✿---Thursday & Friday---✿

yaaay
Guess what..?

yesterday .. in AD {Abu Dhabi}
I saw my teacher
Mrs. Moza

استآآآآنست يوم شفتها .. سلمت عليهآ .. وعلى أمهآ
وتمت تمدحني جدام أمهآ

فديتني الفتآة الشطّورة المؤدبة
خخخخ
يآآآآآالله .. تخيلوا .. 5 سنين .. وجمعتنا الأيام .. وتلاقينا

وهي تقوللي
كل مااشوف أوراقــج وتعليقاتج .. وأوراق البنات
تقول : ياااالله .. أحين هم وين .. و وين بشوفهم
؟؟؟؟
بس
الحي لآبد يتلاقى مع الحي

~Yesterday~

was amazing actually walla 9edg
I enjoyed my time with my sis in AD

I saw things .. that made me think a lot
and dream a lot el-a lot loOl

أول ماوصلنآ العيــن
حسيــت إني أبآ أحضنهآ وألوي عليهآ
كيف ..!!
مآعرف .. بس إنتابني هــ الإحساس
يااااالله محلآآآ العيــــن


~Today~

كآن التجمع العآئلي كـ العادة فـ بيتنآ
وبمآ إنه امآيه محد .. وأختي اللي أكبر مني تعبآنه ..

سيكون على عآتق "هآكونآ" وليمة الغدآء

رغم توآجد بعض من القوى العآملة
إللا إني حسيت إنه من الأفضل إني أنا اللي أسوي الغدآ

الحمدالله .. سويته بـ جداره .. والكل مدحه

يآآآي أحس بــ فخر

فـ بادئ الأمر .. حسيت إني سويت وآآآيد .. بس يوم شفت إنه مآبقى شي
قلت الحمدالله

*يآآآ إنه الغدا كان لذيذ وخلص
*يآآآ إنه القياس كآن مزبوووت " مضبوط "

الأرجح .. والله أعلم .. الخيآر الأول خخخخخ .. أبا أتخقق كيفي

منذ قليل .. سقيت الزرااعة ويا باباتي \ أبي \ دآدي \ أُبوي
أُبوي »» أنسب وحده

هندي الزراعة في إجآزة .. أحسن .. عطآني فرصة أحس بـ جمآل هالمهنة
حلو كآن

أوووه .. من متى فــ خآطري أزرع شي الناس تستفيد منه فـ حيآتي و بعد ممآتي
أو .. أفسل فسيلة .. يآآآي بآخذ أجر إن شااءالله ..

أفسل فسيلة >> كلمتيــن سببت لي الإحرآج فـ يوم من الأيآم
ههههههههههه
حرآآم قفط ويهي

اللي تفكيره نفس نوع تفكيري يمكن بيفهم السالفة

خخخخخ

يآلله .. أحيــن لازم أدرس جآبتريــن "سيسكو" .. وأمتحن امتحآنيــن

وإن شااءالله بـختم يومي بــ سورة الكهف

دعوآآتكم

{ وآآآيد أشيآآء أبآ أشارككم فيهآ .. وو .. وآآآيد أشيآء أبآ أقولهآ .. بس ...!!!! }

أشوفكم عـ خيــر

✿---Hάķöna & the previous days---✿

wOow.. I rode the bicycle.. I just finished playing with my brothers

طبعآ .. السلطآت العليا ماتعرف
وللا لو تعرف .. كنت بنهزب شوي خخخخ

اشتقت لـ تلك الأيام .. لأيامي المفعمة بالمغامرات والأكشنات

فـ الآونة الأخيرة .. انحسرت أيامي على روتين طَمَسَ معه الشعور بـ لذة العيـش
{حتى أحلامي تأثرت بالوآقع المرير}

على الرغم من وجود بعض الأكشنات .. ولكنها تُعتبر ولا شي مقارنةً بما مضى

و فــ هالويــكند .. بديــت أحس بالعودة لما اعتدت عليــه
بالعودة إلى حياتي التي لطالما رسمتها لـ نفسي

الآن .. تيقنت أن أيام الجامعة أحلى عن أيام الشغل
على الرغم من استمتاعي بـ مكان التدريب

لكن .. صدق .. صدق .. أيام الدراسة أحلى ..
كــــمــــ اشتقت لهآ .. واشتقت لوجودي بين أحضان كلّيتي

لو تعرفون بس مدى حبي لها ..!!

هـ الصورة تم التقاطها بـ عدسة أختي "هندسة معمارية"

يااااي .. والله استانست إنه كليتنا غير .. وفــ منتصف الحرم الجامعي الجديد


تعرفون..؟
أحاتي اليوم اللي بشتاق فيه لأيام الجامعة

مآآآحب الشعور بالشوق .. يُتعبني .. وساعات يعكر مزاجي .. لأني ماقدر أرد وأعيش تلك الأيام
{ الشوق بالنسبالي نوعان .. نوع حلو .. ونوع لا }

بحاول أستمتع بأيامي .. على أمل إنه كل يوم يكون أحلى عن اللي قبله

عسبت مااااشتاقله وأتعذب خخخ

موقف

حياتنا كلها مواقف .. الغريبة .. إننا { أنا والإف فور } دوووم نتعرض لمواقف محرجة

طبعًا أنا أكثر وحده >> ويهي استوى لوح
والله كل يووم لااازم يستوي شي


ههههههههههههههههههههه

خيبه اذكرتهن كلهن أحيــن .. والله أشياء ماتنطرى أمام الملأ
شو بنسوي..!!

تعودنــآآ

كنت نآوية أكتب عن موقف : هآكونآ و ستاربكس + هآكونآ و البلاك بيري
بس البوست شكله مايستحمل أكثر عن جيه
[ تم التأجيــل ]