°•°Wεlςöრe৳o HάķöØηãრä৳a৳ã BlØg°•°

Thursday 16 August 2012

✿---رمضآني في سطور---✿


نيّــالي بنت أختي تقول حق السلآحف : مبآآآآآع
ههههه

وصلنآ 28 من رمضآن ! خطفت الأيآم بسررررعة سريعة جدًا
الله يعوووده علينآآ و عليييكم ونحن بصحة وسلآمة
قولوآ آمييييين

هالتدوينة هي فقط عشآن أسوي أبديت
وعن خآآآآطري  .. صدق اشتقت أكون هنيه وأعبّر عن مكنونآتي الدآخليّـة
بس كلّه كلّه مشغولة .. أيآم رمضآن ولحظآته مآتتفوّت ولآ تتعوّض

في النص الأول من شهر الخير

انشغلت في الدرآسة لامتحآن الـ GRE والحمدلله
كنت أوآصل لين وقت السحور ،،
وأنش عند صلآة الظهر
نخطط ونفكّر شو نسوّي حق الفطور ؟!
وتبدأ العمليآت المطبخيّــة .. ونفطر كلنآ ربآعة
عقب الفطور والترآويح أقعد أرآجع شوي .. وأقعد ويآ خوآتي
و غآلبًا كننآ نسير نمشي لمدة سآعة في هالجو المنعش ههههه

كآنت تتخلخل تلك الأحدآث بعض الفعآليآت الفرديّـة الدينية
وبعض التجمعآت العآئلية والزيآرآت
الحمدلله ،، حلوو الرمضآن .. أحبّــه ، أحبّـــه وآآآآيد جدًا أبدًا
Free Smiley Courtesy of www.millan.net

هالفترة طبعًا فترة مصنع التّمور هههه
يعني صرنآ إنّش من وقت أكثر عشآن انّنقي السّح
ونغسله وو بعديييين نكنزه ،، ويكون جآهز حق الشتآ

باختصار عنيف جدًا : هكذآ كآنت أيّـآمي في رمضآن ،،
كنت نآوية أخلّص السيرة النبوية لإبن هشآم

بس صدق الجدول اليومي مزحوم بالأعمآل الأخرى

إن شآآءالله بقرآه كآمل خلآل الأيآم القآدمة

كل رمضآن له طعم مميز وو طآبَع فريد .. االلهم لك الحمد والشكر
وعسى الله يتقبّل صيآمنآ و قيآمنآ ويرزقنآ جنّـآته
Free Smiley Courtesy of www.millan.net


I have some new / good news ,, I'll share them with you all after Eid ISA

4 comments:

Samt♥AlbadoO said...

نفسنا
اقصد لازم عملية جناز السّح كل سنه

السنه لين الحين بنت حمد ما بدت ما ادري شو اخرها اول مره
اكثر شي اكرهه تنقي السخ و جنازه عاد الفتره اتكون الظهر و فالشمس ما ادري جانها اتسوي الضحى
بس دوم انسير وياها الظهر نقعد خاري فالحوش


تعب و صدقاً مااااااااااا احبه




اعرف الشعور هههههه
يعطييييييييييكم العاااااافيه ي ربيه

HάķöØnã✿რätatã said...

ههههه هيـــه
الله يعآآآفيج يآآآرب

الحمدلله خلصنآ سح الخلآص
وبآقي شوي من الخرآيف الثآنية
الحمدلله

يوم كنت صغيرة كنت أشرد عنهم ههههه
أحين مآروم أشرد
فضيحه، لآزم نتسآعد وو جيه
=D

نوال said...

كل رمضان وأنتم بألف خير ...الله ذكرتيني بأيام الجناز التمر ...كنت أساعد الوالدة بالجناز ...بس من زمان ما نجنز لأن الوالدة تعبت ...طعم التمر المجنوز غيييييييير ...الله يعطيكم العافية

abhasoft said...

مشكوووور