✿---Wednesday:Interview & IT Gathering---✿

الحمــــدلله رب العآلميــــن
دآئمًــا وَ أبـــــدًا جــدًا

إن تحققت الأحلآم بسهولة فإنها لآ تكون بذاك الطعم اللذيذ
إن تحققت بطريقة مفاجأة جدًا تكون مخيفة نوعًا مآ .. لكنهآ لذيذة
وإن تحققت بصعوبة .. حينهآ تشعر بـ قيمتهآ وتتلذذ بطعمها هع

وفي كل الحالات نقول الحمـــدلله .. وإن شاااءالله تحقق هالأحلام يكون خيــر
++++++++++++++++++++++++++++++
INTERVIEW
++++++++++++++++++++++++++++++
صبآح يوم الأحد نشيت من الرقاد عـ صوت رنة التيلفون
وصلني رقم بوظبي .. اعتقدت أنهآ الآنسة سمر من معهد مصدر
فهي وعدتني بالاتصال .. لتأكيد بعض الأشياء
رديـت .. والصوت غير
لم تكن الآنسة .. ولكنهآ شخص آخر
سألتني إن كنت متفيقه حق مقابلة يوم الأربعآء في .... تلك اللحظة مآكنت ميمّعه
ههههه توني نآشه

قلتلهآ هيه .. وعقب قالتلي وين وو متى وجيه
استغربت .. مآآآذكر إنني قدمت في هالمكآن .. كيف خخخ
رديت أرقد .. ونشيت مرة ثانية عـ صوت التيلفون
وشفت رقم بوظبي .. قلت يمكن هالمرة الآنسة سمر
بس لآ .. كآنت تلك الأخرى لتأكد علي حضوري للمقابلة
يوم خبرت أبوي وو إمايه .. حسيتهم مآيبونني أشتغل في بوظبي

رغم إنه أختي وو إخواني هنآك
وهذا شي تناقشنا فيه مُسبقًا
وأنآ أدري وعلى ثقة بأنه الفرص في أبوظبي أكثر وو أحلى
لكن مآزلت أصارع بقائي في العيـــن .. أبآ أسوي فيهآ شي من خآطري
أقنعتهم .. بأنهآ مجرد فرصة ! عسب أشوف كيف تجري المقابلات
وفي كل شي خيره .. قد تكون فرصة عمل .. قد تكون فرصة مقابلة
الله يعلم
......
يوم الثلآثاء .. تلقيت رسالة الكترونية تنص على تأجيل المقابلة
عآد أنآ استااااانست لأنني كنت أبآ أتفرغ حق بنت أخوي + التجهيز لرحلة الأربعاء
توني رديت عليهم بالموآعيد اللي تنآسبني الأسبوع اليآي
إللآ وو تلك الشخصية قد اتصلت لتعتذر .. وتؤكدلي إنه المقابلة مآزآلت قآئمة
أنهيـت قآئمة أعمالي في وقت متأخر جدًا .. كآنت الساعة 3 وشي
كنت فعلًا منهكه .. رقدت سآعه وو شوي
نشيت تجهزت .. وسرنآ بوظبي .. نآصر، الدريول، وأنآ
وصلنآ قبل الموعد بـ 45 دقيقة .. وفي هالـ 45 دقيقة كننآ ندوّر المكان
الحمممممدلله لقينآه .. ودقت الـ عآشرة صبآحًا
شكـــرًا وااااااايد .. دريول الشركة اللي تشتغل فيهآ أختي يآنآ ودلنآ المكان هع

......
في حيآتي .. قدمت 3 مقابلات
الأولى كانت في مكتب تنسيق البعثات عآم 2006
ههههه يوم أتذكر أضحك عـ عمري .. كنت سآيره ويآ أخوي "السبع"
على غير بقية زميلاتي > استغرقت سآعة في تلك المقابلة
وكل مآآخبر حد عن اللي قالوه واللي قلته ينقعون ضحك علي
كنت عـ أساس أكمل درآستي الجآمعية في الخآرج
في البيت هيهات إنهم يوافقون .. بس يمكن كآنوآ يبون يسكتون إلحآحي
ويوم عرفوآ إنني خلآص انقبلت ههههه استوت سالفة
اممم عقب بخبركم
الثانيـة كآنت في مكتب الخدمة المدنية > البعثة الدراسية المحليّة في 2006
اللي أذكره .. إنني كنت صدق feeling down

بسبة إنهم مآخلوني أسير البعثة .. وبسبة نسبة الثآنوية اللي مآتوقعتهآ مع إنهآ حلوة
ودآني "سعيد" أخوي .. وحمد أخوي كآن وآآآآآيد مُلحّ .. كآنت جنهآ رضوة خخخ
كآنت نآجحة .. وتم قبولي .. الحمـــدلله
الثالثـة كآنت في كلية الهندسة التابعة لجامعة الإمارات في 2010
كآنت لانتقاء طلبة النخبة - للتدريب العملي في ألمآنيا
هالمقابلة كآنت غير تمامًا .. لأنها كآنت عبارة عن activities

ومن خلالها يقيموننآ نحن كيف .. بالاضافة إلى مجموعة كبيرة من الاسئلة
نجاوب عليها عن طريق السيستم .. ومن خلالها يعرفون قدراتنا الذهنيه والشخصية

موافقة أهلي بهالشي .. كآنت معجزة بالنسبآلي .. وشكرًا حق سعيد أخوي لأنه رآفقني
......
وهالمقابلة هي الرآبعة اللي كآنت أمس > يوم الأربعآء في 14 من مآرس 2012
توقعت إنهآ تكون شبيهه لمثيلآتهآ في إنهآ مزدحمة
لكنها كآنت فقط مع المدير الفرنسي
وكآنت مقابلة شبه رسميّـة
بعد الحديث البسيط .. بدأ أسئلته بـ شي من سيرتي الذاتية
شي صرآحة مآتوقعت حد يسأله خخخ
كيف حصلتي على المركز الثاني في الوثب الطويل على مستوى المنطقة؟

وعدة أسئلة عن نفس الشيء .. ثم أشآر بمدى تنوع سيرتي الذاتية هع
اممم بشكل عآم كآنت جيده

مرة أجآوب بطريقة دبلومآسية .. ومرة بطريقة عبيطة
I really showed my schizophrenia

كلها كلها استغرقت سآعة ونصف .. وهنآك تفآصيل جميـــلة لآيسعني ذكرهآ هنآ

وإن شاءالله اللي فيه الخيــر بيصير
++++++++++++++++++++++++++++++
IT GATHERING
++++++++++++++++++++++++++++++
كآآآآآن يوووووووووووووووم في شدة الروعة
الحمممممممدلله يآآآآآرب

كآآآن ودّي كل كلنآآآآ نكوووون هنآآآك في حديقة مريجب النسائية
بس كلن وو ظروفه !
يآآآآآلله .. والله يوم أتذكـر أقعد أضحك

لأنه لمّتنـآ من يوم نحن نخطط لين تنفيذهآ وانتهآئهآ كلهآآآآ ذكريآت مضحكه
كآنت الرحلة ببطولة .. الأسماء عـ حسب الحضور هع:
شمآيل الزيـن وبنت أختهآ .. بنت بدو .. شمّوس .. الطبع الحشيم .. الميــر
نووووف .. هآكونآ .. الوضيحية وولدهآ .. بيــرلي

......
ردينآ من بوظبي .. ووصلنآ 2 وشي يمكن
وسرت أشرف عـ بآقي التجهيزآت حق الرحلة .. وسويت اللي عليْ هع
ضحكتني البشكآره .. مجهزتلي موآعين حلوآآآت جيه زجاج مذهّب
وتقوللي هآييل حلوآت .. قلتلهآ كم بحمّل؟! هآي حق العزآيم مب حق الحديقة !!!!
عآد إمآيه قآلتلي بترومين تسيرين؟
قلتلهآ هيه مب تعبآنه .. قآلتلي شوفي ويهج كيف خخخخخخ

بس صدقي مآبفوتهآآآ ونحن من متــــى نتريآآآهآآآآ
الحمــدلله صارت على أرض الوآقع .. وإن شاااءالله تتكرر قريبًا جدًا
......
لعبنآ فـ الألعآب هههههه آه يوم أتذكر أضحك من قلبي
ولعبنآ ويآ اليهّال اللي هنآك .. الألعآب صغيرة علينآ بس عآدي خشينآ فيهن
وعقب تعشينآ .. واعتبرنآ هآك الشي كله كـ بوفيه حق الموجودين فـ الحديقة
لأنه صدق كآن وآآآآيد مآشآآآآءالله ومنوّع
الحريم يتحرّنآ مسويــن حفلة خخخ
الله يعطينآ الصحة والعآفيـــة
كله سوالف .. ضحك .. أكل .. لعب .. وشوية تصوير

آخر فقرة كآنت السيآكل المربعيّــه.. حلووو كآن
بس أنآ دآيمًا وأبدًا .. أحب السيكل الفردي هع
يآآآآآلله .. الحمـــــدلله .. والله استآنسنآ ليـــن النخآآآع هع

......
رديـت البيت وأنآ متكســــره حيــــل خخخ
حسيت إنني محمومه .. مزكّمـه .. ورقدت على غير إرآدتي
ومآآآآآحطيت الفكس + الدوآء
وحلـــــمت .. حلم مآشي أطول عنـه ههههههههه
حلمت شخص يبرر موقفه .. حلمت اشياء ثانية
حلمت شي أحبّـــه .. حلمت شخص يديد اممم بس مآدري
إن شآآآءالله خيــر
:
:
جيــه كتبت إحدى مذكرآتي .. وكتبت وآيد
إذآ وصلتوآ هالسطر > فـ شكـــرًا لأنكم قريتوآ هآآآه كلله هع