✿---20-12-2010---✿

بسم الله الرحمن الرحيم ... والحمدالله رب العآلميـن
مآدري أحس بشي يجول في خآطري
يآليته شي وحيــد ..... ملآيين الأشيآء ..!
أشيآء رغم بسآطتهآ إللآ إنني أفشل في ترجمتهآ
وأشيآء بسبة تعقيدهآ أفشل في فك عقدهآ
وكل هالأشيآء تبقى في جمجمتي ... وتتعبني بعض الأحيآن
الله يعين نفسي على نفسي


20-12-2010
اليوم القمر مكتمل ... والله الطلعة مآتتفوت

اليوم ... صديقتي وأختي الطبع الحشيم ... اسم الدلع: طبووعة خخخ
أكملت الـ 22 عآم .... وأحين تمشي فـ الـ 23
إذآ قآلت لآ ومآدري شو >> لآتصدقونهآ ... اعذروهآ مآتعرف تحسب عدل خخخ

كـل عآم وأنتي إلى الله أقرب ... كـل عآم وإنتي صديقتي وأختي
عسى هالعآم يتسخر ويتيسر لج ولصآلحج
أتمنآلج من عميق وسحيق أعمآق قلب خآطري كل خير الدنيآ
وعسى تتحقق الأمآني الـ3 اللي تمنيتيهآ اليوم
امممم مب بس هالثلآث ... إن شآآآءالله كل الأمآني

اليوم احتفلنآ .... اممم مب لأننآ نؤمن بهالخرآبيط
لآ ... بس كإعلآن بدآية عآم جديد ... وتذكير لفتح صفحة جديدة نظيفة
هههههه حليلنآ ....فـ البدآية كآن هدوء وصمت .... وأول مآقررنآ إننآ نكنسل الكلآس تنشطنآ هههه
طبعًا ... طوول الوقت ونحن نتصور ولآزم نتنآقر شوي ..!
>> صدقوني .. مب ويـوه إحتفآل خخخخ

طبـوعة تعرفيــن ... كنت مخططة حق أشيآء جهنمية ... بس مآأستوت ..!
يمكن خيـره..!
مآقآلوهآ من فرآغ >>> تجري الريآح بمآ لآتشتهي السفن

من ضمن السوآلف اللي تطرقنآ لهآ أثنآء قعدتنآ الإف فوريـة
>> نسبة للإف فور = اللي هو اسم قروبنآ
الحديث عن المآضي .. وبالتحديد عن مغآمرآتنآ أيآم الإعدآدية
امممم مآبكمل ... بخليهآ فـ بوست بروحه أحسن خخخ
>> أكيــــد شوقتكم لمعرفة التفآصيل >>> قولوآ هيه خخخ
وصح .... بكتب عن هآك اليوم السرّي ههههه .... وبكتب عن شي حز فـ خآطري


أشوووفكم عـ خير ... بسير ألعب بلآي ستيشن ... دعوآآتكم ... بآجر عندي speech
لمدة 10 دقآيق ... يعني بتفلسف شوي خخخ

✿---10 out of 10---✿

YaaaaaaaY ... Finally I got 10 out of 10 in chemistry Test...
eeh ... there is a story behind this
just let me finish my duties then will tell you the story

Good Luck to all of Us

-------------The Update--------Only for me-------------

نقطة البدآيــة .. كآن الحمآس يعتريني
تبون الصدق .. كنت أحمس عمري بشتى الطرق .. بس عسبت مآحس بالرقآد
طبعًا لآزم كل شوي أتحرك ... مآروم أثبت خخخ .. وكنت أحل عـ البورد
الأستآذ حليله شكله مستآنس إنه في حد صآحي خخخ

المهم من زوود الحمآس ... في أول Test يبت 6 من 10
صُعقت ..! أحيد عمري فآهمه .. ودآرسه .. بس كيف مآدري
لآ وهآك اليوم مرتزة جدآم فـ الكلآس هههههه .. حسيت غير

خذنآ أول QuiZz مفآجئ ... من حسن الحظ العآثر مآكنت مرآجعة ولآ شي أبدًا بتآتًا
مآحليت ولآشي .. إللآ أسخف شي وبخط كبير بعد عسبت يتغطى الفرآغ هههههه
>> إستحيت أكتب اسمي فـ الورقة..!

مآزآل الحمآس مستمر ... ويبت 2 من 10
الإف فور .. كلنآ يبنآ 2 من 10 ... ههههه ... حسيت بمعنى كلمة الكسل
ويوم يقولون كسولة ... الكسلآنآت الأربع ... كآن الشعور فيه نوع من اللذة والقهر هههههه
الصرآحة .. تغشيت قبل مآيعطيني الأستآذ الورقة >> أعرف عمري
الكويز اللي عقبه 6 ... 5 ... وهكذآ .... خيبه جنني حآلفه يمين مآآييب أكثر ... إذآ كثّرت 6.25

آخر Test ... مآدرسته ... بس يعني خطفت عـ كل شي وبشكل عآم
وخذنآ التيست .. وأنآ على أمــل إنه يكون شي تحسن .. وبالفعل
الحمدالله يآآآآرب ... ههههه ... أول مآشفت الدرجة شكيت
حتى مآرمت أفرح وآيــد .. خفت خخخخ
الحمدالله .... وإن شآءالله المرآت اليآية بعد جيــه ...!

اممم .. مب مهمه الدرجآت كـ أهمية مقدآر فهمنآ للمآدة والفآيدة اللي نآخذهآ
والإمتحآن مآهو إللآ مقيآس ... وإذآ اختل معنآته في شي غلط

قد يقول البعض تشبعنآ من الدرآسة ... تعبنآ ... ملينآ ... بس مآبضيع تعب السنيــن كلهآ
بسبت تلك المعتقدآت الوآهمة ... مآآآآآآآآآآآحب أقول جيه
وهذآ بروحه موضوع ثآني ... سأتطرق للحديث عنه لآحقًا .. والنهآية دآيمًا مفتوحة

~ هنآك أجزآء ثآنية تآبعة لهالموضوع:
1- جدول الضرب
2- ورقتي في المزبلة ((خخخ .. شو هالعنوآن..؟))
3- مربع الصفر

✿--- 39 ---✿

في هذه الأثنآء .. منهم من يتآبع مبآرآة العين والنصر
ومنهم من يتآبع مبآرآة الإمآرآت والسعوديـة

والشريحة العظمى خرجوآ لينخرطوآ في أجوآء مسيرة اليوم الوطني الـ 39

والبعض فضلوآ أن يبتعدوآ عن تلك الأجوآء الصآخبة
نظرًا لأمرٍ طآرئ ... أو قد يكون حبًا في الإستمتآع بالإحتفآل الهآدئ

كـ ـل عـ ـآم و إمـ ـآرآتـ ـي أحـ ـلى و بـ ـخـ ـيـ ـر
حتى قوقل محتفل معآنآ

28 - 29 - 30
من شهر نوفمبر
احتفلنآ في جآمعتنآ بهذه المنآسبة
كآنت أيآم عآمرة بالضجيـج المفرح .. قد يكون مزعجًا .. بس أعتبره مفرح حين أرى تلك الإبتسآمآت
وأسمع تلك القهقهآت

مآزلت أحلم تلك اللحظآت ... أصبحت كـالهآجس رغم انتهآئهآ
هههه مآتتخيلوون من متى والجميـع يجتهد لإنجآح ورفع رآس السيتآ
وبالفعل .. رفعنآ الرآس .. على الرغم من تلك المعوقـآت

والله استآآآآآآآنست يوووم إنه الكل كآن مستآنس عـ الحفل
والفيدبآك كآن وآآآآيد حلوو

واستآآآآآنست بعد .. إنه عميد كليتنآ + دكآترتنآ حضروآ الإيفنت عشآننآ
كل مرة نحتفل بروحنآ ف كليتنآ .. هالمرة احتفلنآ أمآم حشد الجآمعة
كآن يوم مدجج بالفعل
الحمدالله

CITA Girls

شـكــرًا وآآآآآآآيــــد عـ الجهد اللي بذلتووه .. وشكرًا عـ وقفتكم مع بعض
والله استآآآآآنست عليكن .. رغم إنه الأغلبية يدآد عـ هالأجوآء إللآ إنكن بيضتن الويه
ليـــن اليوووم يشكروون جهوودنآ

وإن شآءالله الله يوفقنآ فـ إيفنتآت قآدمة
بس هالمرة بنخليهآ حقنآ وحق كليتنآ ... فـ الأقربون أولى بالمعروف

F4 .. me and my friends
لمدة 3 أيآآآآم كننآ نلبس نفس الشي
حلووو .. أحب حركآت التطقيــم
أوووه .. كل حد كآن يمدح ويبآ يسوي نفسنآ خخخ
ههههه .. وصلتني مسجآت وإيميلآت إطرآء مع إنني آخر يوم مآلحقت أكشخ وألبس عبآة الشل
يآآآآلله والله كآن خآطري .. بس الله مآكتب


وفقنآ الله وإيآكم .. وسدد خطآنآ وخطآكم