتني إمآيه وضحكت
{ قآلتلي يسألنني الحريم إذآ مخطوبة وللآ لآ !!!
أوننه : سلمت علينآ وحده حلوة مآشآءالله هي مخطوبة؟
ههههه يعني "حلوة" مقرونة بـ "مخطوبة" .. مآيصير مثلًا أكون حلوة وو سنقل؟؟ }
عـ كيــــــفهم والله !!!

مآدري .. سآعآت أحسهم يحرجون وو يجرحون الوآحد وهم مب دآريين
::::::::::::::::::::::::::::
ثآلث أيآم العيـد
::::::::::::::::::::::::::::
نشينآ شوي متأخر ... وحآولت أقنع أختي عسبت نطقم
سنـــة لين مآآاطيـع خخخ .. المهم اقتنعت
كشخنآ بـ فسآتيننآ البسيــطة جدًا وو نزلنآ .. يوم شآفتنآ إمآيه

قآلت "صدق إنه العيـــد" هع

على عكس أبوي "قآللي أغيّر لبسي"
لأنه يفتن .. ولأنه امممم الأجوآء مغيمة هع يعني أجوآء البيت
اممم يعني بسبت وجود بعض الشخصيآت من غير المحآرم
بس وجودهم فـ البيت جننهم محآرم خخخ مآفيني أشرح أكثر
المهم
بدلت .. وكشخت بكندورة
شآفتني إمآيه وقآلتلي: ليــــش بدّلتي؟ شو يآج؟

ههههه يعني أحين خربطووبي .. ألبس وللآ أبدّل؟!
حلووة كآنت أجوآء الغدآء .. بريئة ههههه مآدري كيف جيه بس هو جيه

العصر .. سرنآ أنآ وو أختي العودة نغلّف هديـة المعآريـس
وو عـ المسآ .. جهزت شنطة أختي الصغيرونه وو بنت أختي
لأنهم بيسيرون ويآ إخوآني وو خوآتي

::::::::::::::::::::::::::::
رآبع يوووم
::::::::::::::::::::::::::::
الصبح كل حد متحمّس عـ السيـرة
(بيسيرون عمآن-الشرقية عسبت عرس جآسم)
*some pic of the place (Oman)*

ولد عمّي شآفني بالجلآبية قآللي وإنتي مآبتسيرين؟؟
قلتله لآ .. قآللي ليـــش؟؟

» لأننه محد بيتم ويآ إمآيه وو أبوي وعيآل أختي

يعني بكون دلوعة البيت هالفترة ههههه

حليلهم سآآآروآ .. وصآر البيت فآآآضي
تمينآ بس أنآ .. إمآيه .. أبوي .. أحمدووه ولد أخوي .. عيآل شمسه
(حمّود .. لطوف .. يزّوي .. نيّالي)

ومهرة بنت محمد >> مآطآعت تسير ويآ أمهآ .. تبآ إتم عندي خخخ!!

الجووو حلووو .. ولعبنآ بآلسيآكل أول شي
وطلعوآ إشآعة إنني بوديهم مآدري ويـن يلعبون

وو توهق البطل خخخ
من بعد آخر مرة .. قلت التوووبة أودي حد من اليهّال الألعآب
بس كسروآ خآطري .. وقلت أمري لله

سرنآ إكسترآ لأنه هو قريــب .. ولأنه مآفيه زحمة
مع العلم إنني بتم بروحي
المهم سرنآ أول العصر وو ردينآ المغرب
حلووو كآآآن .. تحمّست وكننت على وشك إنني ألعب ويآهم .. حتى الهندي تحمّس خخخ

وو هيـــه صح ترآني طفرتبهم كثر مآطفروبي
ههههه والله الله يعين إمآيه إذآ نحن كننآ جيه
مآشآءالله عليـهم ههههه الله يهديهم
الحممممدالله أهم شي إستآنسوآ

فليـل .. تعبت علينآ نيّالي
وسرنآ أنآ وو إمآيه العيآدة .. بس كآنوآ توهم مسكريـن
وعقب سرنآ الطوآرئ
يوم وصلنآ .. سرت أفتح ملف وو إمآيه قعدت وين الإنتظآر وو ويآهآ نيّالي
سألتني الممرضة كم عمرهآ؟!

وتوهق البطل مرة ثآنية خخخ
قلتلهآ لحظة .. سرت سألت إمآيه وقآلتلي 8 شهور
رديت عند الممرضة .. وشفتهآ مبطله عيونهآ ومب عآيبنهآ
قآلتلي كيف مآتعرفين عمر بنتج ؟؟!!!!

ههههههههه إبتسمت قلتلهآ لأنهآ مب بنتي .. أنآ خآلتهآ
ضحكت وقآلت إنزيـن وردتلي البطآقة

المكآن كله يهّال .. حد يصيح حد يكح .. ونآآآآدر حد يضحك خخخ
تمينآ نتريآآآ .. وجآء الدكتور الوحش خخخ لأنه وحش بالنسبة حق الصغيرونة
وو الحمممدالله عـ كل حآل .. كآن يوم طويل
إمآيه تقوللي لآتسهرين رقدي .. لآحقه عـ الدرآسة
مآكآنت تدري إنه اللوم يقطعني وإنه في شي لآزم يخلص وأرتآح

متلومة فـ عمري .. وووو فـ حد .. متلومة لآيمة الموووت
بس الحمممدالله .. الحمدالله

::::::::::::::::::::::::::::
خآمس يوووم
::::::::::::::::::::::::::::
ولأنني رقدت متأخر مآكآن فيني حيل أنش .. ومآخليت شي مآحلمته
اليوووم شمسه وريلهآ بيوصلووون من الحج
اليوووم عرس جآسم ولد خآلي
اليوووم أختي بتيي من بوظبي

يعني الدنيآ فيهآ شي حلووو ينسّيني بآقي الأشيآء هع هع
الحمممممدالله عـ سلآآآآآمتهم
حج مبرووور .. سعي مشكوووور .. ووذنب مغفووور إن شآآآءالله

المسآ كل حد عزّم يسير وو يرد بيته
إللآ اليهّال هههههه تمّوآ يحآيلونهم .. بس هم كآنوآ يبون يتمون عندي

صدق انه القطو يحب خنّاقه .. والطير يحب سجّانه
الله يخليهم لأهلهم ويخليلهم أهلهم

✿---3eed Mubarak---✿

✿---يوم عرفة---✿

{ يـوم عرفة }
موعـده: غدًا .. السبت .. 5-11-2011
فضل صيآمه: يُكفّر السنة المآضية و البَاقية

يللآ نصوووووم، أوكي؟
عسى الله يتقبل مننآ أجمعيــــن